1 Bibɔrb 15:5 - Uwumbɔr aagbaŋ

⁵ David aah nan tun ŋitun ŋi piin Uwumbɔr aasui, kaa yii waah tuk u pu na pu, le u nan ŋa kina. David aataani ubaa u, u nan tun na le ye Hef aanii Uria aabɔr na baanja.

1 Bibɔrb 15:5 ပူးပေါင်းရင်းမြစ်များ

1 Bibɔrb 14:8

M nan gaa nnaan ngbaan David aayaabitiib chee le ki di mu tii si. Tɔ, aa mu aa bi ke maatutunn David, u nan dii mi mbamɔm, ki kii maamɔb, ki nan ŋani tiwan ni m tii u nsan u ŋa na baanja na.

1 Bibɔrb 15:3

U nan tun titunwanbir baan ti ute nan tun na, le kaa nan di ubaa tii Udindaan Uwumbɔr kookoo, ke uyaaja David aah nan di tii pu na.

1 Bibɔrb 3:3

Solomonn nan gee Uwumbɔr, le ki dii nsurm mu ute David nan tii u na, u mu nan tee kɔr tiwakor toor kitork ŋibimbin yayan pu.

1 Bibɔrb 9:4

Aa yaa di ibamɔn, ni mbimbinyaan dii mi, ke aate David na, ki joo maakaal, ki ŋani maah bui si pu na mɔmɔk kan,

2 Bibɔrb 22:2

Josia nan ŋani tiwan ni piir Uwumbɔr aasui na la; u nan dii uyaaja Ubɔr David aah nan dii nsan mu na, le ki joo Uwumbɔr aakaal kin kin.

2 Bibɔrb Aabɔr 34:2

U nan ŋa tiwan ni piir Uwumbɔr aasui na; u nan dii uyaaja Ubɔr David aah nan dii nsan mu na, ki joo Uwumbɔr aakaal kin kin.

Ilahn 119:102

Sin aabaa aah ye maamɔmɔkr na, maa lik saakaal fam.

Ilahn 119:6

M yaa kpa saamɔbon pu ntafaŋum kan, maan ji inimɔɔn daalbaadaal.

Ilahn 51:1

Uwumbɔr, san mi kinimbaak, saageehm mu bi n‑yoonn mɔmɔk na pu. Saanimbaasaln sakpeln pu, finn nyan maatunwanbir.

Tibɔnyaan ti Luk ŋmee ti na 1:6

Sekaria ni upuu mɔmɔk nan ye bininyaam Uwumbɔr chee, ki dii waakaal mɔmɔk, ki ŋani waah ban pu na, kaa kpa taani ubaa.

Lituln 13:22

Nee aapuwɔb le Uwumbɔr nyan u bi chee, ki di David ŋa baabɔr, ki len ke, ‘David u ye Jese aajapɔɔn na bi maah gee pu na. U ga li ŋani maah gee pu na mɔmɔk.’

Lituln 13:36

Ubɔr David aah nan bi na, u nan tun Uwumbɔr aatuln, le ki ti kpo. Le bi sub u uyaajatiib chee, le u bur.

Ikaal 17:20

Nima kan, waan dakl ke u jer Israel yaab biken, ki yii Uwumbɔr aasan. Nima kan, u ga yunn nnaan ngbaan ponn ni, le uyaabitiib ga li joo nnaan ngbaan ki yunn pam.

1 Samuel 25:28

Maaninkpel, m gaŋ si ke aa di cha pinn mi taani umɔk m ŋa na. Uwumbɔr ga ŋa si ubɔr, ki di kpee aayaabitiib mu; ba pu? aa bi to waatɔb la, kaan ŋa tibɔbir tibaa n‑yoonn mumɔk aa bi limɔfal ponn ni na.