1 Bibɔrb 15:4 - Uwumbɔr aagbaŋ

⁴ Tɔ, David pu na, Udindaan Uwumbɔr nan tii Abija ubijabo ke u nan nab waanaan pu Jerusalem aatiŋ ni, ki li joo ki mbamɔm, nibaa taa ŋa ki.

1 Bibɔrb 15:4 ပူးပေါင်းရင်းမြစ်များ

Mpiin 12:2

M ga cha aa maa ki pɔr pam, le saamaal ga ŋa linibokpaan. M ga ŋa tinyoor ŋa aa pu, le aa ga li kpa liyimbil, le aa pu, binib ga kan tinyoor m chee.

Mpiin 19:29

Tɔ, Uwumbɔr aah nan bii kifataŋ aatim mu Lot nan koo na, u nan teer Abraham bɔr, le ki gaa unaal aajapɔɔn Lot lii.

Mpiin 26:5

M ga ŋa tinyoor ŋa aa pu; ba pu? aate Abraham nan kii maamɔboln ki joo maakaal ni maakoobil mɔmɔk mbamɔm.”

2 Samuel 21:17

le Seruya aajapɔɔn Abisai nan dan nan ter David, le u ni liwɔkl ngbaan di saa tɔb, le u ku liwɔkl ngbaan. Le David aajab cha u puu ke waan ki dii bi buen butɔb ni. Bi nan bui u ke, “Sin le ye Israel aanib aamakl, le taa ban ke aa nya timi aaŋaal ni.”

1 Bibɔrb 11:12

Tɔ, aate David pu na, maan ŋa kina saamɔfal yoonn, m tee ga ŋa kina aajapɔɔn aayoonn la.

1 Bibɔrb 11:32

Solomonn ga li joo linibol libaa; ba pu? u ye maatutunn David aabo. Jerusalem mu ye kitiŋ ki m lee ki, ke ki li ye mbaa aatiŋ, Israel aatim mɔmɔk ponn ni.

1 Bibɔrb 11:36

le ki ga tee cha Solomonn aajapɔɔn li joo linibol libaa, aan ki li kpa maatutunn David aayaabil ubaa n‑yoonn mɔmɔk u li joo Jerusalem aatiŋ, kitiŋ ki m lee ki ke bi li dooni mi nima chee na.

2 Bibɔrb Aabɔr 21:7

Uwumbɔr mu aa nan gee ke u kuln David aanaan, ba pu? u nan puu tipuukpaan tii David ke u ga li kpa yaabil n‑yoonn mɔmɔk, u ji nnaan.

Ilahn 132:17

Do le m ga ŋa David aayaabitiib ubaa ubɔrkpaan; do le m ga kaan ubɔr u m lee u na ki ti saa n‑yoonn mu kaa kpa ndoon na.

Ilahn 18:28

Uwumbɔr, sin le tii mi nwiihn; sin le jenn maabɔmbɔɔn.

Ilahn 87:5

Bi ga len ke ŋitimbol mɔmɔk ye Sionn yaan la, le Uwumbɔr Mpɔɔndaan ga tii Sionn mpɔɔn.

Aisaya 14:32

Kinye aan ti ga gar ituun i nyan ni Filistia yaab chee na? Ti ga bui bi ke Uwumbɔr maa Sionn siin, le waanib bi nan ji falaa na ga kan lifuur nima chee.

Aisaya 37:35

M ga kiir kitiŋ kimina, ki biin ki pu, maapak pu, ni maah puu tipuur ti tii maatutunn Ubɔrkpaan David na pu.’”

Aisaya 62:7

Bi taa cha u fuur kpala ki ti saa buyoonn u ga ki giin Jerusalem siin kaasisiiyaan, ki ŋa ki kitiŋ ki dulnyaa mɔmɔk pak na.

Aisaya 9:7

Waanaan aapɔɔn aan li kpa ndoon. Waanaan ga li kpa nsuudoon n‑yoonn mɔmɔk. Uwumbɔr ga tii u uyaaja Ubɔr David aanaan. U ga li joo nnaan ngbaan ki cha mu li kpa mpɔɔn, ki ga tii binib baabamɔn ki cha mbimbinyaan li bi ki ti saa dulnyaa aadoon. Uwumbɔr Mpɔɔnsakpiindaan puu ke u ga ŋa kina.

Jeremia 33:2

Uma u aayimbil ye Uwumbɔr, aan u naan taab, ki toor, ki di ki siin na, nan len m chee tibɔr ke,

Matiu 16:18

Piita, m tuk si la, aa ye litakpal la. Litakpal limina pu le m ga di maanib siin. Le nkun aapɔɔn aan nyaŋ bi.

Tibɔnyaan ti Luk ŋmee ti na 2:32

U ye nwiihn ki ga woln binib bi kaa ye Israel yaab na aanimbil. U pu, le binib ga nyuŋ saanib Israel yaab.”

Jɔnn 8:12

Yesu nan ki len kinipaak ngbaan chee ki bui bi, “Min le ye dulnyaa ni aawiihn ki wolni binib aanimbil. Unii umɔk dii mi na aan li bi mbɔmbɔɔn ni. U ga li kpa limɔfal, ki ga li bi nwiihn ni.”

Rom Yaab 11:28

Tɔ, baah yii Yesu aabɔnyaan tee na, bi ye Uwumbɔr aadim la. Nima le ni kan tinyoor ki ŋmar. Uwumbɔr mu nan lee bi; waah lee bi na, biyaajatiib pu le u gee bi.

Ikaal 4:37

Waah gee niyaajatiib pu na, le u lee nimi, ki di waapɔɔn sakpiin na nyan ni nimi Ijipt aatiŋ ni.

Tibɔkpiirkaan 22:16

“Min Yesu tun ni maatuun u nan tuk nimi tibɔr tee, ni ti tuk maanib. M ye Ubɔr David aayaabil, ki ye liŋmabil naanyuun li wiin chain na.”