1 Bibɔrb 14:4 - Uwumbɔr aagbaŋ

⁴ Kina pu le u buen Ahija do Silo aatiŋ ni. Tipor nan cha Ahija jɔb.

1 Bibɔrb 14:4 ပူးပေါင်းရင်းမြစ်များ

Mpiin 27:1

N‑yoonn mue Aisak nan por pam, ki jɔb, kaa ki waa. U nan yin ujapɔpol Esɔ, le ki bui u ke, “Maabo.” Le Esɔ kii ke, “Nte, m sɔ.”

Mpiin 48:10

Jakob aah nan por sakpen pu na, waa nan ki waa mbamɔm. Le Josef di waabim ngbaan buen u chee, le u bub chuu bi, ki moor bitakpin.

1 Bibɔrb 11:29

Daalbaadaal, Jeroboam nan nyan Jerusalem le ki cha, le Uwumbɔr aabɔnabr Ahija u nyan ni Silo aatiŋ ni na kan u ubaa nsan ni, timoor ni.

1 Bibɔrb 14:2

Le Jeroboam bui upuu ke, “Jer aabaa aan ubaa taa ŋmaa bee si, ki li cha Silo aatiŋ ni, nin chee Uwumbɔr aabɔnabr Ahija koo na, uma le nan bui mi ke m ga ji nnaan Israel aatiŋ pu na.

Ilahn 90:10

Timi aabin ye imonko itaa ni kipiik baanja la, le binib bi pɔɔ na fuur imonko inaa; tɔ, ŋi mu aah joo ni tiwan ni na tii timi na le ye tibɔr ni nsuubiin; limɔfal kpaan doo le na, timi aadoon le na.

Ulandaan 12:3

Le saaŋaal i ter si dandana na ga yɔl, le saataa ŋi laa pɔɔ na ga diŋ. Saanyin ŋi ga gur aamɔb ni na aan ŋmaa ŋmɔ tijikaar ti aa ji na. Le saan ki li waa mbamɔm.

Ikaal 34:7

Moses nan saa ŋibin nkub ni moninko le ki nin kpo. Hali waah nan por sakpen pu na, u nan beenin pɔɔ ke unachipɔɔn na, le ki nan beenin waa kina chain.

Josua 18:1

Baah nan nyaŋ ki gaa kitiŋ ngbaan mɔmɔk doo na, le Israel yaab mɔmɔk kuun buen Silo aatiŋ ni, ki ti ŋa Uwumbɔr Aabool nima chee.

1 Samuel 3:2

Kinyeek kibaa le Eli, u kaa nan ki waa mbamɔm na, nan dɔ geen waadɔdoo chee,

1 Samuel 4:15

Eli nan ye ŋibin imonko inaa ni kipiik ni ŋiniin aanii le n‑yoonn ngbaan, kaa ki waa mbamɔm.