1 Bibɔrb 13:8 - Uwumbɔr aagbaŋ

⁸ Uwumbɔr aabɔnabr ngbaan nan gar u ke, “Hali aa yaa di saawangol ligeln libaa le ŋa mi tiŋann kan, maan dii si, kaan ji, kaan nyu nibaa aaŋaal ni.

1 Bibɔrb 13:8 ပူးပေါင်းရင်းမြစ်များ

1 Bibɔrb 13:9

Uwumbɔr bui mi ke m taa ji, ki taa nyu nibaa, ki taa gir dii nsanbaan mu m ba dii ni na.”

2 Bibɔrb 5:16

Le Elaisa gar u ke, “M puu maah dii Uwumbɔr u, aan u bi n‑yoonn mɔmɔk na aayimbil pu, ke maan gaa aa chee ipiin ibaa.” Naamann nan muk u ke u gaa, le u yii kaan gaa.

Ilahn 141:4

Li kii mi aan m taa li neen ke m tun taani, ki li kii mi m taa kpaan titunwanbirdam chee baabiin aatuln ni. Taa cha m kpaan bi chee baajim ponn ni.

Nnyam 5:3

Moses ni Aaronn nan giin bui u ke, “Timi Hiibru yaab Aawumbɔr le di ubaa mɔk timi. Kii tii timi ki cha ti chuun iwiin itaa ki buen kipɔɔk ni, ki ti toor kitork tii Tidindaan Uwumbɔr. Ti yaa kaa ŋa kina kan, u ga di iween, bee butɔb le ku timi.”

Nnyam 5:6

Liyaadaal ngbaan le ubɔr bui Ijipt yaab ni Israel yaab bi joo binaagbiib bi tun lituln na ke:

Nnyam 7:2

Tuk Aaronn tibɔr timɔk m ga tuk si na, uma le ga bui ubɔr ngbaan ke u cha Israel yaab nya waatiŋ ni.

Nkahm 22:18

Le Balaam giin bui bi ke, “Ni yaa ye ke Balak ga di tikunabr ni salmaa u kookoo bi waadichal ni na le tii mi, bee ni yaa ti ki ye tibɔr waatiir, bee tisakpeln pu kan, maan ŋmaa yii Ndindaan Uwumbɔr aamɔb.

Nkahm 22:8

Balaam nan bui bi ke, “Doon man, aan ni yaa fe woln fen kan, m tuk nimi Uwumbɔr aah ga bui mi pu na.” Le Moab yaab aayidam ngbaan doon Balaam do.

Nkahm 24:13

ke aa yaa ga di tikunabr ni salmaa u mɔmɔk gbii saabɔrdichal ni na tii mi kan, maan ŋmaa yii Uwumbɔr ki ŋa maageehn. M ga len Uwumbɔr aah bui mi ke m len pu na baanja la.”

Tibɔnyaan ti Mak ŋmee ti na 6:11

Kitiŋ kibaa aanib yaa kaa gaa nimi, ki yaa yii nimi aabɔr kan, ni nya nima, ki kpaar nitaa aatatan lii nima. Nimina le ga li ye nsurm ki tii bi.”

Tibɔnyaan ti Mak ŋmee ti na 6:23

U nan puu Uwumbɔr ke u ga tii u waah ban pu na; ni yaa po ye waanaan ligeln kan, u ga tii u.