1 Bibɔrb 13:5 - Uwumbɔr aagbaŋ

⁵ Uwumbɔr aabɔnabr ngbaan aah nan di Uwumbɔr aayimbil len pu na, libuul ngbaan ni le libimbiln ngbaan wur lir kitiŋ, le nfatan ngbaan yaa.

1 Bibɔrb 13:5 ပူးပေါင်းရင်းမြစ်များ

1 Bibɔrb 13:3

Le Uwumbɔr aabɔnabr ngbaan ki len ke, “Kitork aabimbiln limina ga wur lir, le nfatan mu paa li pu na ga yaa. Le aa ga bee ke Uwumbɔr le cha m len.”

1 Bibɔrb 13:4

Ubɔr Jeroboam aah ŋun tibɔr timina na, le u di uŋaal mɔk u ki bui ke, “Chuu uja ngbaan man.” Libuul ngbaan ni le ubɔr aaŋaal ngbaan faan, le waa ki ŋmaa giin mu.

1 Bibɔrb 13:6

Ubɔr Jeroboam nan bui Uwumbɔr aabɔnabr ngbaan ke, “Ŋaanii ki mee Aadindaan Uwumbɔr tii mi, aan u cha ŋŋaal ki pɔɔk.” Uwumbɔr aabɔnabr ngbaan nan mee Uwumbɔr, le ubɔr aaŋaal pɔɔk.

1 Bibɔrb 17:16

Uwumbɔr aah cha Elaija puu tipuur ti na, n‑yon aa nan doo lisambil ngbaan ni, le nkpan mu aa doo likpasambil ni.

1 Bibɔrb 22:28

Le Mikaya teen ke, “Aa yaa gir ni ni laafee kan, kina kan, Uwumbɔr le aa len m chee tibɔr ke m di nabr si,” le ki ki len ke, “Ni mɔmɔk pel maah len pu na man.”

1 Bibɔrb 22:35

Butɔb aah nan ton kpan kpan na, Ubɔr Ahab nan gaar ka waataan aatɔroku ni, le ki lik Siria aajab wɔb. Nsin mu nan nya lipinbuel ni na nan gbiin tɔroku ngbaan aataab; joo cha kijook na le u kpo.

Amos 3:14

ke bundaal m ga daa Israel yaab aatafal baatunwanbir pu na kan, m ga gbaa wii ŋiwaabimbin ŋi bi Betel aatiŋ ni na mɔmɔk. Ŋibimbin ngbaan mɔmɔk aamɔju ga wii ki lir kitiŋ.

Tibɔnyaan ti Mak ŋmee ti na 16:20

Le waadidiliib buen ŋipepel mɔmɔk ni, ki ti tuk binib tibɔnyaan tee. Le Tidindaan ter bi, ki cha bi tun lijinjiir aatun. Baah tun lijinjiir aatun na, nima le mɔk binib ke baah len tibɔnyaan ti na, ti gbii. Amii.]

Ikaal 18:22

Ubɔnabr yaa nabr tibɔr aan taa nan gbiin waah len pu na kan, taa ye mbamɔn, le ni mɔk ke taa nyan ni Uwumbɔr chee. Ni mɔk ke ubɔnabr ngbaan len ubaa aageehn aabɔr la. Ni taa san u ijawaan.