1 Bibɔrb 13:4 - Uwumbɔr aagbaŋ

⁴ Ubɔr Jeroboam aah ŋun tibɔr timina na, le u di uŋaal mɔk u ki bui ke, “Chuu uja ngbaan man.” Libuul ngbaan ni le ubɔr aaŋaal ngbaan faan, le waa ki ŋmaa giin mu.

1 Bibɔrb 13:4 ပူးပေါင်းရင်းမြစ်များ

Mpiin 19:11

Bi nan cha Sodom aajab ngbaan jɔb, le baa ki waa mbisamɔb chee.

1 Bibɔrb 12:29

U nan di unaajabo naankee ubaa siin Betel aatiŋ ni, le ki di uken na mu siin Dann aatiŋ ni.

1 Bibɔrb 13:3

Le Uwumbɔr aabɔnabr ngbaan ki len ke, “Kitork aabimbiln limina ga wur lir, le nfatan mu paa li pu na ga yaa. Le aa ga bee ke Uwumbɔr le cha m len.”

1 Bibɔrb 13:5

Uwumbɔr aabɔnabr ngbaan aah nan di Uwumbɔr aayimbil len pu na, libuul ngbaan ni le libimbiln ngbaan wur lir kitiŋ, le nfatan ngbaan yaa.

1 Bibɔrb 22:27

Aa ti bui bi ke bi di u ŋa kiyondiik ni, ki li tii u tikonjiir ki ti saa bundaal m ga gir ni, ni laafee na.”

2 Bibɔrb Aabɔr 16:10

Nimina nan cha Asa aaŋuul fii Uwumbɔr aabɔnabr ngbaan pu sakpen, le u cha bi baa u tikululn. N‑yoonn baan mue, le Asa nan piin ki ŋani binib ngem mbiin.

Ilahn 105:15

“Taa tii maatutum titotonn man; taa meeh maabɔnabtiib man.”

Matiu 25:40

Le min Ubɔrkpaan ngbaan ga bui bi, ‘M tuk nimi mbamɔn la, naah nan ŋa kina ki tii nnaabitiib, biwaatiib bimina na, ni nan ŋa tii mi le na.’

Matiu 26:57

Binib bi nan chuu Yesu na nan di u buen Uwumbɔr aatotoorninkpel Kayafas aadichal ni, Uwumbɔr aakaal aamɔmɔkb ni Juu yaab aaninkpiib aah kuun nin chee na.

Tibɔnyaan ti Luk ŋmee ti na 6:10

Le u lik bi mɔmɔk, le ki bui uja u aaŋaal faan na, “Taln aaŋaal.” Le u taln uŋaal. Le mu pɔɔk.

Jɔnn 13:20

M tuk nimi mbamɔn la, unii yaa gaa maah ga tun unii u na, u gaa mi le na. Unii yaa gaa mi kan, u gaa Uwumbɔr u tun ni mi na le na.”

Jɔnn 18:6

Yesu aah len ke uma ye na, le bi sur puwɔb, ki lir kitiŋ.

Tibɔkpiirkaan 11:5

Unii ubaa yaa ban u ŋa bi nibaa kan, mmii ga nyan bimɔi ni ki ku baadim. Unii ubaa yaa ban u ŋa bi nibaa kan, see bi ku u kina.