1 Bibɔrb 13:34 - Uwumbɔr aagbaŋ

³⁴ Titunwanbir timina le nan joo ni libiil, ni kookoo aakuln, waanaan aadichal pu.

1 Bibɔrb 13:34 ပူးပေါင်းရင်းမြစ်များ

1 Bibɔrb 12:26

U nan bui ubaa ke, “Naah bi pu dandana na, maanib yaa ki buen Jerusalem ni, bi ti toor kitork tii Uwumbɔr, Uwumbɔr Aadichal ni kan, bi ga fenn buen Juda yaab aabɔr Rehoboam chee le ki ga ku mi.”

1 Bibɔrb 12:30

Le binib ngbaan nan tun titunwanbir, ki chaa Betel ni Dann aatim ni ti dooni ŋiwaa ngbaan.

1 Bibɔrb 14:1

N‑yoonn ngbaan le Ubɔr Jeroboam aajapɔɔn Abija buŋ.

1 Bibɔrb 14:10

Nimina pu na, m ga cha tibɔbir pii ni saanaanjirb ki ga ku aayaabitiib bi ye bijab na mɔmɔk. M ga ku mbim ni bininkpiib mɔmɔk la. M ga kuln saadichal; m ga ŋar bi ŋŋaan ke tinaabin na la.

1 Bibɔrb 14:11

Ibɔ le ga ŋmɔ saadichal ni aanib bi kpoi kitiŋ ponn ni na, le nangba tiib gbaa bi kpoi timoor ni na. Min, Uwumbɔr le len kina.’”

1 Bibɔrb 14:16

Jeroboam aah tun titunwanbir ki cha Israel yaab mu tun pu na le ga cha Uwumbɔr yii Israel yaab.”

1 Bibɔrb 14:7

Li cha ki ti bui Jeroboam ke Israel yaab Aadindaan Uwumbɔr bui u ke: ‘M nan nyan si binib ponn ni le ki di si ŋa maanib Israel yaab aajojoor.

1 Bibɔrb 15:25

Ubɔr Asa aah nan ye Juda yaab aabɔr pu na aabileler ponn ni, le Ubɔr Jeroboam aajapɔɔn Nadab jin Israel aanaan, le ki joo waanib ki ti saa ŋibin ŋilee.

1 Bibɔrb 15:26

Ute u nan puen jin nnaan aan u nan nab na aah nan bi pu na, u mu nan tun Uwumbɔr titunwanbir ki cha Israel yaab mu tun kina la.

1 Bibɔrb 21:22

Saadichal ga ŋa ke Nebat aajapɔɔn ubɔr Jeroboam aadichal na, ki ki bi ke Ahija aajapɔɔn Ubɔr Baasa aadichal na. Saah fiin maaŋuul ki cha Israel yaab tun titunwanbir pu na, le ni ga ŋa kina.’

2 Bibɔrb 10:29

Tɔ, u nan tee dii Ubɔr Jeroboam, u nan di Israel aanib koon titunwanbir ponn ni ke bi li dooni salmaa aanaaja naankee ilee i bi nan di siin Betel, ni Dann aatim ni na.

2 Bibɔrb 10:31

Tɔ, Jehu aa nan di usui mɔmɔk kii Israel yaab Aadindaan Uwumbɔr aakaal; u nan labr dii Jeroboam u nan di Israel yaab koon titunwanbir ni na aasan la.

2 Bibɔrb 17:21

Uwumbɔr aah yakr Israel yaab, Juda yaab chee doo na, le Israel yaab di Nebat aajapɔɔn Jeroboam ŋa baabɔr. Jeroboam nan cha bi suln Uwumbɔr bɔr, le ki di bi koon titunwanbir kpaan ni.

Ŋiyataŋak 13:6

Mbimbinyaan le kii binib bi kaa kpa taani ubaa na; le mbiin ye titunwanbirdam aalirm.

Jeremia 28:16

Kina pu na, Uwumbɔr ubaa len ke u ga ku si. Saah bui binib ngbaan ke bi yii Uwumbɔr aamɔb na, aa ga kpo waahr aan libiln lee nin jer.”

Hosea 10:8

Afenn aagongon pu aawaa ŋi Israel aanib dooni ŋi na ga ber. Ikokon ni timoor le ga gaa kitork aabimbin ngbaan. Binib ga bui ŋijoo ke, “Bɔr timi man,” le ki bui ŋigongon ke, “Biin ti pu man.”