1 Bibɔrb 13:18 - Uwumbɔr aagbaŋ

¹⁸ Le Uwumbɔr aabɔnabkpok u nyan Betel ni na nan bui u ke, “Min mbaa mu ye Uwumbɔr aabɔnabr ke sin na la; le Uwumbɔr aatuun bui mi ke m nan di si buen linampal ki ti ŋa si tichann.” Tɔ, Uwumbɔr aabɔnabkpok ngbaan nan bi geei la.

1 Bibɔrb 13:18 ပူးပေါင်းရင်းမြစ်များ

Mpiin 27:24

le ki ki baa lelee ke, “Mbamɔn, Esɔ sil ye ee?” Le Jakob bui ke, “Min Esɔ ye.”

Mpiin 3:13

Le Uwumbɔr baa upii ngbaan ke, “Ba ŋa aa ŋa kina?” Le upii bui u ke, “Uwaa le ŋmann mi, le m moo.”

1 Bibɔrb 13:19

Kina pu le Uwumbɔr aabɔnabr u nan nyan ni Juda aatiŋ ni na dii ubɔnabkpok na buen linampal, le u ni u ti jin tijikaar.

1 Bibɔrb 20:35

Uwumbɔr aamɔboln pu le waabɔnabr ubaa nan bui uŋeen aatɔtiib ponn ni uken ke u faa u. Le uma ngbaan yii,

1 Bibɔrb 22:22

Le Uwumbɔr baa mu ke, ‘Aa ga ŋa kinye?’ Le mu gar u ke, ‘M ga buen le ki ti cha Ahab aabɔnabr mɔmɔk mɔnn inyamɔn.’ Le Uwumbɔr bui ke, ‘Li cha ki ti ŋmann u. Aa ga ti ŋman.’”

Ŋiyataŋak 12:19

Nnyamɔn aa yunni, le mbamɔn ma aa kpa ndoon.

Ŋiyataŋak 12:22

Uwumbɔr aa gee binyamɔndam, le ki kpa mpopiin binib bi len ibamɔn na pu.

Ŋiyataŋak 19:5

Aa yaa geei inyamɔn libɔjil ni kan, aa ga kan ntafadaan; saan nyan mu ni.

Aisaya 36:10

Ni dak ke m di mbaa aapɔɔn le ki nan tak nimi aatiŋ ki kuln ki, kaa ye Uwumbɔr aaterm aa? Uwumbɔr ubaa le bui mi ke m nan tak ki, ki kuln ki.”

Aisaya 9:15

Bininkpiib bi por na, ni baaninyuum le ye liyil, le ŋitaa ye Uwumbɔr aabɔnabr bi joo inyamɔn mɔk binib ngbaan na.

Jeremia 23:14

M ki kan maabɔnabr bi bi Jerusalem aatiŋ ni na aatunwanbir jer kina; bi gɔr kidagook le ki geei inyamɔn; bi ter binib le bi tun titunwanbir, le ubaa aa ŋmaa di cha titunwanbir aatuln. Mma chee kan, bi mɔmɔk bi ke Sodom ni Gomora aanib na la.

Jeremia 23:17

Bi tuk binib bi yii kaa pel maah len pu na ke nibaa aan ŋa bi, le ki tuk binib bimɔk kpa tafalaaŋun na ke tibɔbir aan dan bi pu.”

Jeremia 23:32

Uwumbɔr bui ke, “Li pel man maah len pu na. M ni bibɔnabr bi joo baadaŋ ti gbii inyamɔn na mooni na ga kan tɔb. Bi joo tidaŋ ngbaan le len, ki joo baanyamɔn ni kipupuk ŋmanni maanib. Maa tun bi, kaa bui bi ke bi li cha, le baa kpa nterm mubaa ki tii binib ngbaan. Min Uwumbɔr le len kina.”

Jeremia 29:31

ke m di Semaya aabɔr tee naŋ tuk binib bi mɔmɔk bi tinaagbiir ni Babiloŋ ponn ni na ke, “Min Uwumbɔr ga daa Semaya ni uyaabitiib aatafal. Maa tun ni u, le u len tibɔr ke waah ye maabɔnabr le na, ki cha ni gaa waah geei inyamɔn i na. Waan li kpa yaabil ni ponn ni. Waah bui maanib ke bi nya mpuwɔb na, waan li bi ki nan kan tiwanyaan ni m ban m nan ŋa tii maanib na. Min Uwumbɔr le len kina.”

Jeremia 5:12

Uwumbɔr aanib yii u ki bui ke, “Mbamɔn, waan sil ŋa nibaa. Tibɔbir aan dan ti pu; butɔb ni nkon aan lir ti pu.”

Jeremia 5:31

maabɔnabtiib geei inyamɔn ŋmeen la; le bitotoorb di bibaa aapɔɔn le joo binib, le maanib gee kina la. Tɔ, nimina mɔmɔk ti doo kan, bi ga ŋa kinye?”

Esekiel 13:22

“Ni joo nimi aanyamɔn le yɔl bininyaam bi maa kpa nlandak ke m tii bi titotonn na aataakpab. Ni kii titunwanbirdam le baan ŋmaa di cha titunwanbir ki nya nkun ni.

Esekiel 13:8

Kina pu na, Bidindaan Uwumbɔr bui bi ke, “Nimi aamɔbon aa gbii, le tibɔkpiirkaan na mu ye inyamɔn. M nyan sil ni pu la.

Nkahm 22:35

Le ntuun ngbaan bui u ke, “Li dii bijab ngbaan cha. Aa mu ti len maah ban ke aa len pu na baanja.” Kina pu na, Balaam nan dii bi buen.

Matiu 24:24

Ba pu? biŋmaŋmannim ga li bi. Bibaa ga bui ke bi ye Kristo ngbaan la. Biken mu ga bui ke bi ye Uwumbɔr aabɔnabtiib la. Le bi ga tun lijinjiir aatun pam, ki ŋmann binib. Hali, bi ga pɔɔn bibaa ke bi ti ŋmann binib bi Uwumbɔr nyan bi na.

Matiu 7:15

“Ni li nyi binyamɔndam bi ŋmanni ke bi ye Uwumbɔr aabɔnabr na. Bi ŋmanni ke bi ye ipiih, le ki tee ye ŋisapol ŋi ga bii nimi na.

Rom Yaab 16:18

Binib bi bi kina na aa dii Tidindaan Yesu Kristo. Bi dii bima bibaa aasui aah ban pu na la. Bi kpa mmɔmɔɔn ki ŋmanni bininyaam.

2 Korenti 11:3

M san ijawaan ke binib ga ŋmann nimi, ni taa ki dii Kristo mbamɔm, ke kinimbɔŋ aah nan ŋmann Adam aapuu Iif pu na.

Galantiya 1:8

Timi le yaa tuk nimi tibɔr ti kaa ye taah nan tuk nimi tibɔnyaan ti na, bee ni ti ki ye Uwumbɔr aatuun u nyan ni Uwumbɔr do na le tuk nimi tibɔyayan tee kan, cha Uwumbɔr puun lii u pu.

1 Timoti 4:1

Tɔ, Uwumbɔr Aafuur Nyaan len mpaan pu, ke n‑yoonn mu choo na binib bibaa ga yii Yesu aabɔr, ki kii inyamɔn, ki dii bipɔnib bi ŋmanni bi na.

1 Timoti 4:2

Bipɔnib ngbaan ga cha binib bibaa ŋmann ke bi mɔk binib Uwumbɔr aasan. Bi ye binyamɔndam la. Baalandak aa ki muk bi baatunwanbir pu.

2 Piita 2:1

Biŋmaŋmannim mu nan bi Israel yaab ponn ni n‑yoonn ngbaan, ki ŋmanni ke bi ye Uwumbɔr aabɔnabr la. Le biŋmaŋmannim ga li bi ni mu ponn ni, ki ga li looni ki mɔk nimi nnyamɔn aamɔkm mu ga bii nimi na. Hali bi ga yii Tidindaan u nan gaa bi lii na. Nima pu le Uwumbɔr ga daa bitafal mbamɔm mala.

1 Jɔnn 4:1

Maanigeekaab, binib yaa len ke bi kpa Uwumbɔr Aafuur Nyaan kan, ni taa pak bi mɔmɔk. Ni lik baah len pu na, aan ki bee ke ni ye Uwumbɔr Aafuur Nyaan le cha bi len aan naa ye. Biŋmaŋmannim chuun dulnyaa wee ni ki wiir, ki len ke bi ye Uwumbɔr aabɔnabtiib, kaa ye.

Tibɔkpiirkaan 19:20

Le u chuu upeel ngbaan, ni waabɔnabr u nan tun lijinjiir aatun unimbiin ni ki ŋmanni binib bi nan gaa upeel ngbaan aadaan ki dii waawaal na. Bi nan chuu upeel ngbaan ni waabɔnabr ngbaan ki di ŋa chirbil aamii sakpiin ni, bifuub.

Bibɔjirb 13:3

Uwumbɔr aatuun nan dan upii ngbaan chee le ki nan bui u ke, “Saa kee ma ubo, tɔ, aa ga gbeen dek ki maa ubijabo.