1 Bibɔrb 11:7 - Uwumbɔr aagbaŋ

⁷ U nan maa nin chee u ga li dooni Moab yaab aawaal Kemos li bir na, ni Amonn yaab aawaal Molek mu yaan, lijool li bi Jerusalem aawipuul wɔb na.

1 Bibɔrb 11:7 ပူးပေါင်းရင်းမြစ်များ

Mpiin 33:2

U nan di binaagbiipiib ngbaan ni baabim le di loln nsan, le Lea ni waabim mu paa, le Rachel ni Josef gbeln kookoo,

2 Samuel 15:30

David nan bi joi Olif Aajool le ki wii. Waa nan tak ŋinaatak, le ki di tiwan biin uyil pu ki mɔk ke usui bii. Binib bi mɔmɔk nan dii u na mu nan di tiwan biin biyil pu, ki mu wii.

1 Bibɔrb 11:5

U nan dooni Saidonn aawaapii Astaate, ni Amonn yaab aawaal Molek li bir na.

1 Bibɔrb 11:6

U nan tun Uwumbɔr titunwanbir kaa nan tii u naadii ke ute David aah nan tii u naadii pu na.

1 Bibɔrb 11:8

U nan ki maa maa nin chee upuutiib bi nan ye nwɔwɔmbim na ga li seer tulalee aayon ki toor kitork tii bido aawaa na.

1 Bibɔrb 15:12

U nan jenn nyan bipiib ni bijab bi mɔmɔk nan joo biwon kooh nin chee bi nan dooni ŋiwaa na kitiŋ ngbaan pu, le ki nyan ŋiwaa ŋi mɔmɔk uyaajatiib nan naan naan na.

2 Bibɔrb 23:10

Ubɔr Josia nan ki bii kiwaachuk ki bi Hinom Aafataŋ ni, aan bi yin ki ke Tofef na, aan ubaa taa ki ŋmaa di ujapɔɔn bee ubisal kɔr toor kitork ki bi joo seer mmii ni na tii liwaal Molek.

2 Bibɔrb Aabɔr 21:11

U nan kpaan maa baah dooni ŋiwaa nin chee na Juda aagongon aatim ni, ki cha Juda ni Jerusalem aanib tun Uwumbɔr titunwanbir.

Ilahn 78:58

Bi nan cha waaŋuul fii baah dooni ŋiwaa nin chee na pu, ki cha usui fii baawaa ngbaan pu.

Aisaya 44:19

Unii u naani ŋiwaa na aa kpa nlan, kaan ŋmaa len ke, “M di ndɔ ngbaan aageln ŋa mmii ni, ke m di mu aamii ŋa tijikaar ki pun tinann mu pu ki ŋman, le ki di ligeln li gur na ŋa liwaal lee, le ki gbaan lidɔgeln aanimbiin ni.”

Jeremia 32:31

Ki nyan nwiin mundaal bi nan maa kitiŋ kee na, le kaanib cha maaŋuul fii sakpen. M ŋa nlandak ke m kuln ki,

Jeremia 32:35

Bi maa liwaal Baal aatork aabimbin Hinom Aafataŋ ni, ke bi li joo bijapɔtiib ni bibisatiib toor kitork tii liwaal Molek. Maa nan bui bi ke bi ŋa kina; kina aalandak aa nan kpaan koo nsui ni ke bi ga ŋa kina aawan ki di Juda aanib koon titunwanbir ni.”

Jeremia 48:13

Le Moab yaab ga lik baawaal Kemos fam, ke Israel yaab aah nan lik liwaal Betel, li bi nan di naadii tii li na fam pu na.

Jeremia 48:46

San Moab aanib kinimbaak man. Binib bi nan dii liwaal Kemos na kuln a, le bi chur bijapɔtiib ni bibisatiib buen tinaagbiir ni.

Esekiel 18:12

U ji bigiim pem pem, ki su kinaayuk; unii yaa pinn u chee ŋimombil ki di waawan nibaa siin lipɔln ngbaan pu kan, waa joo giini. U chaa tiwaachur ni, ki dooni ŋiwaa ŋi sukr ponn ni na,

Daniel 11:31

Waajab ngem ga bii Uwumbɔr Aadichal. Bi ga kuln iwiin mɔmɔk aatork, ki di tiwanbir ni bii tiwan nimɔk bi chain na siin nima.

Daniel 12:11

“Ki nya buyoonn bibiindam cha bi taa ki toor iwiin mɔmɔk aatork Uwumbɔr Aadichal ni na, nima le ye buyoonn tiwanbir ni bii tiwan nimɔk bi chain na ga sil Uwumbɔr Aadichal ngbaan ni, iwiin lichur ni ikui ilee ni imonko inaa ni kipiik le ga jer.

Liifai Yaab 26:30

M ga bii naah dooni ŋiwaa ŋi ŋigongon paab na, ki gbaa wiir nimi aanyɔknii aatork aabimbin, le ki di nimi aanikpol mae paan nimi aawaa ŋi lir dɔ na pu, le m ga nuur nimi.

Maika 1:5

Israel aanib aah tun titunwanbir ki yii Uwumbɔr aamɔb na le ga cha nimina mɔmɔk ŋa kina. Ŋma aan bi ga galn Israel yaab aah yii Uwumbɔr aamɔb pu na pu? Ni ye Israel aatiyil Samaria la. Ŋma bi Juda aatiŋ ni ki dii ŋiwaa? Ni ye Jerusalem aatiŋ la.

Sekaria 14:4

N‑yoonn ngbaan kan, u ga ti li si Olif Aasui Aajool li bi Jerusalem aawipuul wɔb na pu la. Le Olif Aasui Aajool ngbaan ga bool nfum mulee, le kifataŋ sakpeŋ doon kaasisik ni, ki nya liwipuul ki ti saa liwilir. Libool libaa ga di toŋ ŋŋangan wɔb, le liken na di toŋ ŋŋangii wɔb.

Nkahm 21:29

Moab yaab, ni ye nimi falaa la. Nimi bi dooni liwaal Kemos na bii doo a. Nimi aawaal cha nimi aajab kpaln bikusam la, le Amor yaab aabɔr di nipuutiib ŋa binaagbiib.

Nkahm 33:52

ni pɔɔn nibaa ki jenn nyan binib bimɔk bi kitiŋ ngbaan ni na. Ni bii baah di ŋitakpal ni tikur ŋa baawaa ŋi na, ni ŋiwaa ngbaan aah si nin chee na mɔmɔk.

Matiu 26:30

Le bi gaa Uwumbɔr aalahn, ki buen Olif aasui aajool paab.

Lituln 1:12

N‑yoonn ngbaan, Yesu aakpambalb nan bi lijool libaa paab, bi yin li ke Olif aasui aajool. Naa daa Jerusalem. Ni naahn limalgeln la. Le bi nyan nima, ki gir buen Jerusalem.

Lituln 1:9

Waah len kina na, le Uwumbɔr di u buen paacham, binimbil ni. Le ntaalangbam biin u pu. Baa ki waa u.

Lituln 7:43

Ni nan yoor liwaal li bi yin li ke Molek na aabool, ni liwaal Refann li ye liŋmabil aanaŋ na. Ni nan mɔɔ ŋiwaa ŋimina, ke ni li dooni ŋi. Nima pu na, m ga di nimi buen tinaagbiir ni, kitiŋ ki bi Babiloŋ aatiŋ aapuwɔb na ni.’

Ikaal 13:14

ni yaa ŋun bi len kina aabɔr kan, ni pɔɔn nibaa ki fiir lik, ki bee ti mbamɔm; ti yaa ye mbamɔn kan,

Ikaal 27:15

“‘Uwumbɔr aamɔpuur bi unii umɔk di litakpal, bee ndɔ, bee tikur naan liwaal ki looni dooni li na pu. Uwumbɔr aa gee ŋiwaa kpala.’ “Le binib ngbaan ga kpaan ki kii ke, ‘Amii.’

Bibɔjirb 11:24

Aa ban ke aa pɔɔn aabaa ki ki gaa kitiŋ ngbaan la aa? Li joo saawaal Kemos aah tii si tiwan nimɔk na. Ti ban ti li joo Tidindaan Uwumbɔr aah di ni tii timi na la.