1 Bibɔrb 11:4 - Uwumbɔr aagbaŋ

⁴ le u ni u ti por na, bi cha u gur dooni ŋiwaa. Waa nan kii Udindaan Uwumbɔr aamɔb ke ute David aah nan kii pu na.

1 Bibɔrb 11:4 ပူးပေါင်းရင်းမြစ်များ

1 Bibɔrb 11:2

Uwumbɔr nan bui Israel yaab ke bi taa yoor binib ngbaan aapiib, le u yii ki yoor. Budabu pu Uwumbɔr aa nan gee bi ni binib ngbaan li joo tɔb aabim na le ye ke bi cha Israel yaab fenn diir baawaa la.

1 Bibɔrb 11:33

Solomonn aa yii mi ki dooni ŋiwaa na pu le m ga ŋa kina. U dooni Saidonn yaab aawaapii Astaate; ni Moab yaab aawaal Kemos, ni Amonn yaab aawaal Molek. Solomonn yii maamɔb; u tun mi taani, kaa joo maakaal, ni maah bui u pu na, ke ute David aah nan joo pu na.

1 Bibɔrb 11:38

Aa yaa kii maamɔb ti doo, ki dii maakaal, ki ŋani maah siin pu na ke maatutunn David aah nan bi pu na, aan nlaasaab koo aa ni kan, m ga li bi aa chee n‑yoonn mɔmɔk. M ga ŋa si Israel yaab aabɔr, ki ga cha aayaabitiib li ji nnaan aapuwɔb, ke maah ŋa pu tii David na.

1 Bibɔrb 11:42

Solomonn nan bi Jerusalem ni, ki joo Israel aatiŋ mɔmɔk ki ti saa ŋibin imonko ilee la.

1 Bibɔrb 11:6

U nan tun Uwumbɔr titunwanbir kaa nan tii u naadii ke ute David aah nan tii u naadii pu na.

1 Bibɔrb 11:9

Hali Israel yaab Aadindaan Uwumbɔr aah di ubaa mɔk Solomonn nfum mulee mɔk ki bui u ke u li nyi ki taa li dooni ŋiwaa na, Solomonn aa nan kii Uwumbɔr aamɔb, le ki fenn upuwɔb tii u. Kina pu le Uwumbɔr aaŋuul nan fii Solomonn pu,

1 Bibɔrb 14:21

Solomonn aajapɔɔn Rehoboam nan ye ŋibin imonko ilee ni libaa li ki jin Juda aanaan. U nan bi Jerusalem aatiŋ ki Uwumbɔr nan nyan Israel aapepel mɔmɔk ni ke ki li ye nin chee bi ga li dooni u na, ki joo Juda aatiŋ ki ti saa ŋibin kipiik ni ŋilole. Rehoboam aana le nan ye Naama. U nan ye Amonn aatiŋ aanii la.

1 Bibɔrb 15:14

Asa aa nan ŋmaa nyan biwaadam aawaadir mɔmɔk kitiŋ ngbaan pu, u mu nan tee dii Uwumbɔr ni usui mɔmɔk le ki ti kpo.

1 Bibɔrb 15:3

U nan tun titunwanbir baan ti ute nan tun na, le kaa nan di ubaa tii Udindaan Uwumbɔr kookoo, ke uyaaja David aah nan di tii pu na.

1 Bibɔrb 3:3

Solomonn nan gee Uwumbɔr, le ki dii nsurm mu ute David nan tii u na, u mu nan tee kɔr tiwakor toor kitork ŋibimbin yayan pu.

1 Bibɔrb 6:1

Israel aanib aah nan nyan Ijipt aatiŋ ni na, ŋibin ikui inaa ni imonko inaa le nan jer. Solomonn aah nan jin Israel aanaan na aabinanar aaŋmalee, u bi yin u ke Sif na ponn ni, le Solomonn nan piin Uwumbɔr Aadichal aamaam.

1 Bibɔrb 8:61

Nimi, Tidindaan Uwumbɔr aanib, li ŋani waah ban pu na n‑yoonn mɔmɔk, ki li dii waakaal, ni waah len pu na mɔmɔk, ke naah dii din wee pu na.”

1 Bibɔrb 9:10

Solomonn nan di ŋibin moninko le maa Uwumbɔr Aadichal, ni waabɔrdichal.

1 Bibɔrb 9:4

Aa yaa di ibamɔn, ni mbimbinyaan dii mi, ke aate David na, ki joo maakaal, ki ŋani maah bui si pu na mɔmɔk kan,

2 Bibɔrb 20:3

“Uwumbɔr, teer ke m di gaakii tun saatuln ni kipak ŋmeen la, ki pɔɔni mbaa n‑yoonn mɔmɔk ke m ŋa saah ban ke m ŋa pu na,” le ki wii sakpen.

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

1 Bibɔrb Aabɔr 29:19

Tii njapɔɔn Solomonn nsuubaan aaneen aan u di kii saah siin tiwan ni mɔmɔk na, ki cha u maa Saadichal li m gor tiwan nee mɔmɔk siin na.”

2 Bibɔrb Aabɔr 17:3

Jehosafat aah nan laa jin nnaan na u dii nsan mu uyaaja David nan dii mu na, kaa dooni liwaal Baal, nima pu na le Uwumbɔr nan ŋa waanyoor ŋa u pu.

2 Bibɔrb Aabɔr 25:2

U nan tun tiwan ni piir Uwumbɔr aasui na. U mu aa nan joo usui mɔmɔk tun kina aatuln.

2 Bibɔrb Aabɔr 34:2

U nan ŋa tiwan ni piir Uwumbɔr aasui na; u nan dii uyaaja Ubɔr David aah nan dii nsan mu na, ki joo Uwumbɔr aakaal kin kin.

Nnyam 20:3

“Ni taa doon liwaal libaa; ni li dooni min baanja.

Ikaal 17:17

Ubɔr ngbaan taa li kpa bipiib sakpen; ba pu? bi ga cha u yenn Uwumbɔr chee; u mu taa li ban tikunabr, ni salmaa ke u ŋa uwankpadaan.

Ikaal 7:4

Ba pu? ni yaa ŋa kina kan, bi ga cha nimi aabim yii Uwumbɔr, le ki dooni ŋiwaa. Ni yaa ŋa kina kan, Uwumbɔr aaŋuul ga fii ni pu, le u kuln nimi doo.