1 Bibɔrb 11:3 - Uwumbɔr aagbaŋ

³ Solomonn nan yoor bibɔrb aabisatiib ikui ilole la, le ki kpa puutiib waatiir mu ikui itaa. Bi nan cha u fenn upuwɔb tii Uwumbɔr,

1 Bibɔrb 11:3 ပူးပေါင်းရင်းမြစ်များ

2 Bibɔrb Aabɔr 11:21

Rehoboam aapuutiib nan ti kpaan kipiik ni biniin la, le u kpa puutiib waatiir mu imonko itaa. Ujapɔtiib nan ye moninko ni biniin la, le ubisatiib mu ye imonko itaa. Upuutiib mɔmɔk ponn ni u nan gee Maaka le jer bi mɔmɔk,

Esta 1:18

Tɔ, Pesia ni Media aanaan ni aaninkpiib aapuutiib yaa ŋun tibɔr timina kan, bi ga piin ki bi tuk bichatiib, nwiin aa kee lir. Bipiib mɔmɔk aan ki li pak bichatiib, le nimina ga cha bichatiib aaŋuul fii bipuutiib pu.

Ulandaan 2:8

M nan ki kuun tikunabr ni salmaa ki nyan ni nnaan mumɔk nan bi maanaan taab na. Bijab ni bipiib le gaa ilahn ke bi tii mi mpopiin. Le m nan kpa bipiib bimɔk uja ga ŋmaa joo na.

Ulandaan 7:28

M nan ki ban ngarm muken, le kaa kan. M nan kan bijab lichur ponn ni uja ubaa baanja le kpa kipak, le kaa kan upii ma ubaa.

Solomonn Aalahn 6:8

Ubɔr ga li ŋmaa kpa puutiib imonko itaa, ni bɔtiib imonko inaa, u ga li ŋmaa kpa bipiisapɔm churbakaa,

Solomonn Aalahn 6:9

le mma gee ubaa, le u ŋan ke linanjel na. Uma baanja le ye una aapiibo, uma le ye una aabogeehn. Bipiib mɔmɔk lik u la, le ki pak u; bibɔrpiib ni bibɔtiib gaa ilahn pak u la.

Ikaal 17:17

Ubɔr ngbaan taa li kpa bipiib sakpen; ba pu? bi ga cha u yenn Uwumbɔr chee; u mu taa li ban tikunabr, ni salmaa ke u ŋa uwankpadaan.

Bibɔjirb 3:6

Bi nan joo tɔb aabim, le Israel yaab dooni baawaa.

Bibɔjirb 9:5

U nan buen ute do, Ofra aatiŋ ni, le ki ti ku ute Gideonn aajapɔtiib imonko itaa ni kipiik ngbaan paan litakpabaal pu nima chee. Tɔ, Gideonn aajapɔɔn uwaatiir Jotam nan bɔr, le baa kan uma ki ku u.