1 Bibɔrb 11:2 - Uwumbɔr aagbaŋ

² Uwumbɔr nan bui Israel yaab ke bi taa yoor binib ngbaan aapiib, le u yii ki yoor. Budabu pu Uwumbɔr aa nan gee bi ni binib ngbaan li joo tɔb aabim na le ye ke bi cha Israel yaab fenn diir baawaa la.

1 Bibɔrb 11:2 ပူးပေါင်းရင်းမြစ်များ

Mpiin 2:24

Nima pu le ni ŋan ke uja ni upuu nya cha bitetiib ni binatiib, ki kpaan tɔb chee, ki ŋa unibaan.

Mpiin 34:3

U nan gee Daina sakpen a, le ki ban ke Daina mu li gee u.

1 Bibɔrb 11:9

Hali Israel yaab Aadindaan Uwumbɔr aah di ubaa mɔk Solomonn nfum mulee mɔk ki bui u ke u li nyi ki taa li dooni ŋiwaa na, Solomonn aa nan kii Uwumbɔr aamɔb, le ki fenn upuwɔb tii u. Kina pu le Uwumbɔr aaŋuul nan fii Solomonn pu,

2 Bibɔrb Aabɔr 19:2

Hanani aajapɔɔn Jehu, u nan ye Uwumbɔr aabɔnabr na, nan buen ti tooh u nsan ni, ki baa u nsurm ni ke, “Aa dak ke ni ŋan ke aa ter bibiindam, ki kpee binib bi nan Uwumbɔr na pu uu? Saah tun pu na cha Uwumbɔr aaŋuul fii aa pu.

2 Bibɔrb Aabɔr 21:6

Waah nan joo Ahab aabisal ubaa na, le u nan gaa Ahab ni Israel aabɔrb biken aabiin. U nan tun Uwumbɔr titunwanbir,

Esra 9:12

Bi nan bui timi ke ti yaa ban ke ti li kpa mpopiin kitiŋ ngbaan pu, aan ki nan kpaln tiyaabitiib aatiŋ kan, ti taa yoor baapiibim, ki taa ter bi aan bi kan tinyoor baatun ni.

Ilahn 139:21

Uwumbɔr, m nan binib bi nan si na sakpen. M lik seen binib bi yii si ki nyan aapuwɔb na.

Nnyam 23:31

M ga siin nimi aatiŋ aanaanmɔk ki yoor ni Limɔɔkal Aanyusakpem ki ti saa Yufrates aamɔɔl mɔk, ki yoor nima ki ti saa Kaasisik ni Aanyusakpem, ki ki yoor nima ki ti saa nteersakpiin ni. M ga tii nimi mpɔɔn, ni di nyaŋ binib bimɔk bi kitiŋ ngbaan ni na, le naah tur koo bi ponn ni na, ni ga li nyaŋni bi.

Nnyam 34:12

Ni taa kpaan binib ngbaan chee ki ŋa kimɔbaan; ba pu? ni yaa ŋa kina kan, ni ga cha ni yenn.

Nnyam 34:16

Nibaakan, nijapɔtiib mu ga yoor bibisatiib, le bibisatiib ngbaan ga fenn nijapɔtiib aasui, le bi ga yii mi ki dii binib ngbaan aawaa.

Malakai 2:11

Juda aanib bii tipuur ti bi nan puu tii Uwumbɔr na, ki tun titunwanbir kpaan Jerusalem aatiŋ ni, ni kitiŋ ngbaan mɔmɔk pu. Bi bii Uwumbɔr Aadichal li u gee na. Bijab yoor bipiib bi dooni ŋiwaa na.

Rom Yaab 1:32

Bi nyi ke Uwumbɔr len ke binib bi ŋani kina na ŋeer nkun, le bi tee beenin ŋani kina, ki len ke binib yaa ŋani kina kan, naa bir.

Rom Yaab 12:9

Tɔ, ni li gee binib nisui ni. Ni li nan lituln li kaa ŋan na, ki li gee lituln li ŋan na.

1 Korenti 15:33

Ni taa cha unii ubaa ŋmann nimi man. “Ni yaa dii binib bi kaa ŋan na kan, nimi aabimbinyaan ga bii.”

Tibɔkpiirkaan 2:4

Tɔ, m mu galn nimi; ba pu? naa ki gee mi ke naah nan gee mi njan pu na.