1 Bibɔrb 11:1 - Uwumbɔr aagbaŋ

¹ Solomonn nan gee biwɔwɔmpiib pam. U nan yoor Hef yaab aapiib, ni Moab, ni Amonn, ni Edom, ni Saidonn aapiib ki kpee Ijipt aabɔr aabisal na pu.

1 Bibɔrb 11:1 ပူးပေါင်းရင်းမြစ်များ

1 Bibɔrb 11:8

U nan ki maa maa nin chee upuutiib bi nan ye nwɔwɔmbim na ga li seer tulalee aayon ki toor kitork tii bido aawaa na.

1 Bibɔrb 14:21

Solomonn aajapɔɔn Rehoboam nan ye ŋibin imonko ilee ni libaa li ki jin Juda aanaan. U nan bi Jerusalem aatiŋ ki Uwumbɔr nan nyan Israel aapepel mɔmɔk ni ke ki li ye nin chee bi ga li dooni u na, ki joo Juda aatiŋ ki ti saa ŋibin kipiik ni ŋilole. Rehoboam aana le nan ye Naama. U nan ye Amonn aatiŋ aanii la.

1 Bibɔrb 14:31

Rehoboam nan kpo, le bi di u sub nnaan aacheek ni, David Aatiŋ ni, le ujapɔɔn Abija nab waanaan pu.

1 Bibɔrb 16:31

Ubɔr Jeroboam aah nan tun titunwanbir pu na nan par u chee, le u nabr paan ki yoor Saidonn Aabɔr Etbaal aabisal Jesebel, le ki nan dooni liwaal Baal.

1 Bibɔrb 3:1

Solomonn nan yoor Ijipt aatiŋ aabɔr aabisal, le ki cha u ni ubɔr ngbaan ŋa limaantɔl. U nan yoor ni u, le ki nan cha u koo David Aatiŋ ni, le u ti nin maa waabɔrdichal, ni Uwumbɔr Aadichal, ni ligoln li mann goln Jerusalem na doo.

Esra 10:44

Bijab bee mɔmɔk nan joo nwɔwɔmbim la. Bi nan yii bi, le ki jenn bi ni baabim lii.

Esra 9:1

Nimina mɔmɔk aah ŋa doo na, le Israel yaab aayidam bibaa dan nan bui mi ke binib ngbaan, ni bitotoorb, ni Liifai yaab aa yakr binib bi koo gbɔk bi ki ye Amonn yaab, ni Moab yaab, ni Ijipt yaab, ni Kanaann yaab, ni Hef yaab, ni Peres yaab, ni Jebus yaab, ni Amor yaab na chee. Bi tun inimɔɔn, ni tijɔŋ aatun ŋi binib ngbaan tun na la.

Esra 9:2

Bi yoor biwɔwɔmpiib la, le bima Uwumbɔr aanib bi bi chain na kpaln tijɔŋ aanib. Biyidam ni bininkpiib na le nan ye biyikpaadam.

Nnyam 34:16

Nibaakan, nijapɔtiib mu ga yoor bibisatiib, le bibisatiib ngbaan ga fenn nijapɔtiib aasui, le bi ga yii mi ki dii binib ngbaan aawaa.

Ŋiyataŋak 2:16

Aa ga ŋmaa nyaŋ upiidagoor u suln u ni uchal aah puu tipuur ti na bɔr, ki nyan uchal aapuwɔb, ki pɔɔni ubaa ke u di kimɔmɔɔn nyaŋ si na.

Ŋiyataŋak 22:14

Kidagook ye gaawɔb la, ki chur Uwumbɔr aaŋuul aah fiir bijab bi pu na la.

Ŋiyataŋak 23:33

Aa ga li ka ki waa wayɔlyɔl nibaa aanimbil wɔb, le saan ŋmaa dak, kaan ŋmaa len tibɔr mbamɔm.

Ŋiyataŋak 31:3

Taa di saapɔɔn ni saamombil mɔmɔk tii bipiib. Bi puun ku bibɔrb a.

Ŋiyataŋak 6:24

Baamɔkm ga ŋmaa nyan si bipiidagoob chee, ki ga nyan si aaŋeen aatɔ aapuu aamɔmɔɔn ni.

Ŋiyataŋak 7:5

Mu ga nyan si aaŋeen aatɔtiib aapuutiib bi kpa kimɔmɔɔn na chee.

Liifai Yaab 18:18

Aapuu yaa beenin bi limɔfal ni kan, aa taa ki yoor unaal, bee ukpel, ki di ŋa aapuu.

Ikaal 17:17

Ubɔr ngbaan taa li kpa bipiib sakpen; ba pu? bi ga cha u yenn Uwumbɔr chee; u mu taa li ban tikunabr, ni salmaa ke u ŋa uwankpadaan.