1 Bibɔrb 1:9 - Uwumbɔr aagbaŋ

⁹ Daalbaadaal le Adonija nan di ipiih, ni inaaja, ni inaabi i bi kpiin i, aan i filk sakpen na toor kitork, “Uwaa Aatakpal” li bi Enn Rogel aayayak aanyunbun chee na. U nan chɔi Ubɔr David aajapɔtiib biken, ni ubɔr aaninkpiib bi nyan ni Juda aatiŋ ni na, ke bi dan kitork aajim ngbaan ni.

1 Bibɔrb 1:9 ပူးပေါင်းရင်းမြစ်များ

2 Samuel 17:17

Abiatar aajapɔɔn Jonatann ni Sadok aajapɔɔn Ahimaas nan bi Enn Rogel aayayak aanyunbun na chee, Jerusalem aanambokon ni, le ki kii; baa ban ke unii ubaa kan bi koo ni Jerusalem ponn ni. Unaagbiipiibo ubaa le nan chaa ti tuk bi naah bi pu na, le bi mu buen ti bui Ubɔr David.

1 Bibɔrb 1:19

U di inaaja, ni ipiih, ni inaabi i bi kpiin i aan i filk sakpen na pam toor kitork, ki chɔi aajapɔtiib, ni utotoor Abiatar, ni saajab aaninkpel Joab, ke bi dan njim ngbaan ni, le kaa chɔi aajapɔɔn Solomonn ma.

1 Bibɔrb 1:25

Din wee na, u buen ti di inaaja, ni ipiih, ni inaabi i bi kpiin i aan i filk sakpen na pam toor kitork. U chɔi aajapɔtiib, ni saajab aaninkpel Joab, ni utotoor Abiatar. Libuul lee ni, bi bi ji u chee njim ki tar ke, ‘Ubɔr Adonija li kpa limɔfafɔfɔŋ.’

Ŋiyataŋak 15:8

Uwumbɔr aa gee bibiindam aatork, le usui piin bininyaam aameel pu.

Matiu 22:4

Le u ki tun bitutum biken ke bi ti yin bi ki tuk bi, ‘Ubɔrkpaan len ke u gor tijikaar mɔmɔk doo a. U kɔr inaaja ni tiwakor ti filk na, ki gor tiwan mɔmɔk doo a,’ ke bi dan.

Josua 15:7

ki yoor ni Tibɔbir Aafataŋ mɔk, ki ti nyan Debir aatiŋ pu, le ki fenn ŋŋangan wɔb ki di kpaa Gilgal aatiŋ, ki ni Adumim Aajool Aasan lik tɔb na, ki bi kifataŋ aaŋangii wɔb na, le ki yoor kina ki buen Ensemes aanyunbun wɔb, ki nyan nima ti pii Enn Rogel,

Josua 18:16

le ki ki di kina buen lijool li bi Hinom Aafataŋ chee, Refaim Aafataŋ aaŋangan wɔb na, le ki ki bɔ dii Hinom Aafataŋ aaŋangii wɔb, Jebus yaab aadunduŋ aaŋangii wɔb, le ki buen Enn Rogel aatiŋ chee,