1 Bibɔrb 1:34 - Uwumbɔr aagbaŋ

³⁴ Nima chee, Sadok, ni Natann di nkpan kpir uyil pu, ki kaan u Israel yaab aabɔr, le ki pii ukpiin ki teen mpɔɔn pu ke, ‘Ubɔr Solomonn li kpa limɔfafɔfɔŋ.’

1 Bibɔrb 1:34 ပူးပေါင်းရင်းမြစ်များ

2 Samuel 15:10

ki tee tun ituun buen Israel aanibol mɔmɔk chee ke, “Ni yaa nan ŋun ikpiin wii kan, ni teen ke, ‘Bi kaan Absalom nnaan Hebronn aatiŋ ni.’”

2 Samuel 2:4

Le Juda aajab dan Hebronn aatiŋ ni, ki nan di nkpan kpir uyil pu, ki kaan u Juda aatiŋ aanaan. David aah ŋun ke Gilead aatiŋ ki bi yin ki ke Jabes na aanib le sub Sɔɔl na,

2 Samuel 5:3

Kina pu le Israel yaab aayidam mɔmɔk dan Ubɔr David chee, Hebronn aatiŋ ni. U ni biyidam ngbaan nan ŋa kimɔbaan ki pɔɔ na, le bi di nkpan kpir uyil pu, ki kaan u Israel aatiŋ aanaan.

1 Bibɔrb 1:25

Din wee na, u buen ti di inaaja, ni ipiih, ni inaabi i bi kpiin i aan i filk sakpen na pam toor kitork. U chɔi aajapɔtiib, ni saajab aaninkpel Joab, ni utotoor Abiatar. Libuul lee ni, bi bi ji u chee njim ki tar ke, ‘Ubɔr Adonija li kpa limɔfafɔfɔŋ.’

1 Bibɔrb 1:35

Gir dii ni u man, aan u nan kal maanaanjal pu. Uma le m lee ke u li ye Israel ni Juda aatim aajojoor, kina pu le u ga nab maanaan pu.”

1 Bibɔrb 1:39

Le Sadok nan yoor olif aakpan aah bi tiwan ni ponn ni, aan u nan nyan ni Uwumbɔr aanimbiin ni, Waabool ni na, le ki di kpir Solomonn aayil pu. Bi nan pii ukpiin, le binib mɔmɔk teen mpɔɔn pu ke, “Ubɔr Solomonn li kpa limɔfafɔfɔŋ.”

1 Bibɔrb 19:16

ki di Nimsi aajapɔɔn Jehu kaan Israel aatiŋ aanaan, ki di Safat, u nyan ni Abel Mehola aatiŋ ni na aajapɔɔn Elaisa ŋa ubɔnabr aan u gaa si.

2 Bibɔrb 11:12

Le Jehoyada di Joas nyan ni, le ki di kibɔryikpupuk chiŋ u, le ki di nnaan aakaal i joo nnaan na ŋum u. Le bi nan di nkpan kpir uyil pu ki kaan u nnaan. Binib nan kpaar biŋaal le ki teen ke: “Limɔfafɔfɔŋ li bi ubɔr chee.”

2 Bibɔrb 11:14

Nima chee le u ti kan ubɔrpɔɔn ngbaan si Uwumbɔr Aadichal aajaatɔlk chee, nkaal aah mɔk ke bi ŋa ubɔr pu na. Butɔb aajab aaninkpiib ni binib bi pii kakaan tiib na le nan si gob u, le binib ngbaan mɔmɔk kpa mpopiin aafuuk ki pii kakaan tiib. Atalia nan daa kar waawanpeenkaan mpombiin pu, le ki teen mpɔɔn pu ke, “Linibiil, linibiil.”

2 Bibɔrb 9:13

Libuul ngbaan ni le Jehu aaŋeen aatɔtiib bininkpiib ngbaan di tiwanpeenkaan ni bi pee paab na ter ŋibimbin ŋi pu bi taar joi paacham aadiik ni na ke Jehu taa ni pu, le ki pii kakaan tiib ki teen ke, “Jehu le ye ubɔr.”

2 Bibɔrb 9:3

ki di olif aakpan mue kpir uyil pu, ki len ke, ‘Uwumbɔr le len ke u kaan si Israel yaab aabɔr.’ Aa yaa doo kan, aa nya nima mala.”

2 Bibɔrb 9:6

Le bima bilee ngbaan dii koo kidiik ni, le ubɔnabr pɔɔn ngbaan di olif aakpan na kpir Jehu aayil pu ki bui u ke, “Israel yaab Aadindaan Uwumbɔr le len ke: ‘Min le kaan si maanib Israel yaab aabɔr.

2 Bibɔrb Aabɔr 23:11

Le Jehoyada di Joas nyan ni, le ki nan di kibɔryikpupuk chiŋ u, le ki tii u nnaan aakaal i joo nnaan na aagbaŋ kibaa. Kina le bi nan kaan u nnaan. Utotoor Jehoyada ni ujapɔtiib le nan di nkpan kpir Joas aayil pu, le binib mɔmɔk teen ke, “Limɔfafɔfɔŋ li bi ubɔr chee.”

Ilahn 45:7

aa gee lituln li ŋan na, le ki nan titunwanbir. Kina pu le Uwumbɔr u ye Saawumbɔr na lee si ki tii si mpopiin ki jer bibɔrb biken.

Ilahn 89:20

M di maakpan mu bi chain na kpir maatutunn David aayil pu, ki ŋa u ubɔr.

Ilahn 89:36

U ga li kpa yaabitiib n‑yoonn mɔmɔk, le m ga li lik waanaan pu ki ti saa dulnyaa aadoon.

Aisaya 45:1

Uwumbɔr lee Sairus ke u ŋa u ubɔrkpaan. U lee u ke u to butɔb ki nyaŋ ŋitimbol; u tun u ke u ti nyan bibɔrb baanaan ni; Uwumbɔr le ga piir ntisakpem aabisamɔi tii u. Uma Uwumbɔr bui Sairus ke,

Lituln 10:38

Ni nyi waabɔr. Uwumbɔr nan nyan u, ki di Waafuur Nyaan gbiin u ki tii u mpɔɔn, ki nan bi u chee. Uwumbɔr aah bi u chee na, le u buen ŋipepel mɔmɔk, ki tun lituln li ŋan na, ki cha binib bimɔk nan bi kinimbɔŋ aaŋaal ni na pɔɔk.

1 Samuel 10:1

Le Samuel yoor likpasambil ki di mu kpir Sɔɔl aayil pu, ki moor utakpiln, le ki bui u ke, “Uwumbɔr le toor si ke aa li ye Israel aanib aajojoor. Sin le ga li joo waanib ki kii bi, baadim taa pii bi. Nimina le ga li ye seeraa u ga mɔk ke Uwumbɔr lee si ke aa li ye waanib aajojoor na:

1 Samuel 10:24

Le Samuel bui binib ngbaan ke, “Uja u Uwumbɔr lee u na sɔ. Ubaa aa ki bi ti ponn ni ke uma na.” Le binib ngbaan mɔmɔk teen ke, “Uwumbɔr tii ubɔr na limɔfal li fɔk na.”

1 Samuel 16:3

Yin Jese u dan kitork ngbaan ni. M ga nan bui si saah ga ŋa pu na. Uja u m ga mɔk si na, le aa ga lee u, u nan li ye ubɔr.”