1 Bibɔrb 1:13 - Uwumbɔr aagbaŋ

¹³ li cha libuul lee ni Ubɔr David chee, ki ti baa u ke, ‘Mpɔɔndaan, saa nan puu tipuur kpaan tii mi, ke njapɔɔn Solomonn le ga nan nab saanaan pu uu? Ni ki ŋa kinye aan Adonija gur ye ubɔr?’”

1 Bibɔrb 1:13 ပူးပေါင်းရင်းမြစ်များ

1 Bibɔrb 1:11

Le Natann buen Solomonn aana Batseba chee, le ki ti baa u ke, “Saa ŋun ke Hagif aajapɔɔn Adonija kaan ubaa tibɔr aa? Le Ubɔr David aa nyi ti ponn ni.

1 Bibɔrb 1:14

Le Natann ki len ke, “Le saah beenin bi len Ubɔr David chee na, m ga koo ni, ki nan bui ke saabɔr ngbaan gbii.”

1 Bibɔrb 1:17

Le u gar u ke, “Mpɔɔndaan, aa nan puu tipuur kpaan tii mi, Aadindaan Uwumbɔr aayimbil pu, ke njapɔɔn Solomonn le ga nan nab saanaan pu.

1 Bibɔrb 1:24

le ki bui u ke, “Mpɔɔndaan, aa moon ke Adonija le ga nab saanaan pu uu?

1 Bibɔrb 1:30

ke din wee na, m ga li joo tipuur ti m nan puu tii si, Israel yaab Aadindaan Uwumbɔr aayimbil pu, ke aajapɔɔn Solomonn le ga nab maanaan pu na.”

1 Bibɔrb 1:35

Gir dii ni u man, aan u nan kal maanaanjal pu. Uma le m lee ke u li ye Israel ni Juda aatim aajojoor, kina pu le u ga nab maanaan pu.”

1 Bibɔrb 1:48

le ki mee limeel ke, ‘Cha ti pak Israel yaab Aadindaan Uwumbɔr, u cha maanib ponn ni ubaa gaa maanaan din wee, ki cha m bi ki nan kan kina na.’”

1 Bibɔrb 2:12

Solomonn le nan gaa ute David aanaan, le waanaan aapɔɔn nan nyal sil kib.

1 Bibɔrb Aabɔr 28:5

U cha m ma mbijabim pam, le bi mɔmɔk ponn ni u lee Solomonn ke u li joo Israel aatiŋ ki ye Uwumbɔr aanaan na.

1 Bibɔrb Aabɔr 29:23

Le Solomonn jin ute aanaan mu Uwumbɔr nan siin na. Waanaan nan kal, le Israel aatimbol mɔmɔk kii waamɔb.

Aisaya 9:7

Waanaan aapɔɔn aan li kpa ndoon. Waanaan ga li kpa nsuudoon n‑yoonn mɔmɔk. Uwumbɔr ga tii u uyaaja Ubɔr David aanaan. U ga li joo nnaan ngbaan ki cha mu li kpa mpɔɔn, ki ga tii binib baabamɔn ki cha mbimbinyaan li bi ki ti saa dulnyaa aadoon. Uwumbɔr Mpɔɔnsakpiindaan puu ke u ga ŋa kina.

Jeremia 33:21

Kina le m puu tipuur tii maatutunn Ubɔr David ke u ga li kpa yaabil n‑yoonn mɔmɔk aan u li ye ubɔr, le ki puu tii bitotoorb bi nyan ni Liifai aanibol ni na ke bi li tun maatuln n‑yoonn mɔmɔk; le tipuur ngbaan mu aa kpa ke ti bii.

Ikaal 17:18

U yaa ŋa ubɔr kan, u pɔɔn ubaa ki li kpa Uwumbɔr aakaal, ni waamɔkm ni nyan ni bitotoorb Liifai yaab aagbaŋ ni na.