1 Jɔnn 5:14 - Uwumbɔr aagbaŋ

¹⁴ Ti kpa lipobil ki mee Uwumbɔr ki bee ke ti yaa mee u tiwan ni ye waageehn na kan, u ŋun timi aameel la.

UWONBƆR A GBƆNPƆŊ LIKƆƆNL

¹⁴ Nan bu wee ti jɔɔ tidindann Uwonbɔr ban sɔ: Ni ye ti miɛ U nan nɔɔ nin U sufu a bam ke, U gbir ti miɛm le.

1 Jɔnn 5:14 ပူးပေါင်းရင်းမြစ်များ

1 Bibɔrb 3:12

m ga ŋa saah mee pu na. M ga tii si nlan, ni ichiin, ki jer unii umɔk nan puen si ki kpa na, ubaa mu aan ki li bi ki li kpa kina aalan ni ichiin.

Job Aagbaŋ 34:28

Baabiin cha bigiim wii mpɔɔn yin Uwumbɔr, le u ŋun baaterm aayim ngbaan.

Ilahn 145:19

U tii binib bimɔk nyuŋni u na baah ban pu na; u ŋun baawiil le ki nyani bi tibɔr ni.

Ilahn 31:22

M nan san ijawaan ki bui ke u jenn nyan mi unimbiin ni la. Le buyoonn m yin u ki ban nterm na, u ŋun maawiil.

Ilahn 34:17

Binib bi aabimbin ŋan na yin Uwumbɔr, le u ŋun; u nyani bi baabɔr mɔmɔk ni.

Ilahn 69:33

Uwumbɔr ŋun binib bi kaa kpa na aayim, kaa suln waanib bi bi kiyondiik ni na aabɔr.

Ŋiyataŋak 10:24

Binib bi aabimbin ŋan na kani baah ban pu na la, le bibiindam kani baah san tiwan ni ijawaan sakpen na.

Ŋiyataŋak 15:29

Uwumbɔr daa bibiindam chee, le ki ŋun binib bi aabimbin ŋan na ma aameel.

Jeremia 33:3

“Yin mi, le m ga kii si; m ga bui si tibɔkpaan ni iwaan aawan ni saan nyi naabɔr na.

Matiu 21:22

Ni yaa mee Uwumbɔr ki yaa pak ke u ga ŋa naah mee u pu na kan, u ga ŋa kina tii nimi.”

Jɔnn 11:42

M nyi ke n‑yoonn mɔmɔk aa ŋun maah len aa chee pu na. Kinipaak ki si do na pu, le m len kina, ke bi pak ke sin le tun ni mi.”

Jɔnn 14:13

Ni yaa mee Uwumbɔr tiwan nimɔk maayimbil pu na kan, m ga ŋa naah ban pu na tii nimi, aan binib nyuŋ Uwumbɔr, min Ujapɔɔn pu.

Jɔnn 15:7

Ni yaa kpaan m chee, ki yaa joo maaliin nisui ni kan, mee Uwumbɔr naah ban pu na man, le u ga ŋa kina tii nimi.

Jɔnn 16:24

Naa kee mee Uwumbɔr tiwan nibaa maayimbil pu, ki nan saa din. Ni li mee u, le ni ga kan, ki li kpa mpopiin mbamɔm.”

Jɔnn 9:31

Ti nyi ke Uwumbɔr aan ŋun titunwanbirdam aameen. Unii yaa dii Uwumbɔr ki ŋa Uwumbɔr aageehn kan, uma le Uwumbɔr ga ŋun waameen.

Efesusi 3:12

Taah gaa Yesu ki kii ki kpaan u ni na, nima le ti kpa lipobil ke ti dan Uwumbɔr chee ki nan doon u, ki taa li san ijawaan.

Hiibru Yaab 10:35

Ni taa di nimi aapobil lii man; ba pu? nima le ga cha ni kan tinyoor sakpen.

Hiibru Yaab 3:14

Ti yaa beenin tii u naadii ke taah nan tii u naadii njan pu na ki ti saa ndoon kan, ti ga ji waamɔɔn.

Hiibru Yaab 3:6

Kristo ma kan, u ye Uwumbɔr Aajapɔɔn, le ki joo Uwumbɔr aamaal mbamɔm. Timi le ye waamaal ni aanib. Ti yaa kpa lipobil ni mpopiin ki ti saa ndoon kan, ki yaa kaa joo beeni kan, ti ye waamaal yaab la.

Jemisi 4:3

Ni mee Uwumbɔr ke u tii nimi tiwan ni kaa ŋan u chee na, nima pu le naa kan. Ni mee u ki ban tiwan ni ga ku nimi aakpeek na la.

Jemisi 5:16

Nima pu na, ni kpiir nimi aatunwanbir ki tuk tɔb, ki mee Uwumbɔr tii tɔb, aan u tii nimi laafee. Unii u dii Uwumbɔr aasan mbamɔm na yaa mee Uwumbɔr linimaln kan, waameel kpa mpɔɔn sakpen.

1 Jɔnn 2:28

Maabim, ni li kpaan Yesu chee n‑yoonn mɔmɔk, aan ti li kpa lipobil ki taa san inimɔɔn u chee bundaln u ga gir ni na.