1 Jɔnn 5:10 - Uwumbɔr aagbaŋ

¹⁰ Unii umɔk gaa Uwumbɔr Aajapɔɔn ki kii na, u pak Uwumbɔr aah len pu na. Unii umɔk kaa pak Uwumbɔr aah len pu na, u yin Uwumbɔr unyamɔndaan la; kinye pu? waa pak Uwumbɔr aah len Ujapɔɔn aabɔr pu na.

UWONBƆR A GBƆNPƆŊ LIKƆƆNL

¹⁰ Wan biɛn ŋa Uwonbɔr a bija nan yada jɔɔ siɛra nan u sufu ni. Wan kaa ŋa Uwonbɔr yada ta U ki labir tibɔkardaan na, nan bu-n waa ŋa yada Uwonbɔr a siɛra kan wee U jin U bija-n bu.

1 Jɔnn 5:10 ပူးပေါင်းရင်းမြစ်များ

Job Aagbaŋ 24:25

Ubaa ga ŋmaa nee ke nimina aa ye kina aa? Ubaa ga ŋmaa kpak mi ke maabɔr aa gbii ii?”

Ilahn 25:14

Uwumbɔr aajɔtiib le ye binib bi keei waamɔb na, le u mɔk bi waah puu tipuur ti na aatataa.

Ŋiyataŋak 3:32

ba pu? Uwumbɔr aa gee binib bi tun titunwanbir na, li ki tee tuk binib bi aabimbin ŋan na waabɔbɔrkaan.

Aisaya 53:1

Le binib ngbaan giin kii ke, “Ŋma ba ga pak tibɔr ti ti len dandana na? Ŋma ba ga dak ke Uwumbɔr aaŋaal bi tibɔr tee ni?

Jeremia 15:18

Maan li ŋmaa bi ji falaa kina ki cha. Ba ŋa maabuun aa ŋmaa yann? Ba ŋa yaa ŋmaa yann? Aa ban ke aa jinn mi inimɔɔn ke nkpen mu foor kitakuuk na la aa?”

Nkahm 23:19

Uwumbɔr aa ye unii ki geei inyamɔn, waa ye unibɔn le ki kpelni waalandak. U yaa puu ke u ga ŋa pu na kan, see u ŋa kina. U len, le ni ŋani kina.

Jɔnn 3:16

Uwumbɔr aah gee dulnyaa aanib sakpen pu na, nima le u di Ujapɔnbaal tii ni ke unii umɔk gaa u ki kii na taa kpo, u li kpa limɔfal li kaa kpa ndoon na.

Jɔnn 3:18

Unii umɔk gaa u ki kii na, Uwumbɔr aa len ke waabɔr bii. Unii umɔk kaa gaa u ki kii na, Uwumbɔr len ke waabɔr bii a. Waah kaa gaa Uwumbɔr Aajapɔnbaal ki kii na, nima le cha Uwumbɔr len ke waabɔr bii.

Jɔnn 3:33

Unii umɔk gaa waah len pu na, u kii ke Uwumbɔr ye mbamɔndaan la.

Jɔnn 5:38

Waaliin aa bi nisui ni; u tun ni mi ni chee, le naa pak maah len pu na; nima le mɔk ke waaliin aa bi nisui ni.

Lituln 8:37

Le Filip bui u, “Aa yaa gaa Yesu ki kii mbamɔm kan, m ga ŋmaa muin si nnyun ni.” Le u bui u, “M pak ke Yesu Kristo ye Uwumbɔr Aajapɔɔn la.”]

Rom Yaab 8:16

Waafuur Nyaan le kpaan timi aawiin chee, le ki ji seeraa ke ti ye Uwumbɔr aabim.

Galantiya 4:1

Maah len pu na le ye ke ubo u ga ji lifaal na le yeh ute aawan mɔmɔk; le waah laa ye ubo buyoonn na, waa jer unaagbiija.

Galantiya 4:6

Taah ye Uwumbɔr aabim na, le Uwumbɔr tun ni Ujapɔɔn Aafuur Nyaan tisui ni. Muma le cha ti yin Uwumbɔr ke Tite.

Kolosiya 3:3

Ba pu? ni naahn ke ni kpo; le nimi aamɔfal kpaan Kristo ni, ki bi Uwumbɔr chee paacham, le u biin li pu.

Hiibru Yaab 3:12

Nnaabitiib, ni li nyi man, ni ponn ni ubaa aasui taa li bir aan u li joo beeni ki yii Uwumbɔr u ye limɔfadaan na.

2 Piita 1:19

Nima le mɔk timi ke Uwumbɔr aabɔnabtiib aah nan len Yesu aabɔr pu na, bi len mbamɔn la. Ni ŋan ke ni kii baah len pu na. Baaliin bi ke karyaa u wiin mbɔmbɔɔn ni na aah bi pu na. I ga woln ninimbil ki ti saa buyoonn Yesu Kristo ga gir ni ki nan woln ninimbil mbamɔm na.

1 Jɔnn 1:10

Ti yaa len ke taa tun titunwanbir kan, ti yin Uwumbɔr unyamɔndaan la. Waabɔr aa bi tisui ni.

1 Jɔnn 5:1

Unii umɔk pak ke Yesu ye Kristo u gaa timi lii na, udaan ngbaan ye Uwumbɔr aabo la. Unii umɔk gee ubo aate na, u ga li gee waabo mu.

Tibɔkpiirkaan 12:17

Le kipeewanbiik ngbaan gee liŋuul sakpen upii ngbaan pu, ki buen ti to waabim biken butɔb. Waabim le ye binib bi kii Uwumbɔr aamɔb ki tuk binib Yesu aabɔnyaan na.

Tibɔkpiirkaan 2:17

“U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na kan, m ga tii u tijikaar ti bɔr aan bi yin ti ke mana na, ki ga tii u litakpapiln li liyimbipɔln ŋmee li pu na. Ubaa aan li nyi liyimbipɔln ngbaan; unii u gaa li na baanja le ga li nyi.

Tibɔkpiirkaan 2:28

M ga tii bi liŋmabil naanyuun mu.