1 Jɔnn 2:26 - Uwumbɔr aagbaŋ

²⁶ M ŋmee tibɔr tee tii nimi, ke m tuk nimi binib bi ban bi ŋmann nimi na pu.

UWONBƆR A GBƆNPƆŊ LIKƆƆNL

²⁶ N sɔb ni tiwann nan le ki tenn ni ki jiin ban ban bin lar ni ki kɔɔn kulɔŋ nbu.

1 Jɔnn 2:26 ပူးပေါင်းရင်းမြစ်များ

Ŋiyataŋak 12:26

Unii u aabimbin ŋan na ye ujɔ aasanmɔkr la, le bibiindam ma aasan joo bi yenni.

Esekiel 13:10

“Bibɔnabr ngbaan len le ke ni mɔmɔk ŋan, le ki joo maanib yenni. Tiwan mɔmɔk mu aa ŋan. Maanib di ŋitakpal woŋ woŋ tɔb pu le ke bi maa ligoln, le bibɔnabr ngbaan dan nan di nkokoyon boon li.

Tibɔnyaan ti Mak ŋmee ti na 13:22

Ba pu? biŋmaŋmannim ga li bi. Bibaa ga bui ke bi ye Kristo la. Biken ga bui ke bi ye Uwumbɔr aabɔnabtiib la. Bi ga tun lijinjiir aatun ki ŋmann binib; bi ga pɔɔn bibaa ke bi ŋmann Uwumbɔr aanib mu.

Kolosiya 2:18

Binib bibaa bi ki sunni bibaa taab, ki pak Uwumbɔr aatuuntiib, ki bui ke bi daŋ tidaŋ ki kan lijinjiir aawan, ki kpa kalmbaani, ki dak dulnyaa aalandak i ye fam na. Ni taa cha binib ngbaan bii nimi.

Kolosiya 2:8

Unii yaa tuk nimi nnyamɔn aalan mu ye fam na kan, ni li nyi man ki taa dii u; nlan ngbaan ye binib aalan mu nyan ni kinimbɔŋ ki joo dulnyaa wee na, naa ye Kristo aabɔr.

1 Timoti 4:1

Tɔ, Uwumbɔr Aafuur Nyaan len mpaan pu, ke n‑yoonn mu choo na binib bibaa ga yii Yesu aabɔr, ki kii inyamɔn, ki dii bipɔnib bi ŋmanni bi na.

2 Timoti 3:13

Le mbiindam ni biŋmaŋmannim ga moo tun titunwanbir ki li ŋmanni binib, le binib mu gir ki li ŋmanni bi.

1 Jɔnn 3:7

Maabim, taa cha unii ubaa ŋmann nimi. Unii umɔk ŋani ni ŋan na, udaan ye unibamɔnn ke Yesu aah ye unibamɔnn pu na la.

2 Jɔnn 1:7

Biŋmaŋmannim chuun dulnyaa wee ni ki wiir. Bi len ke Yesu Kristo aa nan kpaln unii ki dan dulnyaa wee ni. Bima le ye biŋmaŋmannim ki ye Kristo aadim.