1 Jɔnn 2:24 - Uwumbɔr aagbaŋ

²⁴ Naah nan piin ki dii Yesu aasan ki di nan saa din na, ni ŋun waabɔr la. Ni li nyi ki cha tibɔr ngbaan li beenin bi nisui ni. Tibɔr ngbaan yaa beenin bi nisui ni kan, ni ga kpaan Tite Uwumbɔr ni Ujapɔɔn chee la.

UWONBƆR A GBƆNPƆŊ LIKƆƆNL

²⁴ Ni che naah nan gbir nan npiinimin nin li be ni sufu ni na. Ni ye ni tun man ke ni mu li be Bija-n nin Baa-n ban.

1 Jɔnn 2:24 ပူးပေါင်းရင်းမြစ်များ

Ilahn 119:11

M joo saakaal nsui ni, ke m taa tun si titunwanbir.

Ŋiyataŋak 23:23

Mbamɔn, ni ichiin, ni mbaem, ni nlan mu ŋan na, le ye tiwan ni ŋan ke aa di saamombil pa ni pu na, le ki ye tiwan ni saan ŋmaa di kooh na.

Tibɔnyaan ti Luk ŋmee ti na 1:2

Binib bi kan tibɔr ngbaan aah piin ki ti doo pu na mooni ti, ki tuk timi. Le bi ŋmee baah tuk timi pu na.

Tibɔnyaan ti Luk ŋmee ti na 9:44

“Bi ga di min Unibɔn Aabo ŋa binib aaŋaal ni la. Cha tibɔr timina koo nitafal ni man.”

Jɔnn 14:23

Le Yesu bui u, “Unii yaa gee mi kan, u ga kii maaliin, le Nte Uwumbɔr ga li gee u, le ti ga dan u chee, ki ga li bi u chee.

Jɔnn 15:7

Ni yaa kpaan m chee, ki yaa joo maaliin nisui ni kan, mee Uwumbɔr naah ban pu na man, le u ga ŋa kina tii nimi.

Jɔnn 6:56

Unii umɔk ji maawon ki nyu maasin na, u bi m ni, le m mu bi u ni.

Jɔnn 8:25

Le bi baa u, “Aa ye ŋma?” Le u bui bi, “Maah tuk nimi n‑yoonn mɔmɔk pu na, m ye kina la.

Filipi 4:15

Nimi Filipi aatiŋ aanib nyi ke maah nan tuk nimi Yesu aabɔnyaan tee njan ki nin nyan Masedonia aatiŋ ni na, Uwumbɔr aanib ponn ni ubaa aa tii mi ipiin, see nimi baanja. M nan tuk nimi Uwumbɔr aabɔr, le ni mu nan tii mi ipiin.

Kolosiya 3:16

Cha Kristo aabɔr li bi nisui ni sakpen, ki tii nimi nlan. Ni li tuk tɔb waabɔr, ki li sur tɔb, ki li gaa ilahn i bi Uwumbɔr Aagbaŋ ni na, ni waanib aalahn, ni ilahn i Waafuur Nyaan mɔk nimi na. Ni li gaa ilahn ngbaan, ki li dooni Uwumbɔr nisui ni.

Hiibru Yaab 2:1

Nima pu na, ni ŋan ke titafal li bi tibɔnyaan ti ti ŋun ti na ponn ni, ti taa di ti lii.

Hiibru Yaab 3:14

Ti yaa beenin tii u naadii ke taah nan tii u naadii njan pu na ki ti saa ndoon kan, ti ga ji waamɔɔn.

1 Jɔnn 1:3

Ti tuk nimi taah kan pu na, ni taah ŋun pu na, aan ti ni nimi li kpaan kijɔtiik. Ni ye mbamɔn la, taah kpaan kijɔtiik na, ti ni Tite Uwumbɔr ni Ujapɔɔn Yesu Kristo le kpaan kijɔtiik ngbaan.

1 Jɔnn 1:7

Ti yaa dii nwiihn aasan ke Uwumbɔr aah bi nwiihn ni pu na kan, ti kpaan kijɔtiik tɔb chee la. Le Uwumbɔr Aajapɔɔn Yesu Kristo aasin finni tipobil ki nyani titunwanbir mɔmɔk.

1 Jɔnn 2:7

Maanigeekaab, naa ye nkaal pɔɔn le m ŋmee tii nimi. Ni ye nkaal kpok la. Naah nan piin ki dii Yesu aasan na, ni ŋun nkaal ngbaan, le ki di nan saa din. Nkaal kpok ngbaan le ye tibɔr ti ni ŋun na.

1 Jɔnn 3:24

Unii umɔk kii Uwumbɔr aamɔb na, u bi Uwumbɔr ni. Uwumbɔr mu bi u ni. U tii timi Waafuur Nyaan, nima le cha ti bee ke u bi ti ni.

1 Jɔnn 4:13

Tɔ, u tii timi Waafuur Nyaan. Nima le cha ti bee ke ti bi u ni, u mu bi ti ni.

1 Jɔnn 4:15

Unii umɔk len binib aanimbil ni ke Yesu le ye Uwumbɔr Aajapɔɔn na kan, Uwumbɔr bi u ni la, u mu bi Uwumbɔr ni.

1 Jɔnn 4:16

Ti nyi Uwumbɔr aah gee timi pu na, ki pak ke u gee timi la. Uwumbɔr ye ngeehm la. Unii umɔk gee binib n‑yoonn mɔmɔk na, u bi Uwumbɔr ni la, Uwumbɔr mu bi u ni.

2 Jɔnn 1:2

Mbamɔn pu, le ti gee nimi. Mbamɔn ngbaan bi tisui ni, ki ga li bi ti chee n‑yoonn mu kaa kpa ndoon na.

2 Jɔnn 1:9

Unii umɔk kaa beenin dii Kristo aabɔr, ki di tibɔyayan kpee ti pu na kan, waa gaa Uwumbɔr. Unii umɔk beenin dii Yesu aabɔr na kan, u gaa Tite Uwumbɔr ni Ujapɔɔn mɔmɔk la.

3 Jɔnn 1:3

Tinaabitiib bibaa dan do, ki nan tuk mi saah dii mbamɔm pu na. Le ni ŋa mi mpopiin sakpen a. Aa sil dii mbamɔm la.

Tibɔkpiirkaan 3:11

M ga gir ni mala. Ni li beenin dii maasan mbamɔm ke naah dii pu dandana wee na, ubaa taa leŋ nimi aapiin nsan ni.

Tibɔkpiirkaan 3:3

Nima pu na, teer man naah nan ŋun Uwumbɔr aabɔr ki gaa ti pu na. Ni li keei ti man, ki kpeln nimi aabimbin. Ni yaa kaa finn ngeen pu kan, m ga dan ni chee ke unaayuk aah ga dan pu na. Naan li nyi buyoonn m ga dan ni chee na.