1 Jɔnn 2:11 - Uwumbɔr aagbaŋ

¹¹ Unii umɔk nan una aabo na bi mbɔmbɔɔn ni la, le ki dii mbɔmbɔɔn aasan. Mbɔmbɔɔn ngbaan jɔb unimbil la, nima le waa nyi waah cha nin chee na.

UWONBƆR A GBƆNPƆŊ LIKƆƆNL

¹¹ Amaa wan nan u nabig ke, udaan be libunbɔnlin le ki choon jin; kaa nyi waah chaa nan paami, nan bu-n libunbɔnl nmɔn che u jɔɔn na.

1 Jɔnn 2:11 ပူးပေါင်းရင်းမြစ်များ

2 Samuel 13:22

Le Absalom nan nann Amnonn, waah chuu uninkpan Tamar ki doon u chee mpɔɔn pu pu na, kaan ki kpaan len u chee tibɔr.

Ŋiyataŋak 4:19

Tɔ, bibiindam aasan ma bɔɔn ke kinyeek na la. Bi lir, le ki mu aa waa baah gbeer tiwan ni na.

Ulandaan 2:14

Bilandam waa baah cha nin chee na, le bijɔrb ma aa waa. Tɔ, m mu tee nyi ke ti mɔmɔk aadoon ye tiwan nibaa la.

Liifai Yaab 19:17

“Aa taa li joo aaŋeen aatɔ liŋuul; pɔɔn aabaa ki toor nimi aabɔr ni man, nima kan, saan tun titunwanbir u pu.

Jɔnn 12:35

Le u bui bi, “Min u ye nwiihn na, maan ki li bi nikaasisik ni, ni yunn. Dii nwiihn mu aah laa bi pu na man, aan mbɔmbɔɔn taa pii nimi. Unii umɔk chuun mbɔmbɔɔn ni na kan, waa nyi waah cha niwɔb na.

Jɔnn 12:40

“Uwumbɔr jɔb binimbil ke bi taa li waa; ki cha bitafal pɔɔ, bi taa bee waaliin aatataa, ki taa fenn dan uwɔb ke u tii bi laafee.”

2 Korenti 3:14

Bitafal nan pɔɔ. Bi yaa karn Uwumbɔr aagbakpok kan, baa beer naatataa ki nan saa dandana. Ba pu? unii aan ŋmaa bee naatataa see u gaa Kristo ki kii.

2 Korenti 4:4

Kinimbɔŋ ki joo dulnyaa aanib na le jɔb binib bi kaa gaa Yesu ki kii na aanimbil, ke tibɔnyaan tee taa woln binimbil. Tibɔnyaan tee tuk timi Kristo aah ŋan sakpen pu na. U ye Uwumbɔr aanaŋ la.

Taitus 3:3

N‑yoonn mbaa timi tibaa nan ye bijɔrb, kaa kii Yesu aamɔb. Kinimbɔŋ nan ŋmann timi la. Tinimbil nan man tiwan ni kaa ŋan na aabɔŋ pu. Tisui aah gee tiwan ni na le ti nan ban. Ti nan gee baka baka aatuln, ki nan kpa lipiipoln, ki nan ye binib bi ubaa aa gee bi na, ki mu nan nan tɔb.

2 Piita 1:9

Unii u lann mbimbin ngbaan aaboln na kan, u jɔb la. U suln ke Uwumbɔr nan finn u ki nyan titunwanbir ti nan bi usui ni na.

1 Jɔnn 1:6

Ti yaa len ke ti ni Uwumbɔr kpaan kijɔtiik ki yaa beenin dii mbɔmbɔɔn aasan kan, ti mɔn nnyamɔn la, kaa dii mbamɔn aasan.

1 Jɔnn 2:10

Unii umɔk gee una aabo na bi nwiihn ni la. Tiwan ni ga cha unii lir na aa bi nwiihn ni.

1 Jɔnn 2:9

Unii yaa len ke u bi nwiihn ni ki yaa nan una aabo kan, u beenin bi mbɔmbɔɔn ni la, le ki di nan saa din.

1 Jɔnn 3:15

Unii umɔk nan una aabo na, u ye unikur la. Ni nyi ke unikur ubaa aa kpa limɔfal li kaa kpa ndoon na.

1 Jɔnn 4:20

Unii yaa len ke u gee Uwumbɔr ki yaa nan una aabo kan, u ye unyamɔndaan la. U yaa kaa gee una aabo u unimbil waa u na kan, u ga ŋa kinye ki li gee Uwumbɔr u unimbil aa waa u na?

Tibɔkpiirkaan 3:17

Ni len ke ni ye biwankpadam ki kan liwangol kaa lann nibaa, kaa tee nyi ke ni kpa kinimbaak, ki ye bigiim, ki ye bijoom, ki si niŋmeen la.