1 Jɔnn 1:9 - Uwumbɔr aagbaŋ

⁹ Uwumbɔr ŋani waah len pu na ki ye mbamɔndaan la. Ti yaa kpiir timi aatunwanbir tuk u kan, u ga di cha pinn timi aatunwanbir, ki finn tipobil, ki nyan tiwan ni kaa ŋan na mɔmɔk.

UWONBƆR A GBƆNPƆŊ LIKƆƆNL

⁹ Ni ye ti nyan ti bir ki bei u ke, u ye yada daan le ki tun nan ŋan, u li jiɛn ti bir biɛn ki per ti, ki ŋa ti kasi ki nyan ti ta kaa jɔɔ buchin binben biɛn nin.

1 Jɔnn 1:9 ပူးပေါင်းရင်းမြစ်များ

1 Bibɔrb 8:30

M ni saanib yaa di tinimbil toŋ ni Lidichal limina, ki mee si kan, aa ŋun timi aameel. Saah bi aado paacham na, ŋun, ki di cha pinn timi.

1 Bibɔrb 8:47

pel saanib aameel. Uwumbɔr, bi yaa bi kitiŋ ngbaan ni, ki yaa kpeln baabimbin ki mee si, ki kpiir baah ye titunwanbirdam, ni bibiindam sakpen pu na kan, ŋun baameel.

Nehemia 1:6

Uwumbɔr, san mi kinimbaak, ki ŋun maameel, maah mee si pu nwiin pu ni kinyeek ki tii saanaagbiib, Israel yaab aanib, bi tun titunwanbir na pu na. M kii ke m ni n‑yaajatiib mɔmɔk tun titunwanbir la.

Ilahn 19:12

Ubaa aan ŋmaa kan waah yenn waatuln ponn ni nin chee na; Uwumbɔr, nyan mi titunwanbir ti bɔr na ni,

Ilahn 32:5

Le m kpiir maatunwanbir tuk si, maa nan di maataani bɔr si. M nan kii ki kpiir ti tuk si, le aa di cha maatunwanbir pinn mi.

Nnyam 34:7

M joo maah puu tipuur ti na le ti ye ki tii mmaal lichur, le ki cha pinni titunwanbir; mmaal mu aatetiib tun titunwanbir na kan, m ga daa biyaabitiib ni biyaabisɔsɔk aatafal.”

Ŋiyataŋak 28:13

Aa yaa joo saatunwanbir bɔrni kan, saan kan tinyoor saamɔfal ni. Kpiir saatunwanbir ki di ti mee aan Uwumbɔr san si kinimbaak.

Aisaya 45:21

Dan man ki nan di nimi aabɔr bil bibɔjirb chee; ki cha binib bi si nipuwɔb na kpokl tɔb. Ŋma nan len n‑yaayoonn na tiwan ni ga ŋa na? Naa nan ye min Uwumbɔr aa? Min le ye Uwumbɔr u ŋan ki gaal waanib lir na. Uken aa ki bi.

Jeremia 3:13

Kii ke ni tun taani, ke ni nyan Nidindaan Uwumbɔr aapuwɔb. Kpiir ke ni di nimi aageehn tii ŋiwaa, bususoom mɔmɔk taab, kaa kii maamɔb. Min Uwumbɔr le len kina.

Jeremia 33:8

M ga finn nyan bi titunwanbir ti bi tun mi na ni, le ki di baatunwanbir, ni baah yii maamɔb pu na cha pinn bi.

Inandalahn 3:23

Waageehm ni linimbaasaln aa door ke kichakpiik ni, bee nwiin aah puur pu na, aah kaa door pu na la.

Esekiel 36:25

M ga di nnyunyaan le yaa yaa ni pu ki nyan nimi, nimi aawaa mɔmɔk, ni tiwan ni mɔmɔk bii nimi na aajɔŋ ni.

Esekiel 37:23

Baan ki di ŋiwaa ŋi sukr ponn ni na bii bibaa, kaan di titunwanbir bii baabimbin. M ga gaa bi mbimbin mu mɔmɔk ponn ni bi tun titunwanbir ki nya mpuwɔb na. M ga finn nyan bi tijɔŋ ni; bi ga li ye maanib, le m li ye Baawumbɔr.

Sekaria 9:9

Li mɔɔni man, Sionn aanib, li mɔɔni man. Nimi Jerusalem aanib, li tar mpopiin pu man. Lik, nimi aabɔrkpaan choo ni chee la. U ye ubimbinyaandaan le ki joo linyaŋ choo, u sunn ubaa taab le ki dik ubon pu, u dik ubon u laa diin na pu la.

Matiu 3:6

le ki nan kpiir baatunwanbir tuk Uwumbɔr. Le Jɔnn muin bi nnyun ni, Jɔɔdann aamɔɔl ni.

Tibɔnyaan ti Mak ŋmee ti na 1:5

Le kinipaak nyan Judea aatim mɔmɔk ni, ni Jerusalem aatiŋ ni, ki dan u chee, ki nan kpiir baatunwanbir tuk Uwumbɔr. Le Jɔnn muin bi nnyun ni, Jɔɔdann aamɔɔl ni.

Tibɔnyaan ti Luk ŋmee ti na 22:57

Le u nee, ki bui u, “Upii, maa nyi u.”

Jɔnn 17:25

Nte Uwumbɔr u ŋani ni ŋan na, dulnyaa aanib aa nyi si. Min le nyi si. Binib bimina mu bee ke aa tun ni mi la.

Lituln 19:18

Le binib bi gaa Yesu ki kii na pam nan dan Pɔɔl chee, ki nan kpiir ki tuk u binib aanimbil ni, baah nan ŋani inyɔk pu na. Bi ponn ni pam nan kpa inyɔk aagbann. Le bi di inyɔk aagbann ngbaan see mmii ni, binib mɔmɔk aanimbil ni. Le bi kahn inyɔk aagbann ngbaan aadaak, le ni ye iwiin ŋichur piiŋmu aapal.

Rom Yaab 3:26

Tɔ, dandana wee, u len titunwanbir aabɔr ki bui ke binib bi gaa Yesu ki kii na aabɔr ŋan u chee. Nimina le mɔk ke uma Uwumbɔr si chob.

1 Korenti 1:9

Uwumbɔr ŋani waah len pu na la. U yin nimi ke ni ni Ujapɔɔn Tidindaan Yesu Kristo li kpaan kijɔtiik ni tɔb.

1 Korenti 6:11

Ni ponn ni bibaa nan bi kina la; le Uwumbɔr finn nipobil, ki ŋa nimi binib bi bi chain na, ki len ke nimi aabɔr ŋan, Tidindaan Yesu Kristo aayimbil pu, ni timi Aawumbɔr Aafuur Nyaan pu.

Efesusi 5:26

U nan kpo bi pu, ke u ŋa bi chain. Baah ŋun waabɔr na, le u nyan titunwanbir bisui ni, le bi muin bi nnyun ni,

Ikaal 7:9

Ni teer ke Nidindaan Uwumbɔr baanja le ye Uwumbɔr, le ki ŋani waah len pu na. U ga li joo waah puu tipuur ti na, ki ga mɔk ŋiniker lichur ŋi gee u ki joo waakaal na, waah kpa ngeehm n‑yoonn mɔmɔk pu na,

1 Timoti 1:15

Yesu Kristo nan dan dulnyaa wee ni ke u nan nyan titunwanbirdam baatunwanbir ni la. Tibɔr timina gbii la. Ni ŋan ke binib mɔmɔk gaa ti ki kii. Min le ye titunwanbirdaan ki jer binib mɔmɔk.

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.

Hiibru Yaab 10:23

Taah bui ke ti kpa limakl na, cha ti li joo limakl ngbaan iŋaal ilee ki taa joo beeni. Ba pu? Uwumbɔr u puu tipuur tii timi na ga sil tii timi waah puu tipuur ti na.

Hiibru Yaab 11:11

Abraham aapuu Sara mu nan tii Uwumbɔr naadii, nima le nan cha u kan mpɔɔn ke u dek lipuul, buyoonn u jer timar na. Ba pu? u nan pak ke Uwumbɔr ga ŋa waah puu tipuur ti na.

Hiibru Yaab 6:10

Uwumbɔr ŋan la. Waan suln naah tun lituln pu ki ter waanib, ki beenin ter bi na, ki mɔk u naah gee u pu na bɔr.

1 Jɔnn 1:7

Ti yaa dii nwiihn aasan ke Uwumbɔr aah bi nwiihn ni pu na kan, ti kpaan kijɔtiik tɔb chee la. Le Uwumbɔr Aajapɔɔn Yesu Kristo aasin finni tipobil ki nyani titunwanbir mɔmɔk.

Tibɔkpiirkaan 15:3

ki gaa ilahn i ye Upihbo ngbaan ni Uwumbɔr aatutunn Moses aalahn na ke, “Tidindaan Uwumbɔr u yeh mpɔɔn mɔmɔk na, saatuln ye litukpaan ki gar binib pam. Saasan ye nsanyaan, ki mu ye nsan bamɔnn. Si le ye Ubɔr n‑yoonn mu kaa kpa ndoon na.