1 Bibɔrb Aabɔr 9:34 - Uwumbɔr aagbaŋ

³⁴ Bijab bi aayimbil ŋmee paacham na nan ye Liifai aanibol aadichadam la. Baayimbil dii yaaja yaaja la. Bima le nan ye bisalolm bi koo Jerusalem ponn ni na.

1 Bibɔrb Aabɔr 9:34 ပူးပေါင်းရင်းမြစ်များ

1 Bibɔrb Aabɔr 8:28

Bimina le nan ye ŋiyaajayil ni biyaabitiib kpaam bi nan koo Jerusalem ni na.

1 Bibɔrb Aabɔr 9:13

Bitotoorb bi nan ye bidichadam na, nan ti kpaan bijab lichur ni ikui ilole ni imonko itaa la. Bi nan ye binib bi nyi Uwumbɔr Aadichal ni aatuln mɔmɔk aabɔr sakpen na la.

1 Bibɔrb Aabɔr 9:33

Liifai yaab aadichal ŋibaa mu le nan ye Uwumbɔr Aadichal ni aalahngaab ni biwangbaab. Ŋidichal ŋimina aadichadam nan koo Uwumbɔr Aadichal aadir tibaa ni, le kaa ki tun lituln libaa kpee, ba pu? nwiin pu ni kinyeek mɔk bi nan yin bi le bi ti tun baatuln.

1 Bibɔrb Aabɔr 9:35

Jeyel le nan naan Gibeonn aatiŋ le ki koo nima. Bi nan yin upuu ke Maaka la.