1 Bibɔrb Aabɔr 9:24 - Uwumbɔr aagbaŋ

²⁴ Mbisamɔb nan bi lipepel mɔmɔk la. Mbisamɔb nan bi ŋŋangan, ni ŋŋangii, ni liwipuul, ni liwilir wɔb. I mɔmɔk nan kpa bikikiib aayidaan la.

1 Bibɔrb Aabɔr 9:24 ပူးပေါင်းရင်းမြစ်များ

2 Bibɔrb 7:10

Le bi nan nyan Siria yaab aakookoo yaan ngbaan ni, ki gir buen Samaria aatiŋ ni, ki ti teen bui bikikiib bi kii ibisamɔi na ke: “Ti buen Siria yaab aakookoo yaan ni, kaa ti kan unii ubaa, kaa ŋun ubaa pu; itaan, ni ibon beenin si gbin la, le Siria yaab ngbaan aah siir cha baaboo ŋi na beenin bi kina.”

1 Bibɔrb Aabɔr 9:23

Bi ni biyaajatiib le nan beenin kii Uwumbɔr Aadichal aabisamɔi.

1 Bibɔrb Aabɔr 9:25

Bikikiib bimina aado yaab bi koo ntimbim ni na le nan choo nan ter bi. Kitinbik kibaa ni aanib yaa nan dan kan, bi ga nan kiir ki ti saa iwiin ilole le ki nin gir kun, le kiken mu aanib dan.

2 Bibɔrb Aabɔr 8:14

U nan dii ute David aah siin isan i na pu le ki mɔk bitotoorb ni Liifai yaab bi ter bitotoorb ki gaa ilahn baatuln yoonn na, le bi tun baatun. U nan ki mɔk Uwumbɔr Aadichal aakikiib, le bi mu tun baatun ibisamɔi ngbaan mɔk chee iwiin mɔmɔk. Bi nan tun ŋi Uwumbɔr aanii David aah nan mɔk pu na la.