1 Bibɔrb Aabɔr 9:22 - Uwumbɔr aagbaŋ

²² Bijab bi bi nan nyan aan bi kii ibisamɔi ngbaan na, nan ti kpaan bijab ikui ilee ni kipiik ni bilee la. Baah nan koo koo ntimbim mu ni na le bi ŋmee baayimbil kina. Ubɔr David ni Uwumbɔr aabɔnabr Samuel le nan di biyaajatiib tii litukpaan limina.

1 Bibɔrb Aabɔr 9:22 ပူးပေါင်းရင်းမြစ်များ

1 Bibɔrb Aabɔr 28:13

David nan ki tii u ilandak i u ga di kuun bitotoorb, ni Liifai yaab, bi li tun baatun na, ki tun Uwumbɔr Aadichal ponn ni aatuln, ni baah ga joo Uwumbɔr Aadichal ponn ni aasambil ni tiyir pu na.

1 Bibɔrb Aabɔr 28:21

Bitotoorb ni Liifai yaab kpa ŋitun ŋi bi ga tun Uwumbɔr Aadichal ponn ni na. Bitutum mɔmɔk aabɔŋ bi, ki ban ke bi ter si, le binib mɔmɔk ni baasalolm bi aaŋaal ni.”

1 Bibɔrb Aabɔr 29:29

Ubɔr David aanaan aah piin ki ti doo pu na aabɔr bi Uwumbɔr aabɔnabr bitaa bimina, Samuel, ni Natann, ni Gad aah nan ŋmee pu na ni.

1 Bibɔrb Aabɔr 9:23

Bi ni biyaajatiib le nan beenin kii Uwumbɔr Aadichal aabisamɔi.

1 Bibɔrb Aabɔr 9:31

Salum aajapɔpol, u bi nan yin u ke Matitia, ki ye Kora aataŋaal pu aanii, ki ye Liifai yaab ni ubaa na, le nan ye unii u yeh kitork ki bi ken ki na aatuln.

2 Bibɔrb Aabɔr 23:19

Jehoyada nan ki ban bikikiib kaan Uwumbɔr Aadichal aabisamɔi ke bi li kiir binib bi mɔmɔk aa bi chain na aan bi taa koo li ponn ni.

2 Bibɔrb Aabɔr 31:15

Bitotoorb aah nan koo ntim mumɔk ni na, Liifai yaab le nan ter u mbamɔm waatuln ngbaan ni. Liifai yaab bi nan ter u na sɔ: Edenn, ni Miniaminn, ni Jesua, ni Semaya, ni Amaria, ni Sekania. Bi nan yakr tijikaar dee dee ki tii biŋeen aatɔtiib Liifai yaab biken ki ŋeer baatun aah ye pu na,

2 Bibɔrb Aabɔr 31:18

Naah nan ye ke bi gor ki li bi chain aatuln ni n‑yoonn mumɔk bi yin bi na, bi nan ŋmee bi ni bipuutiib, ni baabim, ni bi mɔmɔk koo bi chee na aayimbil bil la.

Nehemia 11:36

Bi nan cha Liifai yaab bi nan ka Juda yaab aatiŋ pu na buen ti kal Benjaminn yaab chee la.

Nehemia 12:44

N‑yoonn ngbaan le bi nan ban bijab kaan kiir tidir ti bi joo tijikaar, ni tiwan niken siini na, ni baah di Uwumbɔr Aadichal aajikaar ti bi too too na di ŋa ti ponn ni na; bi nan di ukpaal mɔmɔk aah tii waajikaar aapiin i na, ni libiln mɔk aajikaabim mu puen biir na, ni ŋisubil ŋi mu puen puir na mu di kpee ti pu. Bijab ngbaan le nan ye bi ga li gaal ikpaakon i bi duun ntim mɔmɔk na, bitotoorb ni Liifai yaab aajikaar ti bi too tii bi, Nkaal aah mɔk pu na nan tii bi. Binib mɔmɔk nan kpa mpopiin bitotoorb ni Liifai yaab ngbaan pu;

1 Samuel 9:9

Le Sɔɔl kii u ke, “Ti ŋan. Ti li cha.” Le bi siir buen kitiŋ ki ponn ni Uwumbɔr aanii ngbaan koo na. Baah bi joi ligongoln ki cha kitiŋ ngbaan ni na, le bi ton bisapɔm bibaa nsan ni, bi nan cha bi ti lu nnyun. Le bi baa bisapɔm ngbaan ke, “Ukakann na bi kitiŋ ni ii?” N‑yoonn ngbaan bi nan yin Uwumbɔr aabɔnabr ke ukakann la, kina pu na, unii yaa nan ban u baa Uwumbɔr mbaa kan, u ga bui le ki, “Cha ti buen ukakann na chee.”