1 Bibɔrb Aabɔr 8:34 - Uwumbɔr aagbaŋ

³⁴ Jonatann le nan ma Meribaal, le Meribaal mu ma Maika.

1 Bibɔrb Aabɔr 8:34 ပူးပေါင်းရင်းမြစ်များ

2 Samuel 4:4

Sɔɔl aayaabil ubaa le nan ye Jonatann aajapɔɔn Mefibosef. U nan laa ye ŋibin ŋiŋmu le bi ku Sɔɔl ni Jonatann. Baakun aabɔr aah nan nyan Jesreel aatiŋ ni ki fuu ni na, le waabiyoor bɔ yoor u ki di san; waah nan gee mala mala sakpen pu na, le ubo ngbaan nan ŋmar lir kitiŋ, le ki kpaln uwɔb.

2 Samuel 9:10

Sin ni aajapɔtiib, ni saatutum ga li ko tii saaninkpel Sɔɔl aadichal, le Mefibosef ma ga li ye maachaan iwiin mɔmɔk.” Siba nan kpa japɔtiib kipiik ni biŋmu, ni bitutum moninko la.

2 Samuel 9:12

Mefibosef nan kpa japɔɔn waatiir ubaa, le bi yin u ke Maika. Siba aadichal ni aanib mɔmɔk nan kpaln Mefibosef aatutum la.

2 Samuel 9:6

Jonatann aajapɔɔn Mefibosef, u aayaaja nan ye Sɔɔl na, aah fuu ni na, u nan gbaan David aanimbiin ni ki pak u. Le David yin u ke, “Mefibosef.” Le u kii ke, “Maaninkpel, m sɔ.”

1 Bibɔrb Aabɔr 8:33

Ner aajapɔɔn le nan ye Kis, le Kis mu ma Ubɔr Sɔɔl. Sɔɔl nan ma mbijabim munaa la. Baayimbil sɔ: Jonatann, ni Malkisua, ni Abinadab, ni Esbaal.

1 Bibɔrb Aabɔr 8:35

Maika nan ma mbijabim munaa la. Baayimbil sɔ: Pitonn, ni Melek, ni Tarea, ni Ahas.

1 Bibɔrb Aabɔr 9:40

Jonatann le nan ma Meribaal, le Meribaal mu ma Maika.