1 Bibɔrb Aabɔr 8:33 - Uwumbɔr aagbaŋ

³³ Ner aajapɔɔn le nan ye Kis, le Kis mu ma Ubɔr Sɔɔl. Sɔɔl nan ma mbijabim munaa la. Baayimbil sɔ: Jonatann, ni Malkisua, ni Abinadab, ni Esbaal.

1 Bibɔrb Aabɔr 8:33 ပူးပေါင်းရင်းမြစ်များ

2 Samuel 2:8

Sɔɔl aajab aaninkpel Abner, u ye Ner aajapɔɔn na, nan di Sɔɔl aajapɔɔn Isbosef san puur Jɔɔdann aamɔɔl, ki buen Mahanaim aatiŋ ni.

2 Samuel 4:12

David nan tii nsan, le waajab ku Rekab ni Baana, le ki gii gii biŋaalfaal ni bitaafaal, ki di leen Hebronn aabukpiik na chee. Bi nan yoor Isbosef aayil ti sub Abner aakaakul ni, Hebronn aatiŋ ni.

1 Bibɔrb Aabɔr 8:32

ni Miklof. Miklof aajapɔɔn le nan ye Simea. Biyaabitiib nan koo Jerusalem ni, ki gbɔk baataŋaal yaab la.

1 Bibɔrb Aabɔr 8:34

Jonatann le nan ma Meribaal, le Meribaal mu ma Maika.

Lituln 13:21

N‑yoonn ngbaan le bi len ke bi ban ubɔr, u li joo bi. Baah len kina na, le Uwumbɔr nyan Sɔɔl, u nan ye Kis aajapɔɔn na, u li ye baabɔr. U nan ye Benjaminn aanibol ponn ni aanii, ki nan joo bi ŋibin imonko ilee la.

1 Samuel 31:2

Filistia yaab nan jenn chuu bi, ki ku Sɔɔl aajapɔtiib bitaa, Jonatann, ni Abinadab, ni Malkisua.

1 Samuel 9:1

Uwankpadaan ubaa nan bi n‑yoonn ngbaan, bi nan yin u ke Kis, u ye Benjaminn aanibol aanii la. Ute le nan ye Abiel, le uyaaja ye Seror, ki ye Bekoraf aadiik ni aanii, ki ye Afia aataŋaal ponn ni aadichal.

1 Samuel 9:2

U nan kpa japɔɔn ubaa bi yin u ke Sɔɔl. Sɔɔl nan ye unachipɔɔn u ŋan na la, le ki nan paa Israel yaab aanii mɔmɔk pu liyil, le ki ŋan jer bi mɔmɔk.