1 Bibɔrb Aabɔr 7:24 - Uwumbɔr aagbaŋ

²⁴ Efraim nan ma upiibo ubaa, le ki yin u ke Seera. Uma le nan naan Bef Horonn Paacham ni Bef Horonn Taab, ni Usenn Seera aatim.

1 Bibɔrb Aabɔr 7:24 ပူးပေါင်းရင်းမြစ်များ

1 Bibɔrb 9:17

le Solomonn ki gir maa ki. Solomonn nan ki cha binaagbiib ngbaan gir maa Bef Horonn aatiŋ ki bi taab na,

1 Bibɔrb Aabɔr 7:23

Le u nan ki doon upuu chee, le u dek ki nan ma ubijabo. Bi nan yin u ke Beria la. Baadichal aah nan kan tibɔr ti na pu le bi nan yin u kina.

1 Bibɔrb Aabɔr 7:25

Bi nan ki yin Efraim aajapɔɔn uken ke Refa. Refa aayaabitiib aayimbil sɔ: Resef, ni Tela, ni Tahann,

2 Bibɔrb Aabɔr 8:5

Solomonn le nan ki gir maa ntim mumina, Bef Horonn Paacham ni Bef Horonn Taab. Ntim ngbaan nan ye ntim mu bi maa ŋigon kiir mu aan mu kpa tijawan na, le ki kpa ibisamɔi i bi laŋni i na,

Josua 10:10

Uwumbɔr nan cha Amor yaab aah kan Israel yaab na, le biwon jii. Le Israel yaab aajab nan ku bi Gibeonn yaab aatiŋ ni, le ki san dii bi kina ki ti nyan ŋijoo pu aasan mu cha Bef Horonn aatiŋ ni na, ki dii bi kina ŋŋangii wɔb ki ti saa Aseka ni Makeda.

Josua 16:3

ki yoor kina buen liwilir wɔb, nin chee Jaflet yaab bi na, ki dii kina ti nyan Bef Horonn Aataab wɔb, le ki dii kina ti ker Geser aatiŋ ni, ki di ti doo Kaasisik ni Aanyusakpem wɔb.

Josua 16:5

Kitiŋ ki nan ye Efraim aanibol aatiŋ na le na: baatiŋ mɔk nan yoor ni Atarof Adar, liwipuul wɔb, ki ti ker Bef Horonn aapaacham wɔb,