Jeria le nan ye Hebronn aayaabitiib ngbaan aasaloln. David aah nan ye ubɔr pu na aabin imonko ilee ni, le bi nan fiir ki lik Hebronn aayaabitiib aadichal ponn ni aabɔr, le ki kan ke bijakpaam bi ye waadichal ponn ni aanib na koo Jaser aatiŋ ki bi Gilead aapepel na ni.
Aa nan cha bi jan ki nyaŋ ŋinibol ni nnaan aabɔŋ mu bi baatiŋ aanaanmɔk na. Bi nan jan ki nyaŋ ubɔr Sihonn aatiŋ ki bi yin ki ke Hesbonn na, ni ubɔr Og aatiŋ, ki bi yin ki ke Basann na.
Aasil bi ke jaatɔlk u ye iluub aanyin ŋmeen na la. Aanimbil naahn Hesbonn aatiŋ ponn ni aabɔr aanyun mu dɔ kitisakpeŋ ngbaan aagoln aabisamɔb chee na la. Aamɔfal ŋan ke Lebanonn aakikiib aadifɔfɔŋ ki si Damaskus aatiŋ ni na la.
Le Moses tun bipepekb, bi ti lik, aan ki bee baah ga ŋa pu ki tak Jaser aatiŋ na. Israel yaab nan ŋmaa nyaŋ, ki gaa ki, ni kaatingbaan mɔmɔk, le ki jenn nyan Amor yaab bi nan ka nima chee na.
“Uwumbɔr aah ter timi Israel yaab aan ti gaa lipepel limina, Atarof, ni Dibonn, ni Jaser, ni Nimra, ni Hesbonn, ni Eleale, ni Sibma, ni Nebo, ni Beonn aatim mu na ŋan tiwakor pam, le ti mu kpa tiwakor ti wiir sakpen na.
“Taah dii Moab aapepel ki jer doo na, le Uwumbɔr bui timi ke, ‘Dandana wee, fenn ki puur Anonn Aamɔɔl man. M ga di Amor yaab aabɔr Sihonn u koo Hesbonn aatiŋ ni na, ni waatiŋ, ŋa niŋaal ni. Tak u man, ki piin ki gaa waatiŋ man.
