1 Bibɔrb Aabɔr 6:71 - Uwumbɔr aagbaŋ

⁷¹ Baah nan tii Gesonn aataŋaal aadichal ntim mu ni mu aamoŋmɔpaan na aayimbil sɔ: Golann ki bi Basann ni na, ni Astarof aatim mu bi Manase aanibol ligeln li bi liwipuul wɔb aapepel ni na.

1 Bibɔrb Aabɔr 6:71 ပူးပေါင်းရင်းမြစ်များ

1 Bibɔrb Aabɔr 6:70

Manase aanibol ligeln li bi liwilir wɔb na ponn ni mu, bi nan di Aner, ni Bileam aatim, ni mu aamoŋmɔpaan le tii bi.

1 Bibɔrb Aabɔr 6:72

Bi nan ki tii bi Kedes, ni Daberaf,

Ikaal 1:4

Uwumbɔr aah nan nyaŋ Amor yaab aabɔr u bi yin u ke Sihonn, u nan bi Hesbonn aatiŋ ki joo waanib na, ni Basann aapepel aabɔr u bi nan yin u ke Og, u nan bi Astarof ni Edrei aatim ki joo waanib na, aapuwɔb le Moses nan di ikaal ngbaan tuk bi.

Ikaal 4:43

Moses nan nyan Beser aatiŋ ki bi nteersakpiin aajool li bi taar na pu le siin Rubenn aamaal yaab; le ki nyan Ramof aatiŋ ki bi Gilead aapepel ni na siin Gad aamaal yaab; ki nyan Golann aatiŋ ki bi Basann aapepel ni na siin Manase aamaal yaab.

Josua 13:31

ki nan ki kpee Gilead aatiŋ ligeln, ki ti kpaan Astarof ni Edrei aatim, muma le nan ye ntikpaam ubɔr Og aanaan ni, ki bi Basann aatiŋ ni. Bi nan di kitiŋ ngbaan mɔmɔk tii Manase aajapɔɔn u bi nan yin u ke Makir na le aamaal ligeln.

Josua 20:8

le Jɔɔdann Aamɔɔl aawipuul wɔb, nteersakpiin mu bi lijool li aapaacham bi taar na, Jeriko aawipuul wɔb na, bi nan nyan Beser aatiŋ ki bi Rubenn aanibol aatiŋ ni na, le ki ki nyan Ramof aatiŋ ki bi Gilead ni, ki bi Gad aanibol aapepel ni na, le ki ki nyan Golann aatiŋ ki bi Basann ni, ki bi Manase aanibol aapepel ni na.

Josua 21:27

Liifai aanibol aaker li nan ye Gesonn aataŋaal pu yaab na mu, bi nan nyan ntim mulee le Manase aanibol aapepel li nan bi liwipuul wɔb na tii bi, muma le nan ye Golann aatiŋ ki nan bi Basann ni na, ki nan ye mbɔbɔryaan aatiŋ kibaa la, ni Beestera aatiŋ, ni mu aamopɔr.

Josua 21:6

Bi nan ban ntim kipiik ni mutaa le tii Gesonn aataŋaal ni aanib. Ntim ngbaan nan bi Isakar, ni Aser, ni Naftali, ni Manase aanibol li nan bi liwipuul wɔb na aapepel ni la.

Josua 9:10

ni waah ŋa Amor yaab aabɔrb bilee bi nan bi Jɔɔdann aawipuul wɔb na pu na: Ubɔr Sihonn u nan ka Hesbonn aatiŋ ni na, ni Ubɔr Og u nan ye Basann yaab aabɔr ki ka Astarof aatiŋ ni na.