1 Bibɔrb Aabɔr 6:57 - Uwumbɔr aagbaŋ

^57-59 Aaronn aayaabitiib le nan yeh ntim mu paa na; Hebronn, kima ponn ni le unii yaa kaa nyi ki peln ku uken kan, u san ti koo na; ni Jatir, ni Libna, ni Estemoa, ni Hilenn, ni Debir, ni Asann, ni Bef Semes aatim, ni mu aamoŋmɔpaan.

1 Bibɔrb Aabɔr 6:57 ပူးပေါင်းရင်းမြစ်များ

1 Bibɔrb Aabɔr 4:17

Esra nan ma mbijabim munaa la. Baayimbil sɔ: Jeter, ni Mered, ni Efer, ni Jalonn. Mered nan yoor Ijipt aabɔr aabisal u bi nan yin u ke Bitia na, le bi nan ma upiibo, ki yin u ke Miriam. Bi nan ma mbijabim bilee mu. Baayimbil le ye Samai ni Isba. Isba le nan naan Estemoa aatiŋ. Mered mu nan yoor Juda aanibol ni aapii la, le bi ma mbijabim bitaa. Baayimbil sɔ: Jered, u nan naan Gedor aatiŋ na, ni Heber, u mu nan naan Soko aatiŋ na, ni Jekutiel, u nan naan Sanoa aatiŋ na.

1 Bibɔrb Aabɔr 6:65

Bi nan ki too inaan le ki yakr ntim mu bi Juda, ni Simeonn, ni Benjaminn aapepel aan ŋaayimbil ŋmee paacham na mu ki tii Liifai yaab.

Josua 10:29

Nee aapuwɔb, le Josua ni waajab nyan Makeda aatiŋ ni, ki buen ti lir Libna aatiŋ mu pu.

Josua 15:42

Mu nan ki kpee na le ye Libna, ni Eter, ni Asann,

Josua 15:48

Ŋigongon aatiŋ, ni ntim mu nan bi nima chee na le nan ye Samir, ni Jatir, ni Soko,

Josua 21:19

Ntim ngbaan mɔmɔk nan kpaan kipiik ni mutaa la, ni mu aamopɔr, bi nan di mu tii bitotoorb bi nan ye Aaronn aayaabitiib na la.