1 Bibɔrb Aabɔr 6:49 - Uwumbɔr aagbaŋ

⁴⁹ Aaronn, ni ujapɔtiib, ni uyaabitiib le nan seer tulalee aayon, ki toor kitork ki joo seer mmii ni, kitork aabimbiln paab. Bima le nan yeh Chain Chain Aapepel ni aadoon, ki toor kitork ki ga cha Uwumbɔr di cha pinn Israel yaab aatunwanbir na. Bi nan ŋani nimina mɔmɔk, Uwumbɔr aatutunn Moses aah nan mɔk pu na la.

1 Bibɔrb Aabɔr 6:49 ပူးပေါင်းရင်းမြစ်များ

1 Bibɔrb Aabɔr 6:48

Biŋeen aatɔtiib Liifai yaab biken le nan tun ŋitun ŋi mɔmɔk gur ki bi, baah dooni Uwumbɔr nin chee na.

Job Aagbaŋ 33:24

Linimbaasaln ni, le ntuun ngbaan ga bui ke, “Di u lii, naa ye ke u buen bitekpiib aatiŋ ni. Saah ga di u lii pu na aapar sɔ.”

Nnyam 29:33

Bi ki ŋmɔ kiwakork ki bi di toor chapinn aatork na aanann. Bitotoorb baanja le ŋeer bi ji tijikaar ngbaan, ba pu? ti ye chain aajikaar la.

Liifai Yaab 1:5

U ga ku unaaja ngbaan nima chee, le Aaronn aamaal bi ye bitotoorb na ga di waasin tii Uwumbɔr, ki di mu yɔk yɔk kitork aabimbiln li si Libool ngbaan aabisamɔb chee na aapepel mɔmɔk ŋinaa pu.

Liifai Yaab 4:20

U ŋa tiwan mɔmɔk unaaja ngbaan pu, ke waah ŋa ubaa aatunwanbir aapiin aanaaja pu pu na. U yaa ŋa kina kan, u toor nyan binib ngbaan aatunwanbir le na, le Uwumbɔr ga di cha pinn bi baatunwanbir.

Nkahm 15:25

Utotoor le ga ŋa kina aatork ki ŋa binib ngbaan mɔmɔk chain, le bi ga kan chapinn, ba pu? baa nyi le ki tun taani ngbaan, le ki mu joo ni titunwanbir aatork aapiin ke ni ye tijikaar aapiin le nan tii Uwumbɔr.

Nkahm 16:16

Moses nan bui Kora ke, “Ni yaa fe woln kichakpiik ni kan, aa ni binib ikui ilee ni piiŋmu bi kpee aa pu na dan Uwumbɔr aanimbiin ni, Waabool aabisamɔb chee; Aaronn mu ga li bi nima.

Ikaal 34:5

Nima pu na, Moses, u nan ye Uwumbɔr aatutunn na, nan kpo Moab yaab aatiŋ ni, Uwumbɔr aah nan siin pu na.

Josua 1:1

Uwumbɔr aatutunn Moses aah nan kpo na aapuwɔb, le Uwumbɔr bui Moses aateter Josua u nan ye Nunn aajapɔɔn na ke,