1 Bibɔrb Aabɔr 6:4 - Uwumbɔr aagbaŋ

⁴ Eleasar aayaabitiib ni uyaabisɔsɔk aayimbil sɔ: Fineas, ni Abisua,

1 Bibɔrb Aabɔr 6:4 ပူးပေါင်းရင်းမြစ်များ

2 Samuel 8:17

le Ahitub aajapɔɔn Sadok, ni Abiatar aajapɔɔn Ahimelek nan ye bitotoorb, Seraya nan ye nnaan ngbaan aagbaŋmeer;

1 Bibɔrb Aabɔr 23:21

Merari nan ma mbijabim mulee la. Bima le nan ye Mali, ni Musi. Mali mu nan ma mbijabim mulee la, Eleasar ni Kis,

1 Bibɔrb Aabɔr 24:26

Merari aayaabitiib, Mali, ni Musi, ni Jaasia.

1 Bibɔrb Aabɔr 6:3

Amram nan ma mbijabim mulee la. Bima le nan ye Aaronn ni Moses. Bininkpan le nan ye Miriam. Aaronn mu nan ma mbijabim binaa la. Baayimbil sɔ: Nadab, ni Abihu, ni Eleasar, ni Itamar.

1 Bibɔrb Aabɔr 6:50

Aaronn aayaabitiib aayimbil sɔ: Eleasar, ni Fineas, ni Abisua,

1 Bibɔrb Aabɔr 9:20

Eleasar aajapɔɔn Fineas nan lik baatuln pu n‑yoonn mbaa, le Uwumbɔr nan bi u chee.

Esra 8:18

Uwumbɔr aageehn pu le bi nan di Liifai aanii u nyi lituln ki nyan ni Mali aataŋaal ni aan bi yin u ke Serebia na tun ni, le ujapɔtiib ni ukpetiib ni unaatiib, binib kipiik ni biniin dii ni u.

Esra 8:2

Fineas aataŋaal ni, Gesom. Itamar aataŋaal ni, Daniel. David aataŋaal ni, Sekania aajapɔɔn Hatus. Paros aataŋaal ni, Sekaria ni bijab nkub ni piiŋmu. Tɔ, biyaajatiib aayimbil aagbaŋ nan bi. Pahaf Moab aataŋaal ni, Serahia aajapɔɔn Eliehoenai, u nan joo bijab ikui ilee la. Satu aataŋaal ni, Jahasiel aajapɔɔn Sekania, ni bijab ikui itaa. Adinn aataŋaal ni, Jonatann aajapɔɔn Ebed, ni bijab piiŋmu. Elam aataŋaal ni, Atalia aajapɔɔn Jesaya, ni bijab imonko itaa ni kipiik. Sefatia aataŋaal ni, Maikel aajapɔɔn Sebadia, ni bijab imonko inaa. Joab aataŋaal ni, Jehiel aajapɔɔn Obadia, ni bijab ikui ilee ni kipiik ni biniin. Bani aataŋaal ni, Josifia aajapɔɔn Selomif, ni bijab nkub ni imonko itaa. Bebai aataŋaal ni, Bebai aajapɔɔn Sekaria ni bijab moninko ni biniin. Asgad aataŋaal ni, Hakatann aajapɔɔn Johanann, ni bijab nkub ni kipiik. Adonikam aataŋaal ni, Elifelet, ni Jewel, ni Semaya, ni bijab imonko itaa. Bimina nan paani puwɔb la. Bigfai aataŋaal ni, Utai, ni Sakur, ni bijab imonko itaa ni kipiik.

Nnyam 6:25

Aaronn aajapɔɔn Eleasar nan yoor Putiel aabisal, le ki ma Fineas. Bi mɔmɔk nan ye Liifai aamaal aayidam la.

Nkahm 25:13

Waah kaa kii ke Israel yaab ki li dooni ubaa ki kpee m pu, ki joo ni chapinn baatunwanbir pu na, u ni waamaal ga li ye bitotoorb le n‑yoonn mɔmɔk.”

Nkahm 31:6

Moses nan cha utotoor Eleasar aajapɔɔn, u bi nan yin u ke Fineas na, di bi buen butɔb ngbaan yaan. Uma le nan joo Uwumbɔr aawan, ni kakaan tiib bi bi joo yin tɔb na.

Josua 14:13

Josua nan mee Uwumbɔr aanyoor ŋa Jefune aajapɔɔn Kaleb pu, le ki di Hebronn aatiŋ tii u, ke ki li ye waatiŋ.

Josua 14:15

Waahr aan nimina nin ŋa kina na, bi nan yin Hebronn aatiŋ ngbaan ke Aba aatiŋ la. Aba le nan ye ŋiwɔk Anak yaab aanikpaan. N‑yoonn ngbaan le Israel yaab aatiŋ nan kan nsuudoon.

Josua 22:13

Le Israel aanib ngbaan nan tun Eleasar aajapɔɔn u bi yin u ke Fineas na, ke u buen Rubenn ni Gad aanibol, ni Manase aanibol ligeln na aanib chee, Gilead aatiŋ ni.

Josua 24:33

Aaronn aajapɔɔn u bi nan yin u ke Eleasar na mu nan kpo, le bi nan di u sub Gibea aatiŋ ki bi nan di ki tii ujapɔɔn Fineas, aan ki bi ŋigongon ni, Efraim yaab aapepel ni na.