1 Bibɔrb Aabɔr 6:34 - Uwumbɔr aagbaŋ

³⁴ ni Elkana, ni Jeroham, ni Eliel, ni Toa,

1 Bibɔrb Aabɔr 6:34 ပူးပေါင်းရင်းမြစ်များ

1 Bibɔrb Aabɔr 23:13

Ujapɔpol Amram le nan ma Aaronn ni Moses. Uwumbɔr le nan nyan Aaronn ni uyaabitiib ke bi li joo Uwumbɔr Aadichal ni aawan ni bi chain na, ki ti saa n‑yoonn mu kaa kpa ndoon na. Bima le nan ki joo tulalee aayon ŋani mmii ni, ki dooni Uwumbɔr, ki tun waatuln na. Bima le mee Uwumbɔr aanyoor ŋani binib pu waayimbil ni.

1 Bibɔrb Aabɔr 24:1

Aaronn nan ma mbijabim munaa la. Baayimbil sɔ: Nadab, ni Abihu, ni Eleasar, ni Itamar.

1 Bibɔrb Aabɔr 24:19

Bi nan ŋmee bijab bimina aayimbil ki paan tɔb pu biyaaja Aaronn aah nan siin pu ke bi li chaa ti tun lituln Uwumbɔr Aadichal ni, ki dii Israel yaab Aadindaan Uwumbɔr aah mɔk pu na la.

1 Bibɔrb Aabɔr 6:33

Ŋidichal ŋi nan yeh lituln limina na aayimbil sɔ: Kohaf aataŋaal ponn ni, Hemann le nan ye njan aalahngaab aasaloln. Ute le nan ye Joel. Waadichal ki ti saa Jakob mɔk aanib aayimbil sɔ: Hemann, ni Joel, ni Samuel,

1 Bibɔrb Aabɔr 6:35

ni Suf, ni Elkana, ni Mahaf, ni Amasai,

2 Bibɔrb Aabɔr 29:11

Njapɔtiib, taa taan man. Nimi le Uwumbɔr lee ke ni li seer tulalee aayon tii u, ki li lolni binib nsan waadoon ni.”

Nnyam 28:1

“Kuun aakpel Aaronn ni ujapɔtiib, Nadab, ni Abihu, ni Eleasar, ni Itamar. Yakr bi Israel yaab biken chee, nima kan, bi ga li tun kitork aatuln tii mi.

Nnyam 30:7

Kichakpiik mɔmɔk ni, n‑yoonn mu Aaronn ti dan u nan toor ki gor karyaa tiib na kan, u ti see tulalee aayon mu nu mɔ na nima chee.

Liifai Yaab 1:7

Le bitotoorb ga toor idɔ paan libimbiln pu ki see i mmii.

Liifai Yaab 1:9

Uja ngbaan finn ponn ni aawan ni ŋitaajal, le utotoor u toor kitork na ga see kitork ngbaan mɔmɔk mmii, libimbiln paab. Tijikaar aapiin kina aaboln nu mɔ Uwumbɔr chee.

Liifai Yaab 16:17

N‑yoonn mu Aaronn koo Chain Chain Aapepel ni, u ti toor aan ki ŋa ni chain, ki ki nya ni na, unii ubaa taa li bi Libool ngbaan ni. N‑yoonn mu u toor ki ŋa ubaa, ni waamaal, ni binib ngbaan chain na,

Liifai Yaab 16:19

U di uŋanbik bɔ nsin ngbaan ni, ki di ngem yɔk yɔk libimbiln ngbaan pu nfum mulole. Kina le u ga ŋa li, ki nyan li Israel yaab aatunwanbir ni, ki ŋa li chain.

1 Samuel 1:1

Uja ubaa nan bi, bi nan yin u ke Elkana, u nyan ni Efraim aamaal ponn ni la, le ki koo Rama aatiŋ ki bi Efraim aatiŋ ki ŋigongon wiir nima na ponn ni. Ute le nan ye Jeroham, le uyaaja mu nan ye Elihu, u nyan ni Tohu aamaal mu ye Suf aataŋaal na.