1 Bibɔrb Aabɔr 5:8 - Uwumbɔr aagbaŋ

⁸ ni Bela u aate nan ye Asas na. Uyaaja le nan ye Sema, u ye Joel aataŋaal ni aanii na. Ntaŋaal mue nan koo Aroer aatiŋ, ni lipepel li bi ŋŋangan wɔb ki ti saa Nebo ni Baal Meonn aatim ni na la.

1 Bibɔrb Aabɔr 5:8 ပူးပေါင်းရင်းမြစ်များ

1 Bibɔrb Aabɔr 5:4

Joel aayaabitiib ni uyaabisɔsɔk aayimbil sɔ: Semaya, ni Gog, ni Simei, ni Maika, ni Reaya, ni Baal, ni Beera. Asiria aabɔrkpaan, u bi nan yin u ke Tiglaf Pileser na, nan chuu Beera, u nan ye binib ngbaan aasaloln na, ki nyan u baatiŋ ni.

Aisaya 15:2

Dibonn yaab jon ligongoln paab ki ti wii kiwaachuk ni. Moab yaab wii Nebo ni Medeba aatim aanib pu; bi kuu biyikpir ni bilangban mpombiin pu.

Aisaya 17:2

Binib ga san cha Siria aatim mɔmɔk. Mu ga li gur ye inaa ni ipiih aah ŋmɔ timoor nin chee, aan ubaa aan san jenn i na la.

Esekiel 25:9

m ga cha bi tak ntim mu bi ki kii Moab aatinaanmɔk na, bi ga kpaan tak Bef Jesimof, ni Baal Meonn, ni Kiriataim aatinyaam na mu.

Nkahm 32:34

Gad yaab nan ki gir maa ntim mu kpa ŋigon ŋi fɔk ki pɔɔ, ki ye Dibonn, ni Atarof, ni Aroer,

Nkahm 32:38

ni Nebo, ni Baal Meonn, bi nan kpeln kitiŋ kee aayimbil, ni Sibma aatim. Baah nan ki gir maa ntim ngbaan na bi nan kpeln mu aayimbil la.

Ikaal 32:49

“Li cha Abarim Aajoo ŋi bi Moab aatiŋ ni ki si tok Jeriko aatiŋ na, aan ki ti jon Nebo Aajool paab, ki lik Kanaann aatiŋ ki m ban m di tii Israel yaab na.

Ikaal 34:1

Moses nan nyan Moab aateer ni, le ki buen Nebo Aajool wɔb, ki ti jon Pisga Aajool li bi Jeriko aawipuul wɔb na. Lijool ngbaan paab, le Uwumbɔr nan mɔk u kitiŋ ngbaan mɔmɔk; u nan mɔk u Gilead aapepel mɔmɔk, ki yoor kina ki ti ker Dann aatiŋ, ŋŋangan wɔb,

Josua 12:2

Ubaa le nan ye Amor yaab aabɔr u bi nan yin u ke Sihonn na, uma le nan jin nnaan Hesbonn aatiŋ ni. Waanaan ngbaan le nan ye Gilead aapepel ligeln, ki nyan Aroer aatiŋ ki bi Anonn Aafataŋ aamɔgben na, ni kitiŋ ki bi kifataŋ ngbaan aakaasisik ni na, ki ti ker Jabok Aamɔɔl li ye Amonn yaab aatiŋ mɔk na,

Josua 13:17

ki ki kpee Hesbonn aatiŋ, ni ntim mu bi lijool li aapaacham bi taar na pu na, bi yin mu ke Dibonn, ni Bamof Baal, ni Bef Balmeonn,