1 Bibɔrb Aabɔr 5:22 - Uwumbɔr aagbaŋ

²² Butɔb ngbaan aah nan ye Uwumbɔr aageehn na, bi nan ku baadim pam. Bi nan gur koo lipepel ngbaan ni le ki ti saa buyoonn baadim nan nyaŋ bi, ki di bi buen kitiyayan ni.

1 Bibɔrb Aabɔr 5:22 ပူးပေါင်းရင်းမြစ်များ

Mpiin 49:19

Sin Gad, saadim ga lir aa pu, le ki joo cha na, sin le ga nyaŋ bi.

2 Bibɔrb 15:29

Peka aah nan ye Israel yaab aabɔr buyoonn na, le Asiria aatiŋ aabɔrkpaan Tiglaf Pileser nyaŋ Ijonn, ni Abel Bef Maaka, ni Janoa, ni Kedes, ni Hasor aatim, ni Gilead, ni Galilee, ni Naftali aapepel, le ki chur binib tinaagbiir buen Asiria aatiŋ ni.

2 Bibɔrb 17:6

nima le nan ye Hosea aanaan aabiwawaer ni, le Siria aatiŋ aabɔrkpaan ti nyaŋ Samaria aatiŋ, le ki chur Israel aanib tinaagbiir buen Asiria aatiŋ ni, le ki ti di bi ponn ni bibaa kaan Hala aatiŋ ni, le ki kaan biken Habor Aamɔɔl chee, Gosann aapepel ni, le ki kaan biken mu Media aatim ni.

1 Bibɔrb Aabɔr 4:41

Ubɔr Hesekia aanaan yoonn, le bijab bi aayimbil ŋmee paacham na nan buen Gerar aatiŋ ni ki ti ber Ham aanib ni Meunn aanib bi koo nima na aaboo. Ipiih aamoŋmɔpaan aah nan bi nima sakpen na, le bi nan jenn nyan binib ngbaan ki gaa nima.

1 Bibɔrb Aabɔr 5:21

Bi nan gaa laakumii tiib ŋichur piiŋmu, ni ipiih ŋichur ikui ilee ni piiŋmu, ki kpee ibon ŋichur ŋilee, le ki chur butɔb aanaagbiib mu ŋichur nkub.

1 Bibɔrb Aabɔr 5:26

Kina pu le Uwumbɔr nan cha Asiria yaab aabɔrkpaan Pul (u bi nan ki yin u ke Tiglaf Pileser na) bɔ baatingbaln ni. U nan chur Rubenn, ni Gad, ni Manase yaab bi bi liwipuul wɔb na tinaagbiir ki di bi ti kaan Hala, ni Habor, ni Hara aatim ni, ni Gosann Aamɔɔl chee.

1 Bibɔrb Aabɔr 6:26

Ahimof aayaabitiib ni uyaabisɔsɔk aayimbil sɔ: Elkana, ni Sofai, ni Nahaf,

2 Bibɔrb Aabɔr 26:7

Uwumbɔr nan ter u, le u nyaŋ Filistia yaab, ni Arab yaab bi koo Gur Baal aatiŋ ni na, ni Meunn yaab.

2 Bibɔrb Aabɔr 32:8

U kpa unibɔn aapɔɔn la, le tima kpa Tidindaan Uwumbɔr u ga ter timi aan ki to butɔb tii timi na.” Binib ngbaan nan kan ntaakpapɔɔn baabɔr aah len pu na chee.

Rom Yaab 8:31

Uwumbɔr aah ŋa kina mɔmɔk na, ti ga len kinye? Uwumbɔr aah si tichaŋ ni na, ubaa aan ŋmaa ŋa timi nibaa.

Josua 23:10

Ni ponn ni unibaan ga ŋmaa nyaŋ binib lichur; ba pu? Nidindaan Uwumbɔr le nyaŋni bi tii nimi, ke waah nan puu pu na.