1 Bibɔrb Aabɔr 5:20 - Uwumbɔr aagbaŋ

²⁰ Bi nan di baanaadii tii Uwumbɔr la, le ki mee u ki ban nterm. Le Uwumbɔr nan kii baameel ki cha bi nyaŋ Hagar yaab ni bimaantɔtiib.

1 Bibɔrb Aabɔr 5:20 ပူးပေါင်းရင်းမြစ်များ

Mpiin 25:21

Rebeka aah nan bi ki yunn kaa ma pu na, le uchal Aisak nan mee Uwumbɔr tii u. Le Uwumbɔr nan ŋun waameel ngbaan ki cha Rebeka dek lipuul.

Mpiin 49:19

Sin Gad, saadim ga lir aa pu, le ki joo cha na, sin le ga nyaŋ bi.

1 Bibɔrb 22:32

Kina pu na, baah nan ti kan Ubɔr Jehosafat na, bi mɔmɔk nan dak ke Israel yaab aabɔr le na, le bi fenn ke bi ti lir u pu. Tɔ, u nan teen mpɔɔn pu,

1 Bibɔrb Aabɔr 5:21

Bi nan gaa laakumii tiib ŋichur piiŋmu, ni ipiih ŋichur ikui ilee ni piiŋmu, ki kpee ibon ŋichur ŋilee, le ki chur butɔb aanaagbiib mu ŋichur nkub.

1 Bibɔrb Aabɔr 5:22

Butɔb ngbaan aah nan ye Uwumbɔr aageehn na, bi nan ku baadim pam. Bi nan gur koo lipepel ngbaan ni le ki ti saa buyoonn baadim nan nyaŋ bi, ki di bi buen kitiyayan ni.

2 Bibɔrb Aabɔr 13:18

Juda aanib aah nan di bibaa tii biyaajatiib Aadindaan Uwumbɔr na, le bi nan nyaŋ Israel yaab ngbaan.

2 Bibɔrb Aabɔr 18:31

Kina pu na, baah nan ti kan Ubɔr Jehosafat na, bi nan dak ke Israel yaab aabɔr le na, le bi fenn ke bi ti lir u pu. Le Jehosafat nan teen mpɔɔn pu, le Uwumbɔr gaa u lii, le bi fenn cha, kaa ki tak u.

2 Bibɔrb Aabɔr 20:12

Sin le ye timi Aawumbɔr. Taa kpa nterm mubaa butɔb aajapaak ki bi tak timi na chee, kina pu na, daa bitafal. Taa nyi taah ga ŋa pu na, ti tee lik sin pu, le ki ban nterm.”

2 Bibɔrb Aabɔr 26:7

Uwumbɔr nan ter u, le u nyaŋ Filistia yaab, ni Arab yaab bi koo Gur Baal aatiŋ ni na, ni Meunn yaab.

2 Bibɔrb Aabɔr 33:13

Uwumbɔr nan kii waameel ki cha u gir kun Jerusalem ki ti ki joo waanib. Nimina le nan cha Manase bee ke Uwumbɔr le ye Udindaan.

Esra 8:23

Ti nan lul bumɔb ki mee Uwumbɔr ke u li kii timi, le u kii timi aameel ngbaan.

Ilahn 37:39

Uwumbɔr le gaal binib bi ŋan na lir, le ki kii bi tibɔbir aayoonn.

Ilahn 37:40

U ter bi le ki gaal bi lir; u gaal bi bibiindam chee lir, ba pu? bi chaa u chee ti ban nterm.

Ilahn 46:1

Uwumbɔr le ye timi aakikiir, ni timi aapɔɔn, tibɔr aayoonn mɔmɔk kan, u gor le ki ter timi.

Ilahn 9:10

Uwumbɔr, binib bi nyi si na ga tii si naadii; Saa siir cha umɔk dan aa chee na.

Nnyam 17:11

N‑yoonn mu Moses yoor uŋaal paacham na, le Israel yaab nyaŋni, n‑yoonn mu uŋaal ti jɔnn taab na kan, le Amalek yaab mu nyaŋni Israel yaab.

Ŋiyataŋak 29:25

Aa yaa dii binib aah dak aa pu pu na kan, naa ŋan. Aa yaa tii Uwumbɔr naadii kan, le aa ŋmar.

Jeremia 39:18

M ga li kii si, le baan ku si. Saah kii tii mi pu na le ga cha aa ŋmar. Min Uwumbɔr le len kina.”

Daniel 6:23

Ni nan mɔɔr ubɔr ni ti nyaŋ, le u bui ke bi daa nyan ni Daniel mbuu ngbaan ni. Le bi daa nyan ni u ki kan ke nibaa aa ŋa u; ba pu? u nan gaa kii ke Uwumbɔr ga nyan u.

Nahum 1:7

Uwumbɔr ŋan; waanib yaa bi tibɔr ni kan, u kii bi; le ki lik binib bi fenn buen u chee ki ban nterm na pu.

Efesusi 1:12

U nyan timi bi puen kpa limakl Kristo pu na, ke ti li mɔk binib waah ŋan sakpen pu na, aan bi pak u.

Josua 10:14

Yaajayoonn ki nyan liyaadaal ngbaan, ki nan saa din wee na, nwiin mbaa aa ki bi ke liyaadaal ngbaan na, liyaadaal ngbaan le Uwumbɔr kii unibɔn aamɔboln. Uwumbɔr le nan si Israel yaab pu ki ton butɔb ngbaan tii bi.

Josua 10:42

Josua nan nyaŋ bibɔrb ngbaan mɔmɔk, ni baatim, waah nan ton butɔb dii nfum mbaa pu na, ba pu? Israel yaab Aadindaan Uwumbɔr le nan ton butɔb ngbaan tii Israel yaab.

Josua 23:10

Ni ponn ni unibaan ga ŋmaa nyaŋ binib lichur; ba pu? Nidindaan Uwumbɔr le nyaŋni bi tii nimi, ke waah nan puu pu na.

1 Samuel 19:15

Le Sɔɔl ki giin ni bi, ke bi nan kan David bibaa. U nan bui bi ke, “Ti li joo ni u tiwandookaan ngbaan pu man, aan m nan ku u.”

1 Samuel 7:12

Samuel nan yoor litakpal ki di ŋum Mispa ni Senn aakaasisik ni, ki bui ke, “Uwumbɔr le ter timi ki nan saa din,” le ki yin li ke, “Nterm Aatakpal.”