1 Bibɔrb Aabɔr 4:41 - Uwumbɔr aagbaŋ

⁴¹ Ubɔr Hesekia aanaan yoonn, le bijab bi aayimbil ŋmee paacham na nan buen Gerar aatiŋ ni ki ti ber Ham aanib ni Meunn aanib bi koo nima na aaboo. Ipiih aamoŋmɔpaan aah nan bi nima sakpen na, le bi nan jenn nyan binib ngbaan ki gaa nima.

1 Bibɔrb Aabɔr 4:41 ပူးပေါင်းရင်းမြစ်များ

1 Bibɔrb Aabɔr 3:13

ni Ahas, ni Hesekia, ni Manase,

1 Bibɔrb Aabɔr 4:33

ni ntimbim mu bi gob ki ti saa Baalaf aatiŋ ki bi liwilir aaŋangii wɔb na ni. Baah nan ŋmee baadichal, ni baah nan koo koo ntim mu ponn ni na aabɔr pu na sɔ:

1 Bibɔrb Aabɔr 5:22

Butɔb ngbaan aah nan ye Uwumbɔr aageehn na, bi nan ku baadim pam. Bi nan gur koo lipepel ngbaan ni le ki ti saa buyoonn baadim nan nyaŋ bi, ki di bi buen kitiyayan ni.

2 Bibɔrb Aabɔr 14:15

Bi nan ki tak biwakodam bibaa baakakaa ni, ki gaa ipiih ni laakumii tiib pam, le ki gir kun Jerusalem ni.

2 Bibɔrb Aabɔr 20:1

Ni nan joo cha le Moab ni Amonn yaab, ki di kpee bimaantɔtiib bi ye Meunn yaab na aajab buen ti koo Juda aatiŋ ni.

2 Bibɔrb Aabɔr 26:7

Uwumbɔr nan ter u, le u nyaŋ Filistia yaab, ni Arab yaab bi koo Gur Baal aatiŋ ni na, ni Meunn yaab.

Jeremia 49:20

Kina pu na, li pel maah kpokl Edom aanib pu nkpokl mu na, ni maah ban ke m ŋa Temann aatiŋ aanib pu na. Bi ga kpaan dar baabim mu buen, le kina chuu unii mɔmɔk ijawaan.

Lituln 17:26

Njan u nan naan uja ubaa, uma le ye ŋinibol mɔmɔk aayaaja. Uma Uwumbɔr le cha ŋinibol mɔmɔk bi dulnyaa wee mɔmɔk ponn ni. U nan siin n‑yoonn mu binib mɔmɔk ga li bi na, ki siin nin chee bi mɔmɔk ga li bi na.

Bibɔjirb 10:12

ni Saidonn yaab, ni Amalek yaab, ni Maonn yaab nan muk nimi n‑yaayoonn na, le ni wii yin mi. Maa nan gaa nimi lii ii?