1 Bibɔrb Aabɔr 4:10 - Uwumbɔr aagbaŋ

¹⁰ Tɔ, Jabes nan mee Israel yaab Aawumbɔr ke, “Uwumbɔr, ŋa saanyoor ŋa m pu, ki tii mi kitiŋ ki wiir na. Li bi m chee, ki nyan mi kinimbɔŋ aawan nimɔk ga ŋmaa tii mi iween na ni.” Le Uwumbɔr nan tii u waah mee ki ban tiwan ni na.

1 Bibɔrb Aabɔr 4:10 ပူးပေါင်းရင်းမြစ်များ

Mpiin 12:2

M ga cha aa maa ki pɔr pam, le saamaal ga ŋa linibokpaan. M ga ŋa tinyoor ŋa aa pu, le aa ga li kpa liyimbil, le aa pu, binib ga kan tinyoor m chee.

Mpiin 12:8

Nimina aapuwɔb, le u ki fii ki buen ŋŋangii wɔb, ki ti fuu ŋijoo aatiŋ ki bi Betel aawipuul wɔb na, ki kal Betel ni Ai aakaasisik ni. Betel nan bi liwilir wɔb, Ai mu nan bi liwipuul wɔb. Nima chee mu u nan ki maa kitork aabimbiln, le ki toor kitork ki doon Uwumbɔr.

Mpiin 28:20

Le u nan puu tipuur nima chee ki tii Uwumbɔr ke, “Sin Uwumbɔr yaa ga li bi m chee, ki joo mi maasachuln ni, ki ga tii mi tijikaar ni tiwanpeenkaan,

Mpiin 28:21

ki cha m gir kun nte do laafee kan, sin le ga li ye Maawumbɔr.

Mpiin 32:26

Le ntuun ngbaan bui u ke, “Ni ban ni woln la, di mi lii, aan m li cha.” Le Jakob bui u ke, “Maan cha aa buen, see aa ŋa tinyoor ŋa m pu.”

Mpiin 32:27

Ntuun ngbaan nan baa u ke, “Bi yin si ke ba?” Le u bui ke, “Jakob.”

Mpiin 32:28

Le ntuun ngbaan bui ke, “Saah mɔn ki nyaŋ Uwumbɔr ni unibɔn na, nima pu na, bi ga li gur yin si ke Israel la, baan ki yin si ke Jakob.”

Mpiin 33:20

Le Jakob maa libimbiln ki toor kitork ki doon Uwumbɔr nima chee, le ki yin nima ke, El Elohe Israel.

Mpiin 48:16

Cha Uwumbɔr aatuun u gaa mi tibɔbir mɔmɔk ni lii na ŋa tinyoor ŋa bi pu. Cha maayimbil, ni ntetiib Abraham ni Aisak aayimbil li kpa yimbipur bi pu. Cha bi kan mbim ni yaabitiib pam.”

1 Bibɔrb Aabɔr 16:8

Di idoon tii Uwumbɔr, moon waah kpa mpɔɔn pu na man; bui ŋitimbol waah tun ŋitun ŋi na man.

1 Bibɔrb Aabɔr 4:11

Suha aakpel Kaleb nan ma ubijabo ubaa, le ki yin u ke Mehir. Mehir le nan ma Estonn,

1 Bibɔrb Aabɔr 4:9

Uja ubaa nan bi, bi nan yin u ke Jabes. Waamaal ni aanib mɔmɔk nan lik pak uma baanja la. Waamar nan wu sakpen, nima le una nan yin u ke Jabes.

Job Aagbaŋ 12:4

Njɔtiib bibaa gur laa mi la; maa kpa taani, le maabimbin ŋan, le bi laa mi. Uwumbɔr nan tee kii maameel n‑yoonn mubaa.

Ilahn 119:173

Maah dii saakaal pu na, gor n‑yoonn mɔmɔk ki ter mi.

Ilahn 121:7

Uwumbɔr ga li kii si linimaln mɔmɔk ni, u ga li joo si, nibaa taa pii si.

Ilahn 145:19

U tii binib bimɔk nyuŋni u na baah ban pu na; u ŋun baawiil le ki nyani bi tibɔr ni.

Ilahn 21:4

U mee si limɔfal, le aa tii u limɔfal li fɔk kaa kpa ndoon na.

Ilahn 51:12

Gaa mi lii, aan m ki kan mpopiin, ki cha m li ye unii u keei saamɔb na,

Ilahn 51:8

Cha mpopiin ni mmɔɔn gbiin mi, le saah kool mi doo pu na nsui ga ki piir.

Ilahn 55:16

Le m yin Tidindaan Uwumbɔr ke u ter mi, le u ga gaa mi lii.

Ilahn 65:2

ba pu? aa keei limeel mɔmɔk.

Ilahn 72:17

Taa cha ubɔr aayimbil kuln; cha waayimbil yunn ke nwiin aah ga yunn pu na. Cha bi mee Uwumbɔr aan u ŋa tinyoor ŋa bi pu ke waah ŋa tinyoor ŋa ubɔr pu pu na.

Ilahn 99:6

Moses ni Aaronn le nan ye waatotoorb, le Samuel nan ye unii u mee u na; bi nan yin Uwumbɔr, le u kii baayim ngbaan.

Ŋiyataŋak 10:22

Uwumbɔr aanyoor le tii si liwankpal. Aabaa aatusakpeln aan ŋmaa ŋa si uwankpadaan.

Ŋiyataŋak 30:8

Nyan mi inyamɔn ni, ki cha m taa li kpa, ki taa li ye ugiin mu. Kina pu na, tii mi maah ban tijikaar pu na mɔk.

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 41:17

Buyoonn bigiim bi kaa kpa nibaa na ban nnyun kaa kan na, aan nnyunyuu joo bi na, le bineen kuur, n‑yoonn ngbaan le min Uwumbɔr ga kii baameel; min, Israel yaab Aawumbɔr, aan san cha bi.

Jeremia 33:3

“Yin mi, le m ga kii si; m ga bui si tibɔkpaan ni iwaan aawan ni saan nyi naabɔr na.

Matiu 26:75

Le Piita teer Yesu aah ba tuk u pu na ke, “Aa ga len nfum mutaa ke saa nyi mi, le ukooja nin wii.” Piita nan nyan lipaal, ki ti wii sakpen.

Matiu 6:13

Taa cha ti kan ntɔŋ. Nyan timi kinimbɔŋ aaŋaal ni. [Si le yeh nnaan, ni mpɔɔn, ni mpakm n‑yoonn mu kaa kpa ndoon na.’]

Tibɔnyaan ti Luk ŋmee ti na 19:42

ki bui ke, “Jerusalem aatiŋ aanib, ni yaa ba nyi nsuudoon aasan din kan, ni ba ga li ŋan ki tii nimi. Dandana wee, mu bɔr ke ninimbil taa li waa mu.

Jɔnn 10:28

M tii maanib limɔfal li kaa kpa ndoon na. Baan kpo, ubaa mu aan ŋmaa nyan bi ŋŋaal ni.

Jɔnn 21:17

le ki ki baa u taataa, “Simonn, Jɔnn aajapɔɔn, aa gee mi ii?” Le Simonn Piita aasui bii; ba pu? u nan baa u nfum mutaa mɔk, “Aa gee mi ii?” Le u bui u, “Ndindaan, aa nyi tiwan mɔmɔk. Aa nyi ke m gee si.” Le Yesu bui u, “Kpiin maapiih.

Lituln 3:26

Nima pu na, Uwumbɔr nan nyan Waabo, ki nan tun ni u ni chee njan, ke u nan ŋa nimi tinyoor; u cha ni di cha nimi aatunwanbir; tinyoor ngbaan le na.”

Rom Yaab 12:9

Tɔ, ni li gee binib nisui ni. Ni li nan lituln li kaa ŋan na, ki li gee lituln li ŋan na.

Rom Yaab 16:19

Nimi ma kan, binib mɔmɔk nyi naah kii Yesu Kristo aamɔb pu na. Nima le m kpa ni pu mpopiin sakpen. M ban ke ni li kpa nlan ki li tun lituln li ŋan na, ki li bi chain, ki taa li tun lituln li kaa ŋan na.

1 Korenti 1:2

tii Uwumbɔr aanib bi bi Korint aatiŋ ni na. Uwumbɔr Aafuur Nyaan ŋa nimi bininyaam Yesu Kristo pu, ki yin nimi ke ni li ye waaninyaam, ni binib bimɔk yin Tidindaan Yesu Kristo aayimbil ntim mɔmɔk ni na. U ye Bidindaan, ni ti mu Aadindaan.

Efesusi 1:3

Cha ti pak Uwumbɔr, u ye Tidindaan Yesu Kristo Aate na. Taah kpaan Kristo ni na, le Uwumbɔr ŋa tinyoor ŋa ti pu, ki tii timi Waafuur Nyaan aapiin mɔmɔk paacham.

Efesusi 3:20

Waapɔɔn aah bi tisui ni ki tun lituln pu na, u ga ŋmaa ŋa sakpen tii timi ki jer taah dak pu na bee taah ga mee u pu na.

Efesusi 4:30

Ni taa ŋani tiwan ni ga tii Uwumbɔr Aafuur Nyaan mpombiin. Nfuur Nyaan ngbaan ye kidaan, le Uwumbɔr di daan nimi, ki mɔk ke uma le yeh nimi. N‑yoonn mbaa bi ki choo, u ga nan gaa nimi lii kookoo.

2 Timoti 4:18

Tidindaan ga nyan mi binib aah ban bi ŋa mi bakaa u na mɔmɔk ponn ni. U ga biin m pu ki li joo ni mi waanaan ni paacham. Uma le yeh nnyuŋ n‑yoonn mu kaa kpa ndoon na. Amii.

Tibɔkpiirkaan 3:19

Maah gee binib bimɔk na, m sur bi ki dar bitafal. Nima pu na, cha ninimbil li man aan ni kpeln nimi aabimbin man.

1 Samuel 1:17

Le Eli bui u ke, “Li cha ni nsuudoon, aan Israel yaab Aawumbɔr tii si saah mee u tiwan ni na.”

1 Samuel 1:20

Kina pu na, ni nan ye le ke u di dek, ki maa ubijabo. U nan yin u ke Samuel, le ki kpiir len ke, “M mee u Uwumbɔr chee la.”

1 Samuel 1:26

Le Hana bui u ke, “Gafara, maaninkpel. Aa bee mi ii? Min le ye upii u aa nan kan u si do ki bi mee Uwumbɔr na.

1 Samuel 1:27

M nan mee u ubo wee la, le u tii mi maah ban pu na.