1 Bibɔrb Aabɔr 3:19 - Uwumbɔr aagbaŋ

¹⁹ Pedaya nan ma mbijabim mulee la. Bima le nan ye Serubabel ni Simei. Serubabel mu nan ma mbijabim mulee la, Mesulam ni Hanania. U nan ma upiibo ubaa mu, ki yin u ke Selomif.

1 Bibɔrb Aabɔr 3:19 ပူးပေါင်းရင်းမြစ်များ

1 Bibɔrb Aabɔr 3:18

ni Malkiram, ni Pedaya, ni Senasar, ni Jekamia, ni Hosama, ni Nedabia.

1 Bibɔrb Aabɔr 3:20

U nan ki ma mbijabim biŋmu biken, Hasuba, ni Ohel, ni Berekia, ni Hasadia, ni Jusab Hesed.

Esra 2:2

Binib bi nan ye baasalolm na le nan ye Serubabel, ni Josua, ni Nehemia, ni Seraya, ni Reelaya, ni Modekai, ni Bilsann, ni Mispar, ni Bigfai, ni Rehum, ni Baana.

Esra 3:2

le Jehosadak aajapɔɔn Josua, ni bitotoorb biken, ni Sealtiel aajapɔɔn Serubabel, ni udo yaab, kpaan ki ki gir maa bima Israel yaab Aawumbɔr aatork aabimbiln, aan bi ki ŋmaa di kitork aanann see mmii ni li pu, ke Uwumbɔr aanii Moses Aakaal aagbaŋ aah nan mɔk pu na.

Hagai 1:1

Darius aah nan ye Pesia aabɔrkpaan ki ti saa ŋibin ŋilee pu na aaŋmaloob aawiin mbaa daal, le Uwumbɔr nan cha waabɔnabr Hagai len tibɔr timina. Tibɔr ngbaan nan ye Juda aayidaan Serubabel u nan ye Sealtiel aajapɔɔn na, ni Utotoorninkpel Josua u nan ye Jehosadak aajapɔɔn na aabɔr la.

Hagai 2:2

U nan bui Hagai ke u len Juda aayidaan Serubabel, ni Utotoorninkpel Josua, ni binib ngbaan chee ki bui bi ke,

Hagai 2:4

Tɔ, Serubabel, cha aataakpab pɔɔk; Utotoorninkpel Josua, aa mu cha aataakpab pɔɔk; nimi bimɔk bi kitiŋ ngbaan ni na, cha nitaakpab pɔɔk. Min Uwumbɔr Mpɔɔnsakpiindaan bi ni chee, kina pu na, li tun lituln ngbaan man.

Matiu 1:12

Baah chuu bi ki di buen Babiloŋ ni na, nee aapuwɔb le Jekonia ma Sealtiel, Sealtiel mu ma Serubabel,