1 Bibɔrb Aabɔr 29:3 - Uwumbɔr aagbaŋ

³ M ki tii ni jer nimina mɔmɔk na, nima le ye tikunabr ni salmaa. Maah gee Uwumbɔr Aadichal sakpen pu na, le m nyan nima mbaa aawan ponn ni tii.

1 Bibɔrb Aabɔr 29:3 ပူးပေါင်းရင်းမြစ်များ

2 Bibɔrb 12:4

Joas nan yin ni bitotoorb le ki nan bui bi ke bi li bilni ŋimombil ŋi ye Uwumbɔr Aadichal ponn ni aapiin na, ŋima le ye n‑yoonn mɔmɔk aatork aapar, ni ŋimombil ŋi binib nan tii ipiin na.

1 Bibɔrb Aabɔr 21:24

Tɔ, ubɔr nan yii ki bui u ke, “Aayii, m ga pa si li pu la. Maan di tiwan ni ye saawan na tii Uwumbɔr. Maan di tiwan ni maa pan ni pu na toor kitork tii u,”

1 Bibɔrb Aabɔr 29:2

M pɔɔn mbaa ki ban Uwumbɔr Aadichal ngbaan aawanbankaan. Nima le ye salmaa, ni tikunabr, ni tikumann, ni tikur, ni idɔ, ni ŋitakpanyaan aabɔŋ aabɔŋ, ni ŋitakpapiin.

1 Bibɔrb Aabɔr 29:4

Maah tii salmaa bamɔnn u na ga pii ndibim bɔtɔ lichur, ni tikunabr bamɔnn ti mu ga pii ndibim bɔtɔ ŋichur ŋilee ni imonko ilee ke bi nan di toor Uwumbɔr Aadichal aagon,

Ilahn 26:8

Uwumbɔr, m gee saah koo lidichal li ponn ni na, nin chee saapak bi na,

Ilahn 27:4

M mee Uwumbɔr tiwan nibaa la; tiwan nibaa baanja le m ban, ke m li bi Uwumbɔr Aadichal ni n‑yoonn mɔmɔk ki mee u, u mɔk mi waasan, aan waaŋann li ye iwaan aawan m chee.

Ilahn 84:1

Uwumbɔr Mpɔɔnsakpiindaan, m gee Saadichal sakpen.

Ilahn 84:10

M yaa bi Saadichal ponn ni nwiin mubaa kan, ni ŋan jer ke m li bi nibaa chee iwiin lichur; m yaa si Maawumbɔr Aadichal aabisamɔb kan, ni soor ni ke m li koo bibiindam do.

Nnyam 25:2

“Tuk Israel yaab ke bi tii mi ipiin, uja mɔk aah kpa pu u tii na, u li joo ni.

Tibɔnyaan ti Luk ŋmee ti na 7:5

U gee timi aanib, ki maa mmeen aadiik tii timi.”