1 Bibɔrb Aabɔr 29:16 - Uwumbɔr aagbaŋ

¹⁶ Tidindaan Uwumbɔr, ti kuun liwangol limina mɔmɔk ke ti nan di maa lidichal ki nyuŋ saayimbil li bi chain na la. Tɔ, ni mɔmɔk mu tee nyan ni sin chee la, le ki ye sin yaan.

1 Bibɔrb Aabɔr 29:16 ပူးပေါင်းရင်းမြစ်များ

1 Bibɔrb Aabɔr 29:14

“Tiwan mɔmɔk nyan ni sin chee la, le m ni maanib aan ŋmaa tii si nibaa. Saah tii timi ni na le ti ki joo giin ni tii si.

1 Bibɔrb Aabɔr 29:15

Uwumbɔr, aa nyi ke ti bi limɔfal lee ponn ni ke biwɔwɔm ni bicham na, ke tiyaajatiib aah nan bi pu na la. Timi aamɔfal aawiin naahn kijunjuŋ ki jer cha na la, le taa ŋmaa minn nkun.

1 Bibɔrb Aabɔr 29:17

M nyi ke aa tɔŋni unii mɔk aasui lik, le aasui piin binib bi aabimbin ŋan na pu. Mbimbinyaan ni ngeehm ponn ni le m di nsui mɔmɔk tii si nimina mɔmɔk ki kan ke binib bi mɔmɔk kuun do na kpa mpopiin le ki joo ni si ipiin.

2 Bibɔrb Aabɔr 31:10

le Utotoorninkpel Asaria, u nan ye Sadok aayaabil na bui u ke, “Binib ngbaan aah piin ki joo ni ipiin ngbaan Uwumbɔr Aadichal ni na, tijikaar pam bi le ti ji, le ti gur na wiir sakpen a. Uwumbɔr aah ŋa tinyoor ŋa waanib pu na le cha ti kpa nimina mɔmɔk.”

Ilahn 24:1

Uwumbɔr le yeh dulnyaa, ni tiwan nimɔk bi u ponn ni na; kitiŋ kee, ni bi mɔmɔk bi ki pu na ye u yaab la.

Hosea 2:8

Waan kii daalbaadaal ke ni ye mi le tii u tijikaar, ni ndaan, ni olif aakpan, ni tikunabr, ni salmaa u mɔmɔk u joo dooni liwaal Baal na.

Hagai 2:8

Dulnyaa wee aakunabr ni salmaa mɔmɔk ye min yaan la.

Tibɔnyaan ti Luk ŋmee ti na 19:16

Le njan yoo dan nan bui u, ‘Ndindaan, saah nan tii mi limombil libaa li na, m kan tinyoor ŋimombil kipiik ki kpee.’