1 Bibɔrb Aabɔr 29:12 - Uwumbɔr aagbaŋ

¹² Nkam ni liwankpal mɔmɔk nyan ni sin chee la, le aa joo saapɔɔn joo tiwan mɔmɔk, le ki ga ŋmaa cha unii mɔmɔk kan liyimbil ni mpɔɔn.

1 Bibɔrb Aabɔr 29:12 ပူးပေါင်းရင်းမြစ်များ

1 Bibɔrb Aabɔr 29:13

Tɔ, timi Aawumbɔr, ti doon si, le ki pak saayimbil li kpa kipak na.

2 Bibɔrb Aabɔr 1:12

M ga tii si nlan ni ichiin; ki ki kpee na, m ga ki tii si liwangosakpeln, ni nkam, ni liyimbil ki jer ubɔr umɔk puen si jin nnaan na, ni bi kaa kee jin na.”

2 Bibɔrb Aabɔr 16:9

Uwumbɔr aanimbil waa dulnyaa wee mɔmɔk, le ki tii binib bi aasui bi u ni na mpɔɔn. Aa tun kijɔrk aatuln la, kina pu na, ki nyan n‑yoonn mue ki joo cha, aa ni butɔb le ga li bi.”

2 Bibɔrb Aabɔr 20:6

Le Ubɔr Jehosafat buen ti sil binimbiin ni, ki mee Uwumbɔr mpɔɔn pu ke, “Uwumbɔr, tiyaajatiib Aawumbɔr, sin le bi paacham ki joo ŋitimbol mɔmɔk dulnyaa wee ni. Aa ye Mpɔɔnsakpiindaan u ubaa aan ŋmaa kpak si na la.

2 Bibɔrb Aabɔr 32:29

Ki kpee nimina mɔmɔk pu na, Uwumbɔr nan tii u tiwakor, ni liwangol liken sakpen, le u maa ntim sakpen.

Job Aagbaŋ 42:10

Tɔ, Job aah nan mee Uwumbɔr tii ujɔtiib bitaa ngbaan doo na, le Uwumbɔr ki tii u liwangol, ki tii u nfum mulee pu waah nan kpa pu na.

Job Aagbaŋ 9:19

M di linimaln mɔk Uwumbɔr aa? M di u buen bibɔjirb chee ee? Ubaa ga ŋmaa cha u buen aa?

Ilahn 103:19

Uwumbɔr di waabɔrjal siin paacham; uma le ye unibɔn ni tiwan mɔmɔk aabɔr.

Ilahn 28:8

Uwumbɔr kii waanib la; u ter waah lee ubɔr u na, le ki gaal u lir.

Ilahn 29:1

Nimi paacham yaab, pak Uwumbɔr man, pak waapɔɔn ni waanyuŋ man.

Ilahn 29:11

Uwumbɔr le tii waanib mpɔɔn, ki ŋani tinyoor ŋani bi pu, ki tii bi nsuudoon.

Ilahn 62:11

M ŋun ni jer nfum mubaa Uwumbɔr len ke mpɔɔn ye uyaan la,

Ilahn 62:12

ki ki len ke waageehm bi n‑yoonn mɔmɔk. Uwumbɔr, si aabaa le pa unii waatuln aah ŋeer pu na.

Ŋiyataŋak 10:22

Uwumbɔr aanyoor le tii si liwankpal. Aabaa aatusakpeln aan ŋmaa ŋa si uwankpadaan.

Ŋiyataŋak 8:18

M kpa liwankpal ni kinyuŋ, ni liwangol li kaan doo na, ni ibamɔn m tii nimi.

Ulandaan 5:19

Uwumbɔr yaa tii unii likpal ni liwangol ki cha u ji naamɔɔn kan, u li dooni u, ki ji waah tun ki kan pu na aamɔɔn. Ni ye Uwumbɔr aapiin la.

Aisaya 40:29

U pɔɔk binib bi bak aan biwon yɔl na aataakpab.

Aisaya 43:13

M ye Uwumbɔr la, ki ga li ye kina n‑yoonn mɔmɔk. Ubaa aan ŋmar maapɔɔn chee; ubaa aan ŋmaa kpeln maah ban m ŋa pu na.”

Aisaya 45:24

Bi ga len ke min baanja pu le unii ga ŋmaa kan linyaŋ ni mpɔɔn; le bimɔk gee m pu liŋuul na ga ji inimɔɔn.

Aisaya 46:10

Mpiin na le m nan len tiwan ni ga dan na; n‑yoonn mu jer na m nan len tiwan ni ga ŋa na. M nan len ke maalandak aan bee yɔli, ke m ga ŋa maah dak pu na mɔmɔk.

Daniel 2:20

“Uwumbɔr kpa nlan ki pɔɔ sakpen. Li pak u n‑yoonn mɔmɔk man.

Daniel 6:26

Min le len ke maanaan mɔmɔk ni, binib mɔmɔk li san ki pak Daniel Aawumbɔr. U ye Uwumbɔr u kpa limɔfal na la, le u ga li joo dulnyaa ki ti saa n‑yoonn mu kaa kpa ndoon na. Ubaa aan ŋmaa bii waanaan, le waapɔɔn mu aan ŋmaa doo.

Matiu 28:18

Le Yesu bui bi, “Uwumbɔr tii mi mpɔɔn mɔmɔk, paacham ni taab.

Jɔnn 19:11

Le Yesu bui u, “Uwumbɔr yaa kaa tii si mpɔɔn kan, saan ŋmaa li kpa mpɔɔn ki ŋa mi nibaa. Nima pu na, unii u di mi ŋa aaŋaal ni na, waatunwanbir jer siyaan.”

Efesusi 3:16

Waah kpa mpɔɔn sakpen pu na, le m mee u ke u tii nimi mpɔɔn nisui ni, Waafuur Nyaan pu,

Efesusi 3:20

Waapɔɔn aah bi tisui ni ki tun lituln pu na, u ga ŋmaa ŋa sakpen tii timi ki jer taah dak pu na bee taah ga mee u pu na.

Ikaal 8:18

Ni teer ke Nidindaan Uwumbɔr le ŋa nimi biwankpadam; waah nan puu tipuur ti tii niyaajatiib na, le u beenin joo ti, ki ŋa kina.

Filipi 4:13

Kristo aah tii mi mpɔɔn mu na, m ga ŋmaa ŋa tiwan mɔmɔk.

Kolosiya 1:11

Ti mee u tii nimi ke waah kpa mpɔɔn sakpen pu na, u tii ni mu mpɔɔn, aan ni li kpa limɔr falaa ponn ni n‑yoonn mɔmɔk, ki li kpa mpopiin,

Josua 4:24

Nima pu na, binib mɔmɔk bi bi dulnyaa wee ni na ga bee Uwumbɔr aapɔɔn aah bi pu na, le ni ga li nyuŋni Nidindaan Uwumbɔr ki cha n‑yoonn mu kaa kpa ndoon na.”

Tibɔkpiirkaan 11:17

ki len ke, “Tidindaan Uwumbɔr, u yeh mpɔɔn mɔmɔk, ki nan bi, ki beenin bi na, ti dooni si; ba pu? aa di saapɔɔn sakpiin ki joo dulnyaa wee.