1 Bibɔrb Aabɔr 29:11 - Uwumbɔr aagbaŋ

¹¹ Nnaan, ni mpɔɔn, ni kipak, ni kinyaan ye sin yaan la. Sin le yeh tiwan nimɔk bi paacham ni taab na, le aa ye ubɔr u jer bitinjoob mɔmɔk na.

1 Bibɔrb Aabɔr 29:11 ပူးပေါင်းရင်းမြစ်များ

Mpiin 1:1

Mpiin na Uwumbɔr nan naan kitiŋ,

Mpiin 14:19

le ki ŋa tinyoor ŋa u pu, ki bui ke, “Uwumbɔr u kaa kpa ŋeen aatɔ, ki naan paacham ni kitiŋ na, ŋa tinyoor ŋa Abram pu.

Mpiin 14:22

Le Abram bui u ke, “M puu tipuukpaan, Tidindaan Uwumbɔr u kaa kpa ŋeen aatɔ, ki naan paacham ni kitiŋ na aanimbiin ni,

1 Bibɔrb Aabɔr 29:10

Binib bi nan kuun ni na aanimbiin ni, le Ubɔr David nan pak Uwumbɔr. U nan bui ke, “Uwumbɔr, tiyaaja Jakob Aawumbɔr, kipak ye sin yaan le ki ti saa n‑yoonn mu kaa kpa ndoon na.

2 Bibɔrb Aabɔr 20:6

Le Ubɔr Jehosafat buen ti sil binimbiin ni, ki mee Uwumbɔr mpɔɔn pu ke, “Uwumbɔr, tiyaajatiib Aawumbɔr, sin le bi paacham ki joo ŋitimbol mɔmɔk dulnyaa wee ni. Aa ye Mpɔɔnsakpiindaan u ubaa aan ŋmaa kpak si na la.

Nehemia 9:5

Liifai yaab bimina le nan bui binib ngbaan ke bi doon Uwumbɔr: bima le ye Jesua, ni Kadmiel, ni Bani, ni Hasabneya, ni Serebia, ni Hodia, ni Sebania, ni Petahia. Bi nan len ke: “Fii sil man ki pak Nidindaan Uwumbɔr. Pak u ki ti saa n‑yoonn mu kaa kpa ndoon na man. Cha unii mɔmɔk pak waayimbil li kpa kipak na, unibɔn mu aapak aa tee nyuun ki ga ŋeer u.”

Job Aagbaŋ 37:22

Nwiihn mu naahn salmaa na bi ŋŋangan wɔb, le Uwumbɔr aapak chuu timi ijawaan.

Ilahn 10:16

Uwumbɔr le ye ubɔr n‑yoonn mɔmɔk. Binib bi dooni ŋiwaa na ga kuln waatiŋ pu.

Ilahn 103:19

Uwumbɔr di waabɔrjal siin paacham; uma le ye unibɔn ni tiwan mɔmɔk aabɔr.

Ilahn 104:1

M joo nsui mɔmɔk pak Uwumbɔr la. Ndindaan Uwumbɔr, saapɔɔn nyaŋ sakpen a. Aa kpa nnaan aapɔɔn ni nnyuŋ;

Ilahn 145:1

Maawumbɔr u ye maabɔr na, m ga moon saah kpa mpɔɔn pu na; m ga li dooni si ki ti saa n‑yoonn mu kaa kpa ndoon na.

Ilahn 145:6

Binib ga len saah tun ŋitukpaan ŋi na aabɔr, le m ga moon saah kpa mpɔɔn sakpiin mu na.

Ilahn 21:13

Uwumbɔr, ti pak si, saapɔɔn sakpiin pu. Ti ga gaa ilahn ki pak saapɔɔn.

Ilahn 29:4

Bi ŋun Uwumbɔr aaneel mu pɔɔ ki nyuun na pu.

Ilahn 46:10

U len ke, “Di cha kijaak man, ki bee ke min le ye Uwumbɔr, m ye ŋitimbol mɔmɔk aayidaan, ni dulnyaa mɔmɔk aayidaan.”

Ilahn 47:9

Ŋitimbol aajojoob kuun ni unimbiin ni, ke bi ye uma Uwumbɔr u Abraham nan dii u na aanib la. Uwumbɔr kpa mpɔɔn jer bijab mɔmɔk; waanijoom nyaŋ a.

Ilahn 57:11

Uwumbɔr, mɔk saah pɔɔ sakpen pu na kitaapaak ni, ki mɔk saapak kitiŋ kee mɔmɔk pu.

Ilahn 57:5

Uwumbɔr, mɔk saah pɔɔ sakpen pu na kitaapaak ni, ki mɔk saapak kitiŋ kee mɔmɔk pu.

Ilahn 57:6

Maadim di kipɔɔk le pen mi ke ki chuu mi; ntaakpayɔl le nyaŋ mi. Bi gbii libuul bil maasan ni, le ki labr lir li ponn ni bibaa.

Ilahn 89:11

Paacham ni kitiŋ mɔmɔk ye sin yaan la, sin le naan dulnyaa ni tiwan ni mɔmɔk bi u ni na.

Ilahn 97:1

Uwumbɔr le ye ubɔr, kina pu na, kitiŋ, li mɔɔni. Nnyusakpem aadik, li mɔɔni man.

Ilahn 97:9

Uwumbɔr u kaa kpa ŋeen aatɔ na, sin le ye kitiŋ kee mɔmɔk aajojoor; saapɔɔn nyaŋ dindatiib mɔmɔk aapɔɔn.

Ilahn 98:1

Gaa nlahnpɔɔn tii Uwumbɔr man; u tun ŋitukpaan; u di ubaa aapɔɔn mu bi chain na le kan linyaŋ.

Ilahn 99:1

Uwumbɔr le ye ubɔr, le binib aawon gbaa. U ka waabɔrjal pu, tiwan ni kpa ifeen na aapaacham, le kitiŋ jii.

Aisaya 12:4

Nwiin mubaa ga fuu ni le binib ga gaa nlahn ke, “Doon Uwumbɔr man. Yin u ke u ter nimi man. Tuk ŋitimbol mɔmɔk waah ŋa pu na man. Tuk bi waah kpa liyimbil pu na man.

Aisaya 42:5

Uwumbɔr le nan naan kitaapaak ki daa taln ki; u nan naan kitiŋ ni nimɔk bi ki ponn ni na; Uma ubaa le tii binib mɔmɔk limɔfal, ni libuln li ti fuur na. Le dandana wee Tidindaan Uwumbɔr bui waatutunn ke,

Aisaya 66:1

Uwumbɔr bui ke, “Kitaapaak le ye maabɔrjal, le kitiŋ ye ntaa aah taa ni pu na. Ni ga maa ba aadichal aaboln ki tii mi, ba aapaan ni ga kan tii mi aan m li koo nima?

Jeremia 27:5

“Maapɔɔnsakpiin pu le m naan dulnyaa wee, ni unibɔn, ni tiwakor ti mɔmɔk bi kitiŋ pu na; le ki joo ki tii unii umɔk m gee na.

Daniel 2:20

“Uwumbɔr kpa nlan ki pɔɔ sakpen. Li pak u n‑yoonn mɔmɔk man.

Daniel 4:3

Uwumbɔr aah joo iwaan aawan ni mɔk timi na nyaŋ a. Waah ŋani lijinjiir aawan ni na kpa mpɔɔn sakpen a. Uwumbɔr ga li ye ubɔr n‑yoonn mɔmɔk; u ga li joo binib n‑yoonn mɔmɔk.

Daniel 4:30

le ki bui ke, “Lik man Babiloŋ aah kpa mpɔɔn pu na. Min le maa ki ke maatiyil, ke m di mɔk maapɔɔn, ni maapak, ni maah kpa liyimbil pu na.”

Daniel 4:32

Bi ga jenn nyan si binib chee, le aa ni ipeel le ga li kpaan koo tɔb chee, le aa li ŋmɔ timoor ke unaa na ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga di mu tii unii umɔk u gee u na.”

Matiu 6:13

Taa cha ti kan ntɔŋ. Nyan timi kinimbɔŋ aaŋaal ni. [Si le yeh nnaan, ni mpɔɔn, ni mpakm n‑yoonn mu kaa kpa ndoon na.’]

1 Timoti 1:17

Cha ti pak Uwumbɔr, ki nyuŋ u. Uma le ye Uwumbɔr baan; tinimbil aa waa u; u ye Ubɔrkpaan u ga li bi n‑yoonn mu kaa kpa ndoon na, kaan kpo. Amii.

Hiibru Yaab 1:3

U wiin chain ke Uwumbɔr aah wiin chain pu na, ki ye Uwumbɔr aanaŋ bamɔnn, ki di waabɔr ti kpa mpɔɔn na le joo tiwan mɔmɔk. U di ubaa toor kitork ki finn timi ki nyan timi aatunwanbir, le ki nin kal Uwumbɔr u yeh mpɔɔn mɔmɔk na aaŋangii wɔb paacham.

Josua 3:11

N‑yoonn mu Uwumbɔr u yeh dulnyaa wee mɔmɔk na Aakaal Aadakaa na yaa puur limɔɔl ki loln ni pu nsan kan, le ni ga bee ke uma Uwumbɔr u bi kaa kpa ndoon na bi ni chee.

Josua 3:13

N‑yoonn mu bitotoorb bi tu Uwumbɔr u yeh dulnyaa wee mɔmɔk na Aakaal Aadakaa na yaa ti di bitaa ŋa nnyun ponn ni kan, Jɔɔdann Aamɔɔl aanyun ngbaan ga sil libubaan ni.”

Juud 1:25

Uwumbɔr baan baanja le bi. Tidindaan Yesu Kristo pu le u nyan timi ntafadaan ni, ki gaa timi lii. Uwumbɔr le yeh nnyuŋ, ni mpakm, ni mpɔɔn mɔmɔk, ni tiwan mɔmɔk, n‑yoonn mu jer na, ni dandana wee, ni n‑yoonn mu kaa kpa ndoon na. Amii.

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”

Tibɔkpiirkaan 19:1

Nimina aapuwɔb le m ŋun nneel mu naahn kinipaak sakpeŋ na aaneel paacham. Bi len ke, “Haleluya, Tidindaan Uwumbɔr le gaa timi lii. Uma le yeh nnyuŋ, ni mpakm, ni mpɔɔn.

1 Samuel 15:29

Israel yaab Aawumbɔr u ye Ubɔrkpaan na aa mɔnn inyamɔn, kaa kpeln waalandak. Waa ye unibɔn, waan kpeln waalandak.”