1 Bibɔrb Aabɔr 29:10 - Uwumbɔr aagbaŋ

¹⁰ Binib bi nan kuun ni na aanimbiin ni, le Ubɔr David nan pak Uwumbɔr. U nan bui ke, “Uwumbɔr, tiyaaja Jakob Aawumbɔr, kipak ye sin yaan le ki ti saa n‑yoonn mu kaa kpa ndoon na.

1 Bibɔrb Aabɔr 29:10 ပူးပေါင်းရင်းမြစ်များ

Mpiin 32:28

Le ntuun ngbaan bui ke, “Saah mɔn ki nyaŋ Uwumbɔr ni unibɔn na, nima pu na, bi ga li gur yin si ke Israel la, baan ki yin si ke Jakob.”

Mpiin 33:20

Le Jakob maa libimbiln ki toor kitork ki doon Uwumbɔr nima chee, le ki yin nima ke, El Elohe Israel.

1 Bibɔrb 8:15

U nan bui ke, “Pak Israel yaab Aadindaan Uwumbɔr man. U joo tipuur ti u nan puu tii nte David ke,

1 Bibɔrb Aabɔr 29:11

Nnaan, ni mpɔɔn, ni kipak, ni kinyaan ye sin yaan la. Sin le yeh tiwan nimɔk bi paacham ni taab na, le aa ye ubɔr u jer bitinjoob mɔmɔk na.

1 Bibɔrb Aabɔr 29:20

David nan bui binib ngbaan ke, “Pak Nidindaan Uwumbɔr man.” Le binib bi mɔmɔk kuun nima na pak Uwumbɔr, u ye biyaajatiib Aawumbɔr na, le ki gbaan kitiŋ ki nyuŋ uma Uwumbɔr, ni ubɔr mu.

1 Bibɔrb Aabɔr 29:9

Binib ngbaan nan di ngeehm ŋmeen le tii Uwumbɔr, le ni nan mɔ bi pam ke bi nan tii sakpen. Ubɔr David mu aapopiin le nan ti nyaŋ bi mɔmɔk.

2 Bibɔrb Aabɔr 31:8

Ubɔr Hesekia ni waaninkpiib aah kan ke bi tii sakpen na, le bi pak Uwumbɔr, ki pak waanib Israel yaab mu.

2 Bibɔrb Aabɔr 6:4

U nan bui ke, “Pak timi Israel yaab Aadindaan Uwumbɔr man. U joo tipuur ti u nan puu tii nte David ke,

Esra 7:27

Le Esra bui ke, “Pak Uwumbɔr, u ye tiyaajatiib Aadindaan na man. U cha ubɔrkpaan kpa mpopiin ke u nyuŋ uma Uwumbɔr Aadichal li bi Jerusalem ni na kina.

Nehemia 8:6

Le Esra bui ke, “Pak Uwumbɔr man, u ye Uwumbɔr Sakpiin la.” Le binib ngbaan mɔmɔk yoor biŋaal paacham ki kii ke, “Amii, amii.” Bi mɔmɔk nan gbaan kitiŋ ki doon Uwumbɔr, le binimbil chik kitiŋ.

Ilahn 138:1

Uwumbɔr, m joo nsui mɔmɔk dooni si la; m gaa kipak aalahn tii si, bijojoob chee la.

Ilahn 146:2

Maamɔfal mɔmɔk ni, m ga pak u; m ga gaa ilahn tii Maawumbɔr maamɔfal mɔmɔk ni.

Ilahn 22:26

Bigiim ga ji baah ban pu na la; binib bi choo Uwumbɔr chee na ga pak u. Tii bi nkam n‑yoonn mɔmɔk.

Ilahn 57:6

Maadim di kipɔɔk le pen mi ke ki chuu mi; ntaakpayɔl le nyaŋ mi. Bi gbii libuul bil maasan ni, le ki labr lir li ponn ni bibaa.

Ilahn 89:52

Pak Uwumbɔr n‑yoonn mɔmɔk man. Amii, amii.

Aisaya 63:16

Sin le ye tite. Tiyaajatiib Abraham ni Jakob aa ki nyi timi, le sin Uwumbɔr ma le ye tite u gaal timi lir n‑yoonn mɔmɔk na.

Esekiel 3:12

Uwumbɔr Aafuur Nyaan nan yoor mi paacham le m ŋun nneel mu ŋuuni kaakaan na len ke, “Pak Uwumbɔr aanyuŋ paacham man.”

Daniel 2:20

“Uwumbɔr kpa nlan ki pɔɔ sakpen. Li pak u n‑yoonn mɔmɔk man.

Daniel 4:34

Le ubɔr ngbaan bui ke, “Ŋibin ŋilole ngbaan aah jer na, le m waan lik kitaapaak, le maalan ki gir ni m chee. Le m pak Uwumbɔr u kaa kpa ŋeen aatɔ na, ki nyuŋ u waah bi n‑yoonn mɔmɔk pu na pu. U ga li joo dulnyaa wee n‑yoonn mɔmɔk, le waanaan aan li kpa ndoon.

Matiu 6:9

Ni yaa mee Uwumbɔr kan, bui ke, ‘Tite Uwumbɔr u bi paacham na, cha binib li san saayimbil.

Tibɔnyaan ti Luk ŋmee ti na 11:3

Tiin timi din aawiin aajikaar.

Rom Yaab 1:7

Nima le m ŋmee kigbaŋ kee m tii nimi bimɔk bi Rom aatiŋ ni na. Uwumbɔr gee nimi ki yin nimi ke ni li ye waanib. Tite Uwumbɔr ni Tidindaan Yesu Kristo ŋa tinyoor ŋa ni pu, ki tii nimi nsuudoon.

Rom Yaab 8:15

Nfuur Nyaan mu Uwumbɔr tii nimi na, mu aa joo nimi tinaagbiir ke ni san ijawaan. Waafuur Nyaan le ŋa nimi waabim, le ki cha ti yin u ke “Nte.”

Efesusi 1:3

Cha ti pak Uwumbɔr, u ye Tidindaan Yesu Kristo Aate na. Taah kpaan Kristo ni na, le Uwumbɔr ŋa tinyoor ŋa ti pu, ki tii timi Waafuur Nyaan aapiin mɔmɔk paacham.

Ikaal 32:3

M ga pak Uwumbɔr aayimbil, le waanib ga len waah kpa mpɔɔn sakpen pu na.

Filipi 4:20

Cha ti li nyuŋni Tite Uwumbɔr n‑yoonn mu kaa kpa ndoon na. Amii.

2 Tesalonika 2:16

Tɔ, Tite Uwumbɔr gee timi sakpen. Waabulchinn pu, le u tii timi lipobisoon li kaan doo na, ni limakl nyaan.

1 Timoti 1:17

Cha ti pak Uwumbɔr, ki nyuŋ u. Uma le ye Uwumbɔr baan; tinimbil aa waa u; u ye Ubɔrkpaan u ga li bi n‑yoonn mu kaa kpa ndoon na, kaan kpo. Amii.

1 Piita 1:3

Cha ti pak Uwumbɔr u ye Tidindaan Yesu Kristo Aate na; ba pu? u san timi kinimbaak sakpen a, ki gir ma timi lelee, ki di timi ŋa waabim. U nan fikr Yesu Kristo nkun ni. Nima le ti kpa limakl li bi n‑yoonn mɔmɔk na.

Tibɔkpiirkaan 5:12

Le m ŋun bi mɔmɔk len mpɔɔn pu ke, “Upihbo u bi nan kɔr u na le ŋeer u kan yiko, ni liwankpal, ni nlan, ni mpɔɔn, ni nnyuŋ, ni mpakm, ni idoon.”