1 Bibɔrb Aabɔr 28:9 - Uwumbɔr aagbaŋ

⁹ Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

1 Bibɔrb Aabɔr 28:9 ပူးပေါင်းရင်းမြစ်များ

Mpiin 28:13

Le u kan ke Uwumbɔr si gbɔk u ki bui u ke, “Min le ye Uwumbɔr, aayaaja Abraham ni aate Aisak Aawumbɔr. M ga di kitiŋ ki aa dɔ ki pu na tii aa ni aayaabitiib.

Mpiin 6:5

Uwumbɔr nan kan ke unibɔn aatunwanbir wiir ki ti nyaŋ, baalandak nan ye bakaa aalandak ŋmeen,

Mpiin 8:21

Uwumbɔr aah ŋun kitork ngbaan aanun na, le ni piir usui, le u bui ubaa ke, “Maan ki puun lii kitiŋ pu kina daalbaadaal, ki joo cha unibɔn aah ŋa pu na. M nyi ke unibɔn aah laa diin ki joo cha na, waalandak ye titunwanbir la. Din ki joo cha, maan ki bii tiwanfuurkaan mɔmɔk, ke maah ŋa pu n‑yoonn mue na.

1 Bibɔrb 3:6

Le Solomonn gar u ke, “Aa nan gee saatutunn, nte David, n‑yoonn mɔmɔk la, le u nan ye uninyaan, ki kii saamɔb, ki bi chob aa ni uma aakaasisik ni. Le aa beenin mɔk u saageehm sakpem mu bi n‑yoonn mɔmɔk na, ki tii u japɔɔn u gaa waanaan din wee na.

1 Bibɔrb 8:39

pel waameel. Saah bi aado paacham na, pel, ki di cha pinn u, ki ter u. Sin baanja le nyi unibɔn aasui ponn ni aalandak. Unii aabimbin yaa ŋeer pu na kan, aa ŋa udaan kina,

1 Bibɔrb 8:43

pel waameel. Saah bi aado paacham na, pel u chee, ki ŋa waah ban pu na tii u, aan dulnyaa aanib mɔmɔk bee si, ki li keei saamɔb, ke saanib Israel yaab aah ŋani pu na. Nima le bi ga bee ke maah maa Lidichal li na ponn ni, le bi ga li dooni si.

1 Bibɔrb 8:61

Nimi, Tidindaan Uwumbɔr aanib, li ŋani waah ban pu na n‑yoonn mɔmɔk, ki li dii waakaal, ni waah len pu na mɔmɔk, ke naah dii din wee pu na.”

2 Bibɔrb 20:3

“Uwumbɔr, teer ke m di gaakii tun saatuln ni kipak ŋmeen la, ki pɔɔni mbaa n‑yoonn mɔmɔk ke m ŋa saah ban ke m ŋa pu na,” le ki wii sakpen.

2 Bibɔrb 21:22

U nan yii uyaajatiib Aadindaan Uwumbɔr, le ki yii waakaal mu.

2 Bibɔrb 22:2

Josia nan ŋani tiwan ni piir Uwumbɔr aasui na la; u nan dii uyaaja Ubɔr David aah nan dii nsan mu na, le ki joo Uwumbɔr aakaal kin kin.

1 Bibɔrb Aabɔr 22:19

Kina pu na, li dii man Tidindaan Uwumbɔr ni nisui mɔmɔk. Piin man Uwumbɔr Aadichal aamaam, aan ki ŋmaa di Uwumbɔr Aakaal Aadakaa, ni tiwan ni mɔmɔk ye waadoon aawan ki bi chain na siin li ponn ni.”

1 Bibɔrb Aabɔr 28:8

“Maanib, kina pu na, timi Aawumbɔr aanimbiin ni, ni waanib Israel yaab mɔmɔk aakuun mue ni, m bui nimi ke ni li joo Tidindaan Uwumbɔr aah siin timi pu na mbamɔm, aan kitinyaan kimina li beenin ye nimi yaan, aan ni mu nan di ki tii niyaabitiib ki ti saa n‑yoonn mu kaa kpa ndoon na.”

1 Bibɔrb Aabɔr 29:9

Binib ngbaan nan di ngeehm ŋmeen le tii Uwumbɔr, le ni nan mɔ bi pam ke bi nan tii sakpen. Ubɔr David mu aapopiin le nan ti nyaŋ bi mɔmɔk.

2 Bibɔrb Aabɔr 12:5

Uwumbɔr aabɔnabr Semaya nan buen Ubɔr Rehoboam, ni Juda aasalolm bi nan kuun ti bi Jerusalem ni ke bi loon san ŋmar Sisak chee na chee. U nan bui bi ke, “Uwumbɔr aanaŋ i u joo tii nimi na sɔ: ‘Ni yii mi, kina pu le m mu yii nimi ki di nimi tii Sisak.’”

2 Bibɔrb Aabɔr 15:2

le u buen ki ti tooh Ubɔr Asa nsan pu. U nan teen ki len ke, “Ubɔr Asa, ni Juda, ni Benjaminn aanib bee mɔmɔk, n‑yoonn mumɔk ni bi Uwumbɔr chee na, u mu bi ni chee. Ni yaa ban u kan, u ga cha ni kan u, le ni yaa fenn nipuwɔb tii u kan, u ga di nimi lii.

2 Bibɔrb Aabɔr 6:30

li pel waameel. Saah bi aado paacham na, pel ki di cha pinn bi. Sin baanja le nyi unibɔn aasui ponn ni aalandak. Unii aabimbin aah ŋeer pu na kan, aa ŋa udaan kina,

Esra 8:22

M yaa ba nan ti bui ubɔrkpaan ngbaan ke u tii timi bijab bi ga li kii timi bidim chee timi aasachuln ngbaan ni na kan, m ba ga nan jinn mbaa inimɔɔn, ba pu? m nan puen bui u ke timi Aawumbɔr ŋani waanyoor ŋani unii umɔk tii u naadii na pu, le ki nan ki kpaan dar unii umɔk yii waamɔb ki fenn upuwɔb tii u na aatafal.

Ilahn 101:2

Maatuln aan li kpa tijɔŋ. Bayoonn aan aa ga dan m chee? M ga li joo mbimbin mu ŋan na le bi maadichal ponn ni,

Ilahn 139:2

Aa nyi maah ŋani tiwan nimɔk na; aa bi dandar le ki nyi maah dak pu na.

Ilahn 17:3

Aa nyi nsui. Aa dan m chee kinyeek ki nan tɔŋ mi mbamɔm, ki kan ke maa kpa titunwanbir tibaa.

Ilahn 18:2

Uwumbɔr le ye maakikiir; uma le ye maadiik ki pɔɔ na. Maawumbɔr le ye u kii mi na, le m yaa bi u chee kan, m ŋmar. U kii mi ke kijaak aapeln na la; u kii mi le m bi ŋŋmarm ni.

Ilahn 7:10

Uwumbɔr le ye maakikiir; u gaal binib bi mɔmɔk kii waamɔb na lir.

Ilahn 7:9

Uwumbɔr, aa ye ubamɔndaan la, ki nyi tisui ponn ni aah bi pu na. Kuln kinimbɔŋdam aabiin; ki pa binib bi ŋan na baapar.

Ilahn 89:26

U ga bui mi ke, ‘Sin le ye nte, ni Maawumbɔr; sin le ye maakikiir, sin le ye u gaal mi lir na.’

Ilahn 89:38

Le saaŋuul fii saah lee ubɔr u na pu; aa siir cha u ki yii u.

Ilahn 9:10

Uwumbɔr, binib bi nyi si na ga tii si naadii; Saa siir cha umɔk dan aa chee na.

Nnyam 15:2

Uwumbɔr le ye u kii mi ki pɔɔ na. Uma le gaa mi lii. Uma le ye Maawumbɔr, le m ga pak u. Uma le ye nte Aawumbɔr, le m ga gaa ilahn ki pak waah kpa mpɔɔn pu na.

Nnyam 3:16

Li cha ki ti kuun Israel yaab aaninkpiib ki bui bi ke min, U‑ye‑na, u ye niyaajatiib Abraham, ni Aisak, ni Jakob Aawumbɔr na, le dan aa chee. Tuk bi ke m dan bi chee le ki kan Ijipt yaab aah ŋani bi falaa pu na.

Ŋiyataŋak 17:3

Mmii le bi joo tɔŋni salmaa ni tikunabr, Uwumbɔr mu le tɔŋni unibɔn aasui lik.

Ŋiyataŋak 3:6

Teer Uwumbɔr bɔr, saatuln mɔmɔk ni, le u ga mɔk si nsanyaan.

Ŋiyataŋak 4:4

U ga nan len ke, “Teer maah tuk si pu na n‑yoonn mɔmɔk ki taa suln ni daalbaadaal. Ŋa maah mɔk si pu na, ki li kpa limɔfal.

Aisaya 1:28

le ki kuln umɔk tun titunwanbir ki kpak u na; u ga kuln unii umɔk yii u na.

Aisaya 38:3

“Uwumbɔr, teer ke m di gaakii tun saatuln ni kipak ŋmeen la, ki pɔɔni mbaa n‑yoonn mɔmɔk ke m ŋa saah ban ke m ŋa pu na,” le ki wii sakpen.

Aisaya 45:19

Maa bɔrni ki len maabɔr, kaa joo maah ban m ŋa pu na mu bɔrni. Maa nan ban ke Israel yaab lik ban mi, kitiŋ ki kaa kpa nibaa na ni. Min le ye Uwumbɔr, le ki len ibamɔn; m cha ibamɔn nya mpaan pu.”

Jeremia 11:20

Le m mee limeel ke, “Uwumbɔr Mpɔɔnsakpiindaan, aa ji binib tibɔr ibamɔn pu la; aa tɔŋni binib aalandak ni bisui. M di maabɔr ŋa aaŋaal ni, kina pu na, m ga li ka le ki lik saah ga teen binib ngbaan pu na.”

Jeremia 17:10

Min Uwumbɔr le lik unii aalandak ni le ki tɔŋni binib aasui lik. M ŋani unii mɔmɔk, waabimbin aah bi pu na la, ni udaan aah tun pu na.”

Jeremia 20:12

Uwumbɔr Mpɔɔnsakpiindaan, le aa ma joo ibamɔn tɔŋni binib, aa nyi tiwan ni bi bisui, ni baalandak ni na. Kina pu na, cha m kan saah ga teen maadim pu na, ba pu? m di maabɔr ŋa sin le aaŋaal ni.

Jeremia 22:16

U nan jin bigiim aabɔr ibamɔn pu, le waawan mɔmɔk nan kpa nsan. Kina le mɔk ke unii sil nyi Uwumbɔr.

Jeremia 24:7

M ga tii bi lineen li ga cha bi bee ke min le ye Uwumbɔr na. Baah ga gir ni m chee ni bisui mɔmɔk pu na, le ga cha bi li ye maanib, le m mu ga li ye Baawumbɔr.

Jeremia 29:13

Ni ga ban mi, le ki ga kan mi, ba pu? ni ga di nisui mɔmɔk le ban mi.

Jeremia 29:14

Een, m bui ke, ni ga kan mi, le m ga giin ni nimi nido aatiŋ pu. M ga kuun ni nimi litimbol mɔk ni, ni nimɔk m cha ni yaa ki bi na, le m ga giin ni nimi kitiŋ ki pu m nan nyan nimi di buen tinaagbiir ni na. Min Uwumbɔr le len kina.’

Jeremia 31:34

Bi ponn ni ubaa aan ki mɔk uŋeen aatɔ ke u bee Uwumbɔr, ba pu? bi mɔmɔk ga bee mi, biwaatiib ki ti saa bikpaam mɔmɔk ga bee mi. M ga di baatunwanbir cha pinn bi, kaan ki teer baataani. Min Uwumbɔr le len kina.”

Jeremia 9:24

Unii umɔk ban u li kpa kipupuk na u li kpa kipupuk ke u nyi min Uwumbɔr, ba pu? maageehm bi n‑yoonn mɔmɔk la, le m ŋani tiwan ni tok ki ye ibamɔn na. Tiwan ni piir nsui na le na. Min Uwumbɔr le len kina.”

Esekiel 11:5

Uwumbɔr Aafuur Nyaan nan gbiin mi, le u bui mi ke m di inaŋ imina tii Israel aanib ke: “Israel aanib, m nyi naah len ki kpokl pu na.

Esekiel 38:10

Tidindaan Uwumbɔr aah tuk ubɔr Gog pu na sɔ: “N‑yoonn ngbaan yaa nan fuu ni kan, aa ga piin ki bi dakl nlandak mu kaa ŋan na.

Hosea 4:1

Uwumbɔr nan kpa ngalm u galn binib bi koo kitiŋ kee pu na. Israel yaab, li pel man waah len pu na; “Mbimbin mu bi chob na, ni ngeehm, aa bi kitiŋ kee pu, le binib ngbaan aa nyi ke min le ye Uwumbɔr.

Hosea 4:6

Maanib aah kaa bee mi na, le baamɔfal ga junn. Nimi bitotoorb yii ke naan bee mi, le ki yii maakaal, kina pu le m mu yii nimi, kaan kii ke nijapɔtiib li ye maatotoorb.

Jɔnn 1:47

Yesu nan waa Natanael choo u chee, le ki bui ke, “Lik, Israel aabobamɔnn. Nnyamɔn aa bi u ni.”

Jɔnn 17:3

Sin baanja le ye Uwumbɔr bamɔnn. Binib bi nyi si, ki nyi mi Yesu Kristo u aa tun ni u na, bima le kpa limɔfal li kaa kpa ndoon na.

Jɔnn 2:25

ba pu? u nyi binib mɔmɔk aabimbin. Waa ban ke ubaa nyaa u binib aabɔr. Uma ubaa nyi binib aasui ni aabɔr.

Jɔnn 21:17

le ki ki baa u taataa, “Simonn, Jɔnn aajapɔɔn, aa gee mi ii?” Le Simonn Piita aasui bii; ba pu? u nan baa u nfum mutaa mɔk, “Aa gee mi ii?” Le u bui u, “Ndindaan, aa nyi tiwan mɔmɔk. Aa nyi ke m gee si.” Le Yesu bui u, “Kpiin maapiih.

Jɔnn 4:24

Uwumbɔr ye kifuurk la. Le binib bimɔk dooni u na li dooni u bisui ni, Waafuur Nyaan aapɔɔn pu.”

Jɔnn 8:55

Le naa nyi u. Min le nyi u. M yaa len ke maa nyi u kan, m ga li ye unyamɔndaan la, ke naah ye binyamɔndam pu na. M sil nyi u, ki joo waaliin.

Lituln 1:24

Le bi mee Uwumbɔr ke, “Tidindaan, aa nyi binib mɔmɔk aasui ni aah bi pu na. Mɔk timi unii u aa lee u na bijab bilee ngbaan ponn ni aan u li ye saakpambal ki gaa lituln li Judas nan di cha ki buen nin chee ŋeer u na.”

Lituln 17:23

M chuun nimi aatiŋ ponn ni ki kan naah dooni ŋiwaa pu na, le ki kan bi nan ŋmee ŋŋmeen naah toor kitork nin chee na. Bi ŋmee ke, ‘Taah kaa nyi Uwumbɔr u na.’ Ni dooni Uwumbɔr, ki mu aa nyi u. Waabɔr le m ban m tuk nimi dandana wee.

Lituln 17:30

Binib aah kaa nan kee nyi Uwumbɔr aasan buyoonn na, waa nan gar baah ŋani pu na. Dandana wee le u len ke u ban ke binib bimɔk bi dulnyaa wee mɔmɔk ponn ni na kpeln baabimbin ki dii waasan.

1 Korenti 15:34

Finn ngeen pu man, ki tun lituln li ŋan na, ki taa ki tun titunwanbir. Ni ponn ni bibaa aa nyi Uwumbɔr. M len kina ke m jinn nimi inimɔɔn la.

2 Korenti 4:6

Uwumbɔr u nan len ke “Cha nwiihn woln mbɔmbɔɔn ni” na, uma le woln tinimbil, ke ti bee waah ŋan sakpen pu na. Yesu Kristo aabimbin aah bi pu na le mɔk timi Uwumbɔr aah ŋan sakpen pu na.

2 Korenti 8:12

Unii yaa gee ke u tii Uwumbɔr ipiin ki yaa tii u waah kpa pu na kan, Uwumbɔr ga gaa la. Uwumbɔr aa ban ke unii tii ki jer waah kpa pu na.

2 Korenti 9:7

Unii mɔmɔk aah di pu ŋa usui ni ke u ga tii ni na, cha u tii kina. U taa tii ni mpombiin, ki taa tii limukl aatiin. Ba pu? Uwumbɔr gee unii u tii ni mpopiin na la.

Ikaal 10:12

“Israel yaab, li pel man Nidindaan Uwumbɔr aah ban ni li bi pu na: Ni li dooni Uwumbɔr, ki li ŋani waah bui ke ni ŋa pu na. Ni li gee u, ki li joo nisui mɔmɔk tun waatuln.

Ikaal 31:21

le tibɔbir pam ga dan bi pu. Bi ga li beenin gaa nlahn mue, aan mu li ye seeraa ki tii bi. Hali dandana wee, waahr aan m nin di bi buen kitiŋ ki ponn ni m nan puu ke m ga di tii bi na, m nyi baah dak pu na.”

Ikaal 4:35

Uwumbɔr ubaa le mɔk nimi kina, ke u kpiir mɔk nimi ke uma Uwumbɔr baan baanja le bi, ubaa aa ki bi ki kpee u pu.

Hiibru Yaab 12:28

Ti ga ji nnaan mu ga li bi n‑yoonn mu kaa kpa ndoon na. Nima pu na, cha ti doon Uwumbɔr, ki tun lituln li ga piir usui na tii u, ki li pak u, ki li san u ijawaan.

Hiibru Yaab 4:13

Tiwan nibaa aa bi ki bɔr Uwumbɔr. Tibɔr mɔmɔk nyan ki dɔ mpaan pu, ki dɔ tiŋmeen unimbil ni. Uma le ti ga len timi aabɔr ki tuk u.

1 Piita 5:2

ni li ter Uwumbɔr aanib bi bi nido na, ke upihkpaal aah lik waapiih pu na. Ni taa ter bi limukl aaterm. Ni li ter bi nimi aageehn, Uwumbɔr aah ban pu na. Ni taa ter bi ŋimombil pu, ni li ter bi ni mpopiin.

Tibɔkpiirkaan 2:23

ki ga ku waabim mu. Le maanib bi bi ŋipepel mɔmɔk na ga bee ke min le nyi bisui ni aah bi pu na. M ga tii ni ponn ni unii mɔmɔk waatuln aah ŋeer pu na.

1 Samuel 12:20

Le Samuel bui ke, “Taa san ijawaan man. Naah tun titunwanbir sakpenn ti na, taa fenn nipuwɔb tii Uwumbɔr, li joo nisui mɔmɔk tun tii u man.

1 Samuel 16:7

Le Uwumbɔr bui u ke, “Taa lik waah fɔk ki ŋan pu na pu. M yii u; ba pu? maa dak ke unibɔn aah dak pu na. Unibɔn lik tiwon la, le m ma lik unii aasui ni.”