1 Bibɔrb Aabɔr 28:8 - Uwumbɔr aagbaŋ

⁸ “Maanib, kina pu na, timi Aawumbɔr aanimbiin ni, ni waanib Israel yaab mɔmɔk aakuun mue ni, m bui nimi ke ni li joo Tidindaan Uwumbɔr aah siin timi pu na mbamɔm, aan kitinyaan kimina li beenin ye nimi yaan, aan ni mu nan di ki tii niyaabitiib ki ti saa n‑yoonn mu kaa kpa ndoon na.”

1 Bibɔrb Aabɔr 28:8 ပူးပေါင်းရင်းမြစ်များ

1 Bibɔrb Aabɔr 28:7

U yaa beenin joo maakaal ni maah siin u pu na mbamɔm ke waah joo pu dandana na kan, m ga cha waanaan li bi ki ti saa n‑yoonn mu kaa kpa ndoon na.’

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

Esra 9:12

Bi nan bui timi ke ti yaa ban ke ti li kpa mpopiin kitiŋ ngbaan pu, aan ki nan kpaln tiyaabitiib aatiŋ kan, ti taa yoor baapiibim, ki taa ter bi aan bi kan tinyoor baatun ni.

Ilahn 119:27

Ter mi aan m bee saakaal aatataa, aan m li dakl lik saah tun litukpaan pu na.

Ilahn 119:4

Uwumbɔr, aa di saakaal tii timi le ki mɔk timi ke ti li dii i mbamɔm.

Ilahn 119:44

M ga kii tii saakaal n‑yoonn mɔmɔk, ki ti saa n‑yoonn mu kaa kpa ndoon na.

Nnyam 23:13

“Tibɔr timɔk m len na, ni ŋun tii min Uwumbɔr. Ni taa dooni liwaal libaa; hali ni taa yin ŋaayimbil.

Ŋiyataŋak 13:22

Uninyaan ga li kpa liwangol li uyaabitiib ga nan kan na, le binib bi aabimbin ŋan na ga nan gaa titunwanbirdam aawangol.

Ŋiyataŋak 3:1

Maabo, taa suln maah tuk si pu na. Li teer maah tuk si ke aa ŋa pu na n‑yoonn mɔmɔk.

Aisaya 34:16

Ban kan Uwumbɔr Aagbaŋ ni, tiwanfuurkaan aabɔr na, ki karn naah ŋmee pu na man. Tiwanfuurkaan nimina ponn ni nibaa aan wɔŋ, le ni mɔmɔk mu ga li kpa niŋeen aatɔ. Uwumbɔr le len ke ni li bi kina; uma ubaa le ga kuun ni mɔmɔk nan kpaan tɔb chee.

Lituln 10:33

Waah tuk mi kina na, libuul ngbaan ni le m tun binib bi ti yin si. Saah dan pu na, ni ŋan. Dandana wee, ti mɔmɔk bi do, Uwumbɔr aanimbiin ni. Ti ban ti ŋun tibɔr ti Tidindaan tuk si ke aa tuk timi na.”

Lituln 17:11

Le binib bi bi nima na pel Pɔɔl aah len pu na. Binib ngbaan ye binib ki jer Tesalonika aatiŋ ni yaab. Le binimbil man Pɔɔl aah len pu na pu. Idaa mɔmɔk bi nan kpar Uwumbɔr Aagbaŋ ponn ni, ki karni ke bi lik ke ti gbii aan taa gbii.

Ikaal 27:1

Moses ni Israel yaab aayidam nan bui binib ngbaan ke, “Ni li ŋani maah tuk nimi din wee pu na mɔmɔk.

Ikaal 29:10

“Din wee na, ni mɔmɔk, bi ye biyidam, ni bininkpiib, ni bijab,

Ikaal 29:15

u ban u puu ti tii ti mɔmɔk bi si unimbiin ni do, din wee na, ki kpee tiyaabitiib bi bi taa kee ma bi na mu la.

Ikaal 4:1

Moses nan bui Israel yaab ke, “Ni pɔɔn nibaa ki kii tii ikaal i m bi mɔk nimi na, nima le ga cha ni li bi, ki ti gaa kitiŋ ki Uwumbɔr, u ye niyaajatiib Aawumbɔr na, ban u di tii nimi na.

Ikaal 4:26

Ni yaa yii maah tuk nimi pu na kan, paacham ni kitiŋ le ye maaseeraadam din wee, ni ga kpo doo kitiŋ ngbaan pu. Le kina aan cha ni li bi ki yunn, naah ban ni puur Jɔɔdann Aamɔɔl ki ti gaa kitiŋ ki na ni. U ga kuln nimi doo.

Ikaal 4:6

Ni li joo i mbamɔm, le ŋinibol ŋiken ga kan naah kpa nlan pu na. Le bi yaa ŋun ikaal ngbaan aabɔr kan, bi ga bui ke, ‘Ba aalanboln, ni nnyim, linibokpaan limina kpa kina.’

Ikaal 5:32

“Nimi Israel yaab, ni pɔɔn nibaa man, aan ki li ŋani tiwan nimɔk Nidindaan Uwumbɔr bui ke ni ŋa na. Ni taa yii waakaal mubaa man.

Ikaal 5:33

Ni li joo i mɔmɔk mbamɔm, aan nima kan, naah ban ni gaa kitiŋ ki aan ki li koo ki ponn ni na, tiwan mɔmɔk ga li ŋan tii nimi, le ni ga yunn ki ponn ni.

Josua 24:20

le ni yaa yii u, ki ban ni li dooni ŋiwaa kan, u ga daa nitafal. Hali waah nan ŋa tinyoor ŋa ni pu na, ni yaa dii liwaal libaa kan, u ga kuln nimi.”