1 Bibɔrb Aabɔr 28:20 - Uwumbɔr aagbaŋ

²⁰ Ubɔr David nan bui ujapɔɔn Solomonn ke, “Li si chob ki taa san ijawaan. Piin lituln ngbaan ki taa cha nibaa kiir si. Tidindaan Uwumbɔr u m dii na ga li bi aa chee. Waan siir cha si, see lituln li aa ban aa tun Waadichal pu na ti doo.

1 Bibɔrb Aabɔr 28:20 ပူးပေါင်းရင်းမြစ်များ

1 Bibɔrb 6:38

Solomonn aanaan ni aabin kipiik ni libaa ni aaŋmaniin, u bi yin u ke Bul na ni, le bi nan toor Uwumbɔr Aadichal doo, baah nan siin ke bi ŋa li pu na. Solomonn nan di ŋibin ŋilole le maa li.

1 Bibɔrb Aabɔr 22:13

Aa yaa dii ikaal i mɔmɔk Uwumbɔr nan di tii Moses ke u di tii Israel yaab na kan, aa ga nyaŋ. Cha aanimbil li man ki li si chob, ki taa san nibaa ijawaan.

1 Bibɔrb Aabɔr 28:10

Aa li nyi ke Uwumbɔr lee sin le ke aa maa lidichal li bi chain na tii u. Tɔ, di lineen maa li.”

2 Bibɔrb Aabɔr 19:11

Utotoorninkpel Amaria le ga li yeh tibɔr ti ye Uwumbɔr aasan ni na aabɔjil, le Sebadia u aate ye Ismael aan u ye Juda aayidaan na, ga li yeh binib aabɔr. Liifai yaab le ga kan ke bibɔjirb ngbaan aah siin pu na ŋa kina. Cha nitaakpab li pɔɔ aan ni li joo lilambil limina tun, ki cha Uwumbɔr li si unii u kpa mbamɔn na aachaŋ ni.”

Esra 10:4

Ni ye sin aatuln le ke aa fii sil. Ti si aachaŋ ni, kina pu na, fii sil ki cha kina ŋa.”

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 41:13

Min le ye Nidindaan Uwumbɔr; M pɔɔk nitaakpab ki bui ke, ‘Taa san ijawaan man; m ga ter nimi.’”

Hagai 1:13

Le Hagai u ye Uwumbɔr aatuun na bui binib ngbaan ke uma Uwumbɔr puu tipuur ke: “M bi ni chee la.”

Hagai 2:4

Tɔ, Serubabel, cha aataakpab pɔɔk; Utotoorninkpel Josua, aa mu cha aataakpab pɔɔk; nimi bimɔk bi kitiŋ ngbaan ni na, cha nitaakpab pɔɔk. Min Uwumbɔr Mpɔɔnsakpiindaan bi ni chee, kina pu na, li tun lituln ngbaan man.

Rom Yaab 8:31

Uwumbɔr aah ŋa kina mɔmɔk na, ti ga len kinye? Uwumbɔr aah si tichaŋ ni na, ubaa aan ŋmaa ŋa timi nibaa.

1 Korenti 16:13

Ni li nyi man, ki li dii Yesu mbamɔm, ki taa di cha waasan. Ni li kpa lipobil man, ki li kpa mpɔɔn mu Uwumbɔr tii nimi na.

Ikaal 31:6

Ni nya sil, ki li kpa lipobil. Ni taa san bi ijawaan. Nidindaan Uwumbɔr ubaa ga li bi ni chee. Waan jinn nimi inimɔɔn, ki mu aan di nimi lii.”

Ikaal 4:31

Uma le ye Uwumbɔr u kpa linimbaasaln na. Waan di nimi lii, ki mu aan kuln nimi doo, waan suln tipuur ti u nan puu tii niyaajatiib na.

Hiibru Yaab 13:5

Ni taa cha ninimbil li man ŋimombil pu. Cha ninimbil gbiin naah kpa ni na pu. Ba pu? Uwumbɔr ubaa le bui ke waan di cha si. Waan di si lii.