1 Bibɔrb Aabɔr 27:23 - Uwumbɔr aagbaŋ

²³ Uwumbɔr aah nan puu ke u ga cha Israel aanib li wiir ke iŋmabi i bi kitaapaak na aah wiir pu na, Ubɔr David aa nan kahn binib bi aabin aa fuu moninko na.

1 Bibɔrb Aabɔr 27:23 ပူးပေါင်းရင်းမြစ်များ

Mpiin 15:5

Le Uwumbɔr nan cha Abram nyan sil lipaal, le ki bui u ke, “Yaar lik paacham, ki pɔɔk aabaa ki kahn iŋmabi; saamaal ponn ni aanib ga li wiir kina la.”

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

Mpiin 26:4

M ga cha aa maa ki li kpa yaabitiib bi li wiir ke iŋmabi na, le m ga di kitiŋ kee mɔmɔk tii bi. Aayaabitiib pu le m ga ŋa tinyoor ŋa ŋinibol mɔmɔk pu.

2 Samuel 24:1

Uwumbɔr nan ki gee Israel yaab pu liŋuul, le ki cha David ban tibɔr tii bi. Uwumbɔr nan bui u ke, “Li cha ki ti kahn Israel ni Juda aanib.”

Nkahm 1:18

bi nan yin ŋipepel ngbaan aanib mɔmɔk, lelee aaŋmal ni, njan aawiin daal, le ki ŋmee binib ngbaan aayimbil itaŋaal itaŋaal, ni mmaal mmaal. Bi nan ŋmee bijab bi aabin ye moninko, ni bi jer kina na aayimbil, le ki kahn bi mɔmɔk,

Hiibru Yaab 11:12

Nima pu na, ujabaan u nan bi ke waah kpo le na, nan ma binib bi wiir ke iŋmabi aah wiir pu na. Bi wiir ke litambol li dɔ nnyusakpem aagbaan na. Ubaa aa ŋmaa kahn bi.