1 Bibɔrb Aabɔr 27:1 - Uwumbɔr aagbaŋ

¹ Israel aadichadam, ni itaŋaal aayidam, ni baaninkpiib bi lik nnaan ngbaan aatuln na sɔ: Uŋmal mɔk ponn ni, libiln ponn ni kan, bijab ŋichur moninko ni ŋinaa le nan tun ŋitun uŋmal ngbaan ni. Le uŋmal ngbaan aaninkpel lik bi.

1 Bibɔrb Aabɔr 27:1 ပူးပေါင်းရင်းမြစ်များ

2 Samuel 23:8

David aajakpaam na aayimbil sɔ: njan yoo le nan ye Joseb Basebef u nyan ni Takemonn aatiŋ ni na. Uma le nan ye “Bitaa na,” aayidaan. U nan di waakpaatuŋ ton butɔb, bijab ikui iniin ponn ni, ki ku bi mɔmɔk butɔbaan ni.

1 Bibɔrb 4:27

Waaninkpiib kipiik ni bilee na ubaa mɔk nan tii Ubɔr Solomonn waah ban tiwan ni uŋmal mɔk ni ubaa na, ni binib bi mɔmɔk ji libɔrdichal ni na la; bi nan tii u waah ban pu na mɔmɔk pel pel la.

1 Bibɔrb 4:7

Solomonn nan nyan bijab kipiik ni bilee, le bi ye ŋipepel aayidam, Israel yaab aatiŋ ni. Bima le ga nan joo ni tijikaar nya ni baapepel ni, ki nan tii ubɔr, ni waadichal. Uja mɔk nan yeh uŋmal ubaa, libiln mɔk ni.

1 Bibɔrb 5:14

U nan di Adoniram le ŋa baaninkpel. U nan yakr bi ŋigetek ŋitaa pu la. Bitutum ŋichur kipiik le nan bi ligetekr mɔk ni, le ki cha ligetekr mɔk tun lituln, Lebanonn aatiŋ ni, uŋmal ubaa, le ki ti gir kun ni linampal, ki nan kal iŋmal ilee.

1 Bibɔrb Aabɔr 11:10

David aajakpaam na aayimbil sɔ: Bi ni Israel aanib bi gur na le nan ter u le u ŋa ubɔr, ke Uwumbɔr aah nan puu pu na, le bi nan cha waanaan kpa mpɔɔn.

1 Bibɔrb Aabɔr 13:1

Ubɔr David ni waajab bi ye bijab ŋichur ŋichur na aaninkpiib, ni bi ye bijab nkub nkub na aaninkpiib nan kpokl tɔb.

1 Bibɔrb Aabɔr 26:32

Ubɔr David nan nyan binikpaam ŋichur ŋilee ni ikui ilole Jeria aadichadam ponn ni, le ki cha bi lik Israel aanib bi bi Jɔɔdann Aamɔɔl aawipuul wɔb na Aawumbɔr aasan aadiim, ni ŋitun mɔmɔk aayidam. Ŋipepel ngbaan le yeh Rubenn, ni Gad, ni Manase aageln li bi liwipuul wɔb na.

1 Bibɔrb Aabɔr 27:2

Uŋmal mɔk aaninkpel aayimbil sɔ: Njan aaŋmal, Sabdiel aajapɔɔn Jasobeam le nan ye uninkpel. U ye Peres aataŋaal mu bi Juda aanibol ni na aanii la. Ŋmalee ni, Ahohi aayaabil Dodai le nan ye uninkpel, le Miklof paa u pu. Ŋmataa ni, utotoor Jehoyada aajapɔɔn Benaya, u nan ye “Piitaa Na” aasaloln na, le nan ye uninkpel. Ujapɔɔn Amisabad le nan gaa waabuul ni. Ŋmanaa ni, Joab aanaal Asahel le nan ye uninkpel. Ujapɔɔn Sebadia le nan gaa waabuul ni. Ŋmaŋmu ni, Isar aayaabil Samhuf le nan ye uninkpel. Ŋmaloob ni, Ikes u nyan ni Tekoa aatiŋ ni na aajapɔɔn Ira le nan ye uninkpel. Ŋmalole ni, Heles u ye Efraim aanii ki nyan ni Pelonn aatiŋ ni na, le nan ye uninkpel. Ŋmaniin ni, Sibekai u nyan ni Husa aatiŋ ni ki ye Sera aataŋaal ni aanii na, le nan ye uninkpel. Ntaŋaal ngbaan ye Juda aanibol ni aataŋaal mubaa la. Ŋmawae ni, Abieser u nyan ni Anatof aatiŋ ki bi Benjaminn aanibol aapepel ni na, le nan ye uninkpel. Ŋmapiik ni, Maharai u nyan ni Netofa ki ye Sera aataŋaal ni aanii na, le nan ye uninkpel. Ŋmapiik ni ubaa ni, Benaya u nyan ni Piratonn aatiŋ ni, Efraim aanibol aapepel ni na, le nan ye uninkpel. Ŋmapiik ni ilee ni, Otniel aayaabil Heldai u nyan ni Netofa na, le nan ye uninkpel.

1 Bibɔrb Aabɔr 28:1

Ubɔr David nan siin ke Israel aaninkpiib mɔmɔk kuun ni Jerusalem ni. Le ŋinibol mɔmɔk aaninkpiib, ni nnaan aatun mɔmɔk aaninkpiib, ni itaŋaal aasalolm, ni ubɔr ni ujapɔtiib aawangol ni tiwakor mɔmɔk aaninkpiib, ni libɔrdichal ni aaninkpiib, ni bijakpaam, ni binikpaam, mɔmɔk nan kuun Jerusalem ni.

1 Bibɔrb Aabɔr 29:6

Le itaŋaal pu aayidam, ni ŋinibol aaninkpiib, ni butɔb aajab aaninkpiib, ni nnaan aatun aayidam, nyan sil ke bi ga tii Uwumbɔr Aadichal aatuln pu tiwan nimina:

2 Bibɔrb Aabɔr 1:2

Ubɔr Solomonn nan di limɔboln tii butɔb aajab aaninkpiib bi lik bijab lichur lichur pu na, ni bi lik bijab nkub nkub pu na, ni Israel aaninkpiib mɔmɔk, ni bidichadam mɔmɔk, ni Israel aanib bi gur na mɔmɔk,

Nnyam 18:25

le ki nyan Israel yaab ponn ni bijab bi ga ŋmaa toor biken aabɔr na. U nan di binib lichur lichur, ni nkub nkub, ni piiŋmu piiŋmu, ni kipiik kipiik, ki tii bisalolm ngbaan, bi mɔmɔk aah ga ŋman pu na.

Maika 5:2

Uwumbɔr bui ke, “Betlehem Efrata, aa ye kitiwaatiir kibaa le Juda aatiŋ pu, le sin ponn ni le m ga nyan ni ujojoor u ga li joo Israel aanib na, u ga nya ni mmaal mu ye n‑yaayoonn na aamaal ponn ni la.”

Ikaal 1:15

Nima pu na, m nan di binib bi kpa nlan, ki nyi mbimbin mbamɔm, aan ni nan nyan bi nimi aanibol ni ki di bi tii mi na, ki di nimi kpaan bi. Bibaa nan lik nimi binib lichur, biken mu binib nkub, le biken mu binib piiŋmu, biken mu kipiik. M nan ki nyan biyidam bibaa mu ke bi li lik ŋinibol ngbaan mɔmɔk.

Josua 23:1

Naah bi cha na, le Uwumbɔr tii Israel yaab linyaŋ baadim pu, le bi kan nsuudoon. N‑yoonn ngbaan Josua nan por pam,

1 Samuel 8:12

Bibaa ga li ye bijab lichur aaninkpiib, le biken mu ye bijab piiŋmu aaninkpiib. Nijapɔtiib le ga ko waakpaakon ni, ki chee waajikaar, ki mɔɔ waajawan, ni waataan aatɔroku mam aawan.